Qidiruvdagi shaxs o‘z ixtiyori bilan militsiya bo‘limiga kelsa hibsga olinmaydi

© SputnikUzbekskie militsioneri
Uzbekskie militsioneri - Sputnik O‘zbekiston
Obuna bo‘lish
Agar qidiruvdagi shaxs bo‘limga o‘z ixtiyori bilan kelsa, hibsga olinish o‘rniga undan mamlakatni tark etmaslik haqida tilxat olinadi

TOShKENT, 5 sen — Sputnik. O‘zbekiston militsiyasi qidiruvdagi shaxslar o‘z ixtiyorlari bilan qonun himoyachilariga taslim bo‘lishsa ularni hibsga olmaslikka va’da bermoqda, deb xabar berdi nuz.uz.

O‘zbekistondan millionlab qarzi bo‘lgan fuqarolar ustidan qidiruv e’lon qilindi

Agar qidiruvdagi shaxs bo‘limga o‘z ixtiyori bilan kelsa, hibsga olinish o‘rniga undan yashash joyini tark etmaslik haqida tilxat olinadi.

"Agar qidiruvdagi shaxsning o‘zi bizning oldimizga keladigan bo‘lsa, uni qamamaymiz, tergov izolyatorida bir soat ham ushlab turmaymiz", — dedi Mirzo-Ulug‘bek tumani IIB boshlig‘i Bahrom Begaliyev.

Uning aytishicha, xorijda yurgan shaxslar O‘zbekiston elchixonasi yoki konsulligiga murojaat qilib o‘zlarining qidiruvda ekanliklarini ma’lum qilishlari lozim.

Diplomatik missiya xodimlari ularning vatanga qaytishlarida ko‘mak ko‘rsatishadi.

Ilgariroq O‘zbekiston prezidenti Shavkat Mirziyoyev jinoyat sodir etgan ko‘plab shaxslar respublika tashqarisida ekanligi bois huquqni muhofaza qilish vazirlik va idoralariga tegishli choralar ko‘rishni buyurgandi.

Yangiliklar lentasi
0