TOShKENT, 17 yanv — Sputnik. Rossiya O‘zbekiston bilan munosabatlarni chuqurlashtirishning qo‘shimcha imkoniyatlari ishga solinadi degan fikrda, deya e’tirof etdi Rossiya tashqi ishlar vaziri Sergey Lavrov bugun bo‘lib o‘tgan matbuot anjumanida.
"Rossiya va O‘zbekiston munosabatlari haqida gapiradigan bo‘lsak, bu strategik hamkorlik munosabatlariga aylanganiga ancha bo‘ldi. O‘zbekiston bir necha yil ilgari Kollektiv xavfsizlik shartnomasi tashkiloti tarkibidan chiqib ketgan bo‘lsa-da, bizning ikki tomonlama ittifoqchilik munosabatlarimiz xalqaro-huquqiy asoslarda mustahkamlangan. Va biz O‘zbekistonning yangi prezidenti, yangi hukumati mazkur munosabatlarni davom ettirishni maqsad qilgan deb hisoblaymiz", — dedi vazir.
Uning so‘zlariga ko‘ra, O‘zbekiston va Rossiya o‘rtasidagi munosabatlarni chuqurlashtirishning yangi imkoniyatlari har ikki mamlakat xalqlari manfaatlari uchun xizmat qiladi.
