МДҲ ўз шенгени. Россия чегараларида нима ўзгариши мумкин?

402
(Янгиланган 15:44 15.10.2019)
Қозоғистон президенти Касим-Жомарт Токаев МДҲ учун Шенгенга ўхшаш ягона виза тартибини жорий этишни таклиф қилди. Қардош республикаларнинг "Ҳамдўстлик визаси"га қанчалик эҳтиёжи бор РИА Новости материалида ўқинг.

ТОШКЕНТ, 15 окт — Sputnik, Антон Лисицын. Қозоғистон президенти Касим-Жомарт Токаев МДҲ учун Шенгенга ўхшаш ягона виза тартибини жорий этишни таклиф қилди. Агар бу ғоя амалга ошса, Россия Ҳамдўстликнинг айрим давлатлари билан умумий чегараларга эга бўлади. Ҳозирча ҳатто Иттифоқ давлатлари доирасида бу амалга оширилгани йўқ. Минск 2017-йилда 80та давлат фуқаролари учун визасиз тартибни жорий этган бўлиб, бу ўзаро норозиликка олиб келган эди. Қардош республикаларнинг "Ҳамдўстлик визаси"га қанчалик эҳтиёжи бор РИА Новости материалида ўқинг.

Яқин ва турфа қўшнилар

Токаев "МДҲ визаси"ни таклиф этар экан, бунга сабаб қилиб туризмни ривожлантириш заруриятини кўрсатган эди. "Ҳамдўстликнинг ҳар бир давлати ўз ноёб дам олиш зонаси, табиий-ландшафти ва тарихий объектларига эга", - деганди у.

Токаевдан олдинги президент Нурсултон Назарбоев собиқ СССР сарҳадларидаги интеграллашувнинг ғоявий илҳомчиси бўлган. Аммо гап бу ерда фақатгина анъанани давом эттиришдамас: Қозоғистоннинг иккинчи президенти — кадровик дипломат ва у фақатгина давомли нарсалар ҳақида гапиради. Аслида, республика раҳбари, бу сингари лойиҳанинг амалга ошишига ҳалал бераётган тўсиқларга ҳам ишора қилди. "Таассуфки, МДҲ давлатлари миллий виза ва миграция қонунчилигида сезиларли фарқлар сақланиб қолмоқда", - деди Токаев.

Аслида йўқ чегара

Ҳақиқатда масалан, Қозоғистон, бир неча ўнлаб мамлакатларга - Австрия ва Австралиядан тортиб АҚШ ва Филиппинга қадар - ўз ҳудудига визасиз кириш имконини тақдим этди. Лекин ҳаммаси жавобсиз — "дунё ҳамжамияти" ва "ривожланган давлатлар" Нур-Султонга бу ташаббусга яраша жавоб қайтармадилар. Қозоғистон фуқаролари стандарт таомиллардан ўта туриб, виза олишлари шарт. Собиқ СССР республикаси шунчаки потенциал инвесторлар ҳаётини енгиллаштириб, кириш туризмини қўллаб-қувватламоқда. Унинг бошқа давлатлар билан ягона миграция майдони йўқлиги туфайли, муаммолар пайдо бўлиши мумкин эмас. Лекин агар мамлакатлар ўртасида чегара назорати йўқ экан, уларнинг чегаралари умумийга айланади.

Россия ва Беларусь шундай муаммога дуч келишган эди. 2017-йил феврал ойида Минск 80та давлат фуқаролари учун визаларни бекор қилди. Бир тарафдан бу республиканинг суверен ҳуқуқи эди. Бошқа томондан — 1997-йилдан Россия ва Беларусни Иттифоқдош давлатлар тўғрисидаги келишув бирлаштириб туради. 2017-йилга қадар чегарани кесиб ўтиш икки давлат ўртасида шунчаки расмиятчилик эди холос, иккала қўшни ҳам умумий чегарага эга эканликларини оммага эълон қилгандилар.

Шу боис, Москва Беларусь қарорига муносабат билдирмаслиги мумкин эмасди — Кремль визасиз тартиб фақатгина Беларуснинг ўзига тегишли эканини қайд этди. Шу билан Россия олдиндан иттифоқдоши билан бутун чегара бўйлаб чегара олди зонаси тартибини киритди. Федерал хавфсизлик хизмати (ФСБ) фуқаролар ва транспорт воситаларини назорат қилиш постларини ўрнатди. Беларусдан келадиган авиарейслар аэропортларнинг халқаро терминалларига кўчирилди, йўловчиларнинг ҳужжатлари текширила бошланди.

