Xalq ta’limi vaziri: O‘zbekiston lotin alifbosidan voz kechmoqchi emas

© anons.uzUlugbek Inoyatov - Ministr Narodnogo obrazovaniya
Ulugbek Inoyatov - Ministr Narodnogo obrazovaniya - Sputnik O‘zbekiston
Obuna bo‘lish
Ayni vaqtda O‘zbekiston lotin alifbosida qolishi va kirill alifbosiga qaytish masalalari o‘zbekistonliklar o‘rtasida keng muhokama qilinmoqda

TOShKENT, 23 avg — Sputnik. O‘zbekiston lotin alifbosidan voz kechmoqchi emas. Bu haqda bugun Xalqaro press-klub yig‘ilishida Xalq ta’limi vaziri Ulug‘bek Inoyatov ma’lum qildi.

Maktabni yangi o‘quv yiliga tayyorlash - Sputnik O‘zbekiston
Maktablarda remont uchun pul yig‘ilmaydi: ta’mirlash-eksplutatsiya xizmatlari tashkil etilyapti

"O‘ylaymanki, kirill yozuviga qaytish kichik qatlamdagi aholining fikridir. Men vazir sifatida o‘z pozitsiyamni bildiraman. Kirill va lotin yozuvlarining o‘ziga xos afzalliklari va kamchiliklari bor. Lekin lotin yozuvi hozirgi vaqtda mamlakatimizda aniq ustunliklarga ega deb o‘ylayman. Farzandlarimiz ingliz tilini o‘rganishmoqda, bu esa lotin yozuvidir. Lotin yozuvida bo‘lishimiz o‘zbek tilini o‘rganayotgan chet elliklarga ham ancha oson bo‘ladi", — deb ta’kidladi vazir.

Inoyatovning so‘zlariga ko‘ra, O‘zbekistonning dunyo hamjamiyati bilan integratsiya nuqtayi nazaridan qaraganda ham lotin yozuviga o‘tish bu to‘g‘ri qabul qilingan qaror hisoblanadi.

O‘zbekistonlik maktab o‘quvchilari - Sputnik O‘zbekiston
Vazirlar 11-yillik ta’lim tizimiga o‘tish bo‘yicha Mirziyoyevga batafsil axborot berishdi
"Bu jarayon davom etadi. Men o‘ylaymanki, o‘tgan davr mobaynida biz ko‘pchilik farzadlarimizni lotin yozuviga o‘rgatib bo‘ldik. Yoshi kattalar ham bu yozuvga ancha ko‘nikdi. Bu yerda hech qanday muammo yo‘q deb o‘ylayman. Biz lotin yozuvida qolishimiz kerak. Bugun o‘quv yili boshlanishidan oldin xavotirlanmasligi uchun buni xalqimizga va farzandlarimizga ishonch bilan aytishimiz kerak bo‘ladi", — deb alohida ta’kidladi vazir.

Lotin yozuvida adabiyotlarning yetishmaslik masalasi ham chetda qolmadi. Ayrim ekspertlarning fikriga ko‘ra, bugungi kunda respublikada barcha adabiyotlarning 70 foizi kirill yozuvida chop etilmoqda.

"Biz bosqichma-bosqich kutubxona jamg‘armalarini lotin yozuvidagi kitoblar bilan to‘ldirib bormoqdamiz. O‘tgan yili 27 nomdagi adabiyotlar chop etilgan, bu yil 28 ta chop etiladi. Kelgusi yillarda bu jarayon davom etadi. Shuning uchun masala asta-sekin hal bo‘ladi. Bu yerda muammo yo‘q. Maktablar lotin yozuvidagi adabiyotlar va qo‘shimcha kitoblar bilan to‘liq ta’minlangan", — dedi Ulug‘bek Inoyatov.

Yangiliklar lentasi
0