ShKENT, 18 yanv – Sputnik. Qozog‘istonning Aqtobe viloyatida avtobus yonib ketdi, deb xabar qilmoqda Sputnik Kazaxstan nashri Qozog‘iston IIV favqulodda vaziyatlar bo‘yicha vakli Ruslan Imankulov xabariga asosan.
Uning so‘zlariga ko‘ra, 18-yanvar soat 10:30 da Aqtobe viloyatining Irgiz tumanida “Samara – Shimkent” yo‘lining 1068 kilometrida, Kalibay posolkasidan 10km masofada avtobus yonib ketgan.
“Avtobus salonida 55 yo‘lovchi va ikki nafar haydovchi bo‘lgan. Ularning fuqaroligi aniqlanmoqda. Yong‘indan qutulib qolgan 5 nafar yo‘lovchiga Qozog‘iston FVVsining tibbiy-qutqaruv bo‘limi tomonidan yordam ko‘rsatilmoqda. Qolgan 52 kishi fojea joyida qurbon bo‘lgan”, — deyilgan Imankulov xabarida.
Aqtobe viloyati FVV Departamentida tezkor shtab faoliyat ko‘rsatmoqda. Psixiologik yordam xizmati ishlab turibdi. Aloqa uchun telefonlar: +7 7132 56-29-62, +7 7132 56-68-85.
So‘nggi damda olingan ma’lumot: Qozog‘iston IIV vakili Sputnik muxbiriga telefon orqali qurbon bo‘lganlar O‘zbekiston fuqarolari ekanligini tasdiqladi.
Ijtimoiy tarmoqlarda dastlabki fojea joyida olingan dastlabki video paydo bo‘ldi.