Беларус ҳукуматига бу ёқмади. Республика ТИВ матбуот-котиби Дмитрий Мирончик Россия чегара олди зоналарини ташкил этиб, Беларусь фуқароларини чет элликларга тенглаштирди, дея баёнот қилди. Александр Лукашенко иттифоқдош ҳаракатларида иттифоқлик шартномаси бузилганини илғади.

"Давлатлараро келишувлар, битимлар мавжуд. Вазирлардан бири эса, у кучли "эфэсбешник"лардан ва ҳоказо, (Россия федерал хавфсизлик хизмати (ФСБ) раҳбари Александр Бортников. — таҳр.) бир қалам тортиб, ўз буйруғи билан барча келишувларга нуқта қўйди. Бу нима, нормал ҳолатми?" — дея эътироз билдирарди Беларусь президенти. Минск Москва ҳаракатлари асосли эканлигини тушунишдан воз кечган бўлса-да, иш аччиқ эътирозлардан нарига ўтмади.

Мустақил Давлатлар Ҳамдўстлиги ҳудудида паспортдаги рухсатнома фақат Туркманистонга борилганда керак бўлади. МДҲнинг бошқа аъзолари бундай чораларни Ашхободга нисбатан ҳам қўллашган.

2008-йилги можародан кейин Россия ва Грузия ўзаро виза тартибини ўрнатдилар, сўнгра 2012-йилда, Тбилиси россиялик туристлар оқимини қўллаб-қувватлаш мақсадида чекловларни бекор қилди. 2018-йилгача Ўзбекистон ва Тожикистон фуқаролари бир-бирлариникига бориш учун виза олишлари керак эди.

"Кўпроқ ишлаган яхши"

Иқтисодиёт олий мактаби жаҳон иқтисодиёти ва жаҳон сиёсати факультети декани ўринбосари Андрей Суздальцев Ҳамдўстлик давлатлари умумий визаси ғоясига ишончсизлик билан қарайди. "МДҲнинг қатор давлатлари атроф дунё билан ўзаро муносабатда алоҳида тартибга эга. Мисол учун, Туркманистонни олайлик, у нафақат суверенитети ҳақида таъкидламоқда, балки Ҳамдўстликнинг бошқа давлатларидан узоқлашди ва яккаланиб олди — у ерга бориш учун ҳатто қўшнилар, яқин чет давлатлар ва собиқ иттифоқ давлатлари фуқаролари учун ҳам виза керак".

"Ушбу ташаббусни ҳаётга татбиқ этишда қандай муаммолар юзага келиши мумкинлигини Россия-Беларус форматидаги муносабатларда кўриш мумкин, — дея давом этади Суздальцев. — Биз мамлакатни беларуслар сингари, бирёқлама тартибда очолмаймиз — бу хавфсизлик, обрў ва бошқа кўпгина масалалардир. Чет элликлар биз билан Беларусь, Арманистон, Қирғизистон ва Қозоғистон чегарасини хотиржам кесиб ўтишлари учун биз энг аввало қонунчилигимиз ва виза сиёсатини бир шаклга келтирмоғимиз лозим. Муносабатларимиз синхронлашиши керак. Дейлик, Исроил россияликларга визасиз киришни тақдим этганида, беларуслар ҳам бунга эришишга интила бошладилар. Шу билан бир вақтда биз Минск билан бирга ягона иттифоқ визасини жорий этишга ҳаракат қиляпмиз, бу борада Иттифоқ мамлакати давлат котиби Григорий Рапота улкан ишни амалга оширди. Бу бир неча маротаба эълон қилинди ҳам, аммо шу вақтга қадар ҳаётга татбиқ этилмади".

Ҳақиқатан ҳам, умумий визаларни киритишга ҳалал бераётган сабаблар ҳақида 2018-йилда Рапота максимал даражада атрофлича гапирган эди: "Қатор технологик деталлар бизнинг ҳуқуқ-тартибот органларимиз ва ташқи ишлар вазирликларимиз томонидан қўшимча ўрганишни талаб этди. Мени фикримча, бу ҳолатда кўпроқ ишлаб, кейинчалик қайта ишланмайдиган ҳужжатни тайёрлаган маъқулроқ", - нега бу ерда шошилиш керак эмаслиги сабабини Иттифