Онищенко МДҲдаги АҚШ биолабораториялари ҳақида: асосийси медикларни ҳарбийлардан фарқлаш

614
(Янгиланган 17:24 03.12.2018)
Америка Қўшма Штатлари томонидан Марказий Осиёнинг айрим давлатларида ташкил этилаётган хавф-хатар ва касалликларни бошқариш бўйича лабораториялар хавфлими? Грузия ва Қозоғистондаги ҳарбий лабораторияларда аслида нима устида иш олиб боради - профессор Онищенко бу ҳақда Тошкентда гапириб берди

ТОШКЕНТ, 3 дек - Sputnik. Россия Фанлар академияси академиги, профессор Геннадий Онищенко Тошкент тиббиёт академияси талабалари билан учрашувда АҚШ томонидан Грузияда ташкиллаштирилган махфий биологик лабораториялар тўғрисидаги саволга жавоб берар экан, бундай базалар хавфли экани ва Вашингтон - биологик қурол тўғрисидаги конвенцияга умуман амал қилмаяпти, дея қайд этди.

Sputnik Ўзбекистон мухбири хабарига асосан.

Россия собиқ Бош санитария врачи Геннадий Онищенко Грузиядаги махфий лабораториялар - ўта хавфли эканлигига урғу бериб, улар АҚШ армиясининг ҳарбий лабораториясидан бошқа нарса эмас, дея қайд этди.

"Бу жуда жиддий, улкан ва ҳимоя даражаси ўта юқори муҳандислик иншооти бўлиб, бугунги кунда у энг хавфли - биринчи ва иккинчи гуруҳдаги вируслар билан ишлаш имконини беради", - деди олим ва худди шундай 2та лаборатория Қозоғистонда ҳам мавжуд, дея қўшимча қилди.

Онищенконинг айтишича, ядровий, кимёвий ва биологик оммавий қирғин қуроллари орасида энг тартибга солинмайдигани бу - биологик қуролдир. 

"1972-йилда қабул қилинган биологик қурол тўғрисидаги конвенция назорат механизмига эга эмас. Ушбу механизм ратификация қилиниши арафасида 2001 йилнинг 18 сентябрида, эгизак-биноларга уюштирилган ҳужумдан сўнг, Клинтон хоним америкаликларни биологик ҳужум қурбони, деб атаб, АҚШ ушбу конвенциядан бир тарафлама чиқишини эълон қилган эди. Лекин кейин маълум бўлдики, америкаликлар ушбу ҳужумни ўз халқига нисбатан ўзлари уюштиришган бўлиб чиқишди. АҚШнинг энг яхши куйдиргишунос олими бу хавфли компонентни кейинчалик тарқатиш учун конвертларга тақсимлаб чиққан эди", - дейди профессор.

Маълум бўлишича, Қўшма Штатлар бу учун сибир язваси (куйдирги)нинг энг тез таъсир қилувчи тури - "Эймс штамми" биологик компонентини конвертларга солиб, энг таниқли журналистлар, номдор ОАВлар таҳририятларига йўллашган. Ўшанда етти киши вафот этган.

"Шундан сўнг америкаликлар бир ҳафтага ўз осмонини буткул ёпдилар. Биз уларга Бишкек, Жалолободда ўз базаларини ташкил қилишга рухсат бердик. Улар Афғонистонга қўшин олиб киришди. АҚШ мана шу мақсадда ўз халқига нисбатан ҳужум ташкиллаштирган эди", - дейди профессор.

Онищенкога кщра, Грузияда лабораториялар ҳам ҳавода айланиб юрган рус халқи штаммларини ўрганиш учун ташкил этилган. "Бугунги кунда бу лабораториялар бизга қарши қаратилган бўлса-да, Хитой бу борада ўз хавотирини билдирди. Чунки Қозоғистон билан улкан чегарага эга ва бу ҳолат Хитойни безовта қилмасдан қолмайди, албатта", - дейди олим.

МДҲнинг уч мамлакатида ташкил этилган лабораториялар ҳақида

Илгарироқ, ОАВларда Украина, Озарбайжон ва Ўзбекистонда Пентагонга тегишли бўлган хавф-хатарлар ва касалликларни бошқариш лабораториялари лабораторияларда қайта таъмирлаш амалга оширилаётгани ҳақида хабар берилган эди. Профессор Онищенко бу лабораториялар фаолиятига қуйидагича баҳо берди.

