TOShKENT, 18 yanv — Sputnik. 2018-yilning 17-yanvar kuni Vashington shahrida O‘zbekiston Respublikasi Tashqi ishlar vaziri Abdulaziz Kamilov AQSh Davlat kotibining siyosiy masalalar bo‘yicha o‘rinbosari Tomas Shennon bilan uchrashdi, deb xabar berdi TIV matbuot-xizmati.
Suhbat davomida O‘zbekiston Prezidenti Shavkat Mirziyoyev va AQSh Prezidenti Donald Trampning 2017-yil 19-dekabrdagi telefon orqali batafsil muloqoti davomida ma’lum qilingan maqsadlarni amaliy joriy etish doirasida siyosiy, savdo-iqtisodiy, investitsion, madaniy-gumanitar va boshqa sohalarda O‘zbekiston-AQSh muloqotini yanada rivojlantirishning istiqbolli yo‘nalishlari yuzasidan fikr almashildi.
Uchrashuvda ikki tomonlama kun tartibning boshqa dolzarb masalalari ham muhokama qilindi.
