TOShKENT, 11 yanv – Sputnik. Shavkat Mirziyoyev viloyatlarga uyushtirgan safarining birinchi kunida u yerdagi ijtimoiy-iqtisodiy islohotlarning borishi bilan, ikkinchi kuni esa hududning harbiy-ma’muriy sohalaridagi vaziyatni diqqat bilan o‘rganib chiqishini aytdi, deb xabar berdi "Xalq so‘zi".
Xabar qilinishicha, O‘zbekiston prezidenti bir yil davomida ana shunday tartibda ishlashni rejalashtirgan. Hokimlar, harbiy okruglarning qo‘mondonlari va boshqa mas’ul shaxslar buni e’tiborga olishlari ta’kidlandi.
Eslatib o‘tamiz, kecha O‘zbekiston prezidenti Shavkat Mirziyoyev raisligida Xavfsizlik kengashining kengaytirilgan tarkibdagi yig‘ilishi bo‘lib o‘tdi.