Эскперт сўзларига кўра, Ўзбекистонда ёки МДҲ ҳудудида у ёки бу лабораторияларни қуришда у ёки бу чет эл лабораториялари кимнинг бошқарувида эканлигини аниқ фарқлаш лозим. Бу ерда лабораториялар АҚШ Соғлиқни сақлаш вазирлиги бошқарувида бўлиши бошқа, ва медиклар ортида ҳарбийлар бўлиши тамомила бошқа ҳолат.

"Бундай лабораторияларда табиийки, ҳарбий мутахассислар фаолият юритадилар. Ҳарбий микробиологлар ҳар қандай ҳарбий сингари ўз олдига қўйилган ҳарбий топшириқларни бажарадилар. Қолаверса, ҳарбий лабораторияларни жисмоний лабораториялардан фарқлаш лозим. Грузиядаги лабораториялар энди ташкил этилганида, бизнинг ўрганишларимиз у ерда бирорта жисмоний лабораторияда йўқ тузилмалармавжудлигини кўрсатган. Яъни ушбу лабораторияларда "совуқ хоналар" мавжуд бўлиб, бу термал хоналарда улкан миқдорда фаол биологик материалларни тўплаш мумкин. Жисмоний лабораторияларда бундай эмас: дейлик, микробни аниқлашимиз билан унга таъриф берамиз ва уни ўлдирамиз. Бу нимага тенг биласизми? Масалан, уйингизда қурол мавжуд бўлса-да, сиз йўқ, бу болаларим ўйнасин учун, деб юпатсангиз", - дейди профессор.

Геннадий Онищенко в узбекском чапане и тюбетейке
© Sputnik / Рамиз Бахтияров
Геннадий Онищенко в узбекском чапане и тюбетейке

Эслатиб ўтамиз, октябрь ойининг бошида Россия Мудофаа вазирлиги АҚШнинг вируслар ва штаммларни ўрганиш соҳасидаги фаолиятидан ташвишдалигини билдирган эди. Бунда асосий эътибор Лугара Марказига қаратилиб, бу марказ Россия билан чегарадош мамлакатлар ҳудудида фаол иш олиб боради. Хусусан, юқорида таъкидланганидек, марказга қарашли лаборатория корпуслари Украина, Озарбайжон ва Ўзбекистонда қайта таъмирланаётгани ҳақида хабарлар тарқалган эди.

РФ ҳарбий идораси маълумотларига мувофиқ, бу каби лабораторияларда инфекцион касалликлар ҳақида маълумотлар тўпланади ва вакциналарнинг ҳимоявий хусусиятини енгиб ўта олиш ҳамда антибиотикларга қарши курашувчанлик хусусиятига эга патоген микроорганизмлар штаммларидан иборат патоген микроорганизмлар мавжуд миллий коллекциялар мамлакатдан олиб чиқиб кетилади. АҚШ ушбу дастур учун 1 миллиард доллар сарфлаган.

614
Контрольно-пропускной пункт на границе

Бу урушдан ҳеч кимга наф йўқ: эксперт Арманистон ва Озарбайжон можароси ҳақида

293
Озарбайжон Арманистон армиясининг таянч пунктига зарба берганини маълум қилди. Давлат замонавий ривожланиши институти директори Дмитрий Солонников можаронинг сабаблари ва унинг оқибатлари ҳақида ўз фикрларини билдирди.

Озарбайжон Қуролли кучлари Арманистон қуролли кучлари таянч пунктига зарба берди, душанба кунига ўтар кечаси чегарадаги вазият кескинлигича қолди. Бу ҳақда берди РИА Новостига Озарбайжон Мудофаа вазирлиги матбуот хизмати маълум қилди.

Аввалроқ Арманистон Мудофаа вазирлиги Озарбайжон душанба куни эрталабдан Арманистон позицияларини артиллерия қуролларидан ўққа тутишни бошлаганини маълум қилган эди. Вазирлик раҳбари шахсий таркибга вазмин бўлишни буюрди.

Жанглар икки мамлакат чегарасидаги Товуз тумани ҳудудида 12 июль, якшанба куни бошланди. Озарбайжон Мудофаа вазирлиги талқинига кўра, ҳарбий позициялар Арманистон қуролли кучлари бўлинмалари томонидан ўққа тутилган. Шу билан бирга, Арманистон томони Озарбайжонни таянч нуқтасини эгаллашга уринишда ва чегарани бузишда айбламоқда.

