TOShKENT, 17 yanv — Sputnik, Dilshoda Rahmatova. O‘zbekiston Turizmni rivojlantirish qo‘mitasi rahbari Aziz Abduhakimov ichki turizmni milliy g‘oyaga aylantirish istiqbollari va bu borada amalga oshirilayotgan chora-tadbirlar haqida gapirdi.
U bu borada ma’lum chora-tadbirlar ko‘rilayotganini ma’lum qildi.
"Eslaringizda bo‘lsa, Ipoteka kreditlari bo‘lardi. Soliq to‘langanda, davlatni solig‘ini kreditni yopishga ishlatish mumkin edi. Hozirda prezident qo‘llab-quvvatlashi va Moliya vazirligi ma’qullashi bilan shunga o‘xshash tizim yaratilayapti", — dedi Abduhakimov.
Ta’kidlanishicha, ichki turizmni rivojlantirish maqsadida davlat tomonidan ham ishlovchilarga ham ish beruvchilarga ma’lum imtiyozlar berish ko‘zda tutilgan.
O‘zbekiston turizmni rivojlantirish qo‘mitasi rahbarining so‘zlariga ko‘ra, bugungi kunda O‘zbekistonda rahbarlar orasida Saviskiy muzeyiga qiziqish ortgan,
"Qish fasli ekaniga qaramay, Saviskiy to‘lib yotibdi. Havo —15 daraja ekanligiga qaramay, xorazmliklar va Qoraqalpog‘istonning barcha tumanlari yashovchilari 1-2 kunga bu yerga aylangani kelishmoqda", — dedi Abduhakimov.
U shuningdek, bunday tadbirlarni ko‘plab amalga oshirish mumkinligini qayd etdi.