Sputnik радиоси эфирида Давлат замонавий ривожланиши институти директори Дмитрий Солонников можаронинг сабаблари тўғрисида ўз фикрларини билдирди.

“Бугунги кунда иккала томон учун жиддий тўқнашувлардан ҳеч қандай маъно йўқ. На Арманистонга, на Озарбайжонга кенг кўламли урушни бошлашни фойдаси бор. Менимча, гап қўмондонликнинг қуйи бўғинидаги бирон бир келишмовчилик ҳақида кетмоқда. Балки бунга қачонлардир кузатувчилар аниқлик киритишлари мумкин бўлади. Ҳозирда ЕХҲТ ушбу масалани ўрганишда фаол иштирок этмоқда”, - деди Дмитрий Солонников.

У томонларнинг бир-бирига нисбатан билдирган айбловларига изоҳ берди.

“Чегарани бузиб ўтиш - бу жиддий ҳарбий амалиёт. Бу ерда айтилишича эса, бир неча киши УАЗ автомашинасида чегарани кесиб ўтишга уринганлиги айтилмоқда. Бу ҳақиқатан рўй берган бўлса, бу шунчаки маҳаллий ҳарбийлар томонидан уюштирилган безорилик, провокация ёки аҳмоқликдир. Ёки бошқа версия ҳам бор: Озарбайжоннинг позицияларига қарата ўт очилиши - бу ҳам қандайдир маҳаллий вазият. Буларнинг барчаси албатта текширилади, аммо бу Бош штаб юқори идораларида режалаштирилмаганлиги аниқ”, - дейди эксперт.

Унинг фикрига кўра, томонлар жиддий тўқнашувларнинг олдини олишлари мумкин.

“Ўйлайманки, иккала томон ҳам ушбу можаронинг оқибатларини минималлаштиришга ҳаракат қилади. Сўнг улар ЕХҲТ орқали жорий кескинлик манбасини топишга ҳаракат қиладилар. Катта урушдан ҳеч кимга наф йўқ, шунинг учун можаро янада кучайишига йўл қўймайдилар”, - дея хулоса қилди Дмитрий Солонников.

293
Flagi USA i UE w Brukseli

Вашингтон Европани ростакамига жазолашга қарор қилди

521
(Янгиланган 20:15 13.07.2020)
АҚШ ва Европа орасида узоқ йиллар давомида вужудга келган эски можаро ҳозирги кунга келиб кўп миллиард долларлик ўзаро молиявий зарбаларга олиб келди.

Дональд Трамп маъмуриятининг Facebook, Google ва Amazon каби Американинг ИТ-гигантлари ўртасидаги барча зиддиятларга қарамай, АҚШ президенти Америка корпорацияларининг даромадларини Европа солиқчиларидан ҳимоя қилиш мақсадида АҚШ ва Европа Иттифоқи ўртасида сақланиб қолган трансатлантик бирдамлик ва яхши ният қолдиқларини қурбон қилишга тайёр бўлди, деб ёзади РИА Новости муаллифи.

Узоқ йиллар давомида вужудга келган эски можаро ҳозирги кунга келиб кўп миллиард долларлик ўзаро молиявий зарбаларга олиб келди - Европа Иттифоқи ўнлаб йиллар давомида ЕИда солиқларни тўламасдан ишлаб келган Америка корпорацияларини «сиқувга олмоқчи”, АҚШ эса минимал молиявий суверенитетни қўлга киритишга уринишлар учун Европа Иттифоқини жазоламоқчи. Трамп жамоасига тан бериш керак - уларнинг қасоси аниқ нуқтали бўлиб чиқди, яъни Европанинг озодлик сари қадами ғояси аниқ муаллифи ва умуман олганда “АҚШнинг Европа колонияларида” фаолият юритаётган Американинг ИТ-бизнеси  аслида, солиқ тўлаши кераклиги фикрини илгари сурган “безбет” аниқланди ва бу аниқланишдан кейин Американинг жавоб чоралари кўрилди.

“Google, Facebook ва Amazon солиғи” муаллифи ва илҳомлантирувчиси сифатида Европани дунё кучи кутби сифатида қайта тикланиши ҳақида кўп гапириш иҳлосманди ва Франция президенти Эммануэль Макрон ва Оқ уйнинг қайноқ қўли остига тушиб қолган компаниялар рўйхатидагилар бўлиб чиқди, бу рўйхат эса Елисей саройига максимал даражада ноқулайлик келтирувчи зарба бериш мақсадида тузилган.

Америка CNBC  молиявий телеканалининг хабар беришича:

АҚШ люкс сегментда ишлайдиган айрим маҳсулотларга юқори божларни киритиши мумкинлигини эълон қилгандан Франция компанияларининг акциялари нархи тушиб кетди.

Январ ойи охирида жорий этилиши мумкин бўлган янги тарифларга мувофиқ, АҚШ Савдо ваколатхонаси Франциядан бундай товарларни олиб киришда 100% гача бож ундириши мумкин бўлади. Тахминий миқдор (янги божлар жорий этилиши мумкин бўлган импорт - таҳр.) 2,4 миллиард долларни ташкил этади. Француз акцияларининг пасайиши Louis Vuitton, Hennessy, Hermes, Christian Dior, Gucci, Yves Saint Laurent и Balenciaga брендларига эгалик қиладиган компанияларга таъсир қилади”

“Юз фоиз – бу анчагина катта миқдор”, - дейди Американинг The Wall Street Journal нашрига Chanel уйи президенти Бруно Павловский. “100 % бу тариф эмас, бу - жарима”, - дея қўшимча қилди у.

Таъкидлаш жоизки, Америка амалдорлари воқеалар ўз версиясини тақдим этиб, аслида бу вазиятда ЕИдаги Америка компанияларини камситмоқчи бўлган Макрон айбдор деб таъкидлайдилар. Бу айблов ҳатто одатда ватанпарвар бўлган Америка ОАВларида ҳам маълум бир шубҳаларни келишига сабаб бўлди.

“АҚШда Франция солиқ тузилмаси Facebook, Google ва Amazon каби АҚШнинг йирик интернет-компанияларига нисбатан адолатсиз иш тутмоқда деб ҳисоблашади. Шунга қарамай, бошқа давлатлар ҳам тобора ўз бозорларида миллиардлаб долларлар топаётган фирмалардан даромад олиш йўлларини изламоқда”, - дея хабар беради Politico нашри.

Трамп томонидан қасос воситасини танлаши, эҳтимол, “французча люкс” ўзига хос ишончлилик ороли ва инвесторлар учун хавфсиз бошпана ҳисобланганлиги билан боғлиқ, чунки инвесторлар фақат энг бадавлат истеъмолчилар билан ишлайдиган француз компаниялари, коронавирус эпидемияси таъсиридан ва савдо урушлари ҳавфидан идеал даражада ҳимояланган, деб ҳисоблашган.

Франция эпидемияга қарши кураш чораларини кўриши сабали чуқур иқтисодий инқирозга шўнғишининг қора фонида, люкс компаниялари аллақандай нур ва умид манбаи, шунингдек ўз анъанавий саноати билан Германия ёки Хитой билан рақобатлаша олмайдиган мамлакат бўлиб, аммо халқаро майдонда қанақақадур рақобатдош устунликка эга бўлиши тимсоли бўлиб кўриниб турган эди. Агар мақсад Франция президенти маъмуриятини қўрқитиш ва умуман Европа солиқ сиёсатига таъсир ўтказиш бўлса, унда бу тимсолни оёқ ости қилиб, ушбу компанияларни Америка бозорига кириш имкониятидан маҳрум қилиш яхши фикрдир.

Французлар ўзини принципиал тутиб Америка компанияларига солиқ жорий этишлари мумкин (ҳеч бўлмаганда миллий даражада), аммо, дейлик, немис амалдорлари, масалан, немис автомобилларини экспорт қилишда “100%лик тариф” га дуч келган ҳолда, умумевропа солиғини жорий этилишини қўллаб-қувватлармикин, -  бу жуда катта шубҳа остида.

Бошқа томондан, бу ҳолатда гап фақатгина иқтисодий можаро ҳақида кетмаяпти. Бу баҳс Европалик сиёсатчиларнинг ўз мавқеи устидан кетаётган баҳс. Муайян ҳудуднинг ҳақиқий эгалигини кўрсатадиган ҳал қилувчи омил, бу - маҳаллий ишбилармонлар солиқни кимга тўлаши масаласи. Ушбу солиқларни жорий қилиш ва ундириш ҳуқуқига эга бўлган шахс муайян ҳудудда ҳокимият эгасидир. Тарихда шундай вазиятлар бўлганки, баъзи чет эллик савдогарлар ёки тадбиркорлар бирон бир мамлакатда божсиз ва солиқсиз савдо қилиш ёки хизмат кўрсатиш ҳуқуқини олган, аммо бу фақат урушда ютқазганида ёки шунчаки ҳарбий куч ишлатилиши таҳдиди остида таслим бўлишнинг маълум шартларига имзо чеккан тақдирдагина юз беради.

Шунга мос равишда, Америка компаниялари Франциянинг онлайн реклама ва интернет-савдолари бозорида етакчи иштирокчисига айланганида, улар француз компанияларидан миллиардлаб евроларни олишади (бир вақтнинг ўзида ҳар қандай француз бизнесини ўз маҳсулотларини интернетда самарали реклама қилишдан маҳрум қилиб, уларни “ўлдириш” имконига эга бўлади), шу билан бирга француз бюджети бир тийин ҳам ололмайди, яъни бу Франция АҚШнинг мустамлакаси ёки ҳеч бўлмаганда тўлиқ иқтисодий суверенитетга эга эмаслигини англатади. Ва уч фоизли арзимаган солиқни жорий қилиш қарори - шунчаки бюджетни тўлдириш истаги эмас, балки ўз мустақиллигини тиклашга уриниш холос.

Шуниси эътиборга лойиқки, Трамп маъмуриятининг Францияни жазолаш ҳаракатини Республикачилар қаторида, Демократик партияси ҳам қўллаб-қувватлаганди. Бу Россия учун жуда яхши янгилик, айниқса француз сиёсатчиларида тўсатдан ўз ғурури ҳисси пайдо бўлса.

Ўтган сафарги таҳдидларга жавобан, Франция ва ҳатто Германия ҳукумати вакиллари ҳеч бўлмаганда олға қадам босиб ва мустақил иқтисодий сиёсат юритиш ҳуқуқини ҳимоя қилишга тайёр эканликларини намойиш этдилар.

Агар вазият ушбу сценарий бўйича давом этаверса, АҚШнинг кузги сайловларида ким ғолиб бўлишидан қатъи назар, Вашингтон-Париж ва Вашингтон-Берлин йўналишларида муносабатлар янада ёмонлашиб боради. Яқин келажакда америкалик истеъмолчи Chanel атирига ёки Hermes сумкасига контрабанда ёрдамида эришадиган бўлса ва европаликлар Америка ижтимоий тармоқларига альтернатива излашга мажбур бўлишса, бу жуда кулгили ҳолат бўлади. Иқтисодий деглобализация ниҳоллари ўрнатилган халқаро алоқалар асфальтини ёриб чиқмоқда.

Жорий глобаллашган иқтисодиёт тизими мос келмаётган давлатлар учун бу ўтмиш хатоларини тузатиш ва деглобализацияга дуч келган келажакда янада қулай мавқега эга бўлиш учун сўнгги ва жиддий имкониятдир.

521

Россияда 15 июлдан хориждан келаётганлар учун 14 кунлик яккаланиш бекор қилинади

7
Эндиликда хорижий фуқаролар Россия чегарасини кесиб ўтишда коронавирусга манфий таҳлил топширганлари ҳақидаги маълумотномани тақдим этишлари керак. Агар бўлмаса, Россия ҳудудида 3 кун ичида коронавирусга таҳлил топшириш шарт бўлади.

ТОШКЕНТ, 14 июл — Sputnik. 15 июлдан Россияга келувчи фуқаролар учун икки ҳафталик мажбурий яккаланиш (изоляция) бекор қилинади. Роспотребнадзор раҳбари Анна Попова тегишли қарорга имзо чекди.

Эндиликда хорижий фуқаролар коронавирусга манфий таҳлил топширганлари ҳақидаги маълумотномани тақдим этишлари керак. Унда фуқаро Россияга келишидан кўпи билан уч кун олдин полимер занжир реакцияси (ПЦР) усули билан олинган таҳлили манфий чиққани тасдиқланган бўлиши керак.

Агар хорижий фуқарода коронавирусга таҳлили манфий чиққанини тасдиқловчи ҳужжат бўлмаса, унда у Россия ҳудудида 3 кун ичида коронавирусга таҳлил топшириши шарт бўлади. Таҳлил учун тўлов Россия қонунчилигига асосан амалга оширилади.

Мамлакатга қайтаётган Россия фуқаролари учун ҳам худди шундай тартиб кўзда тутилган. Маълумотнома рус ёки инглиз тилида бўлиши керак.

7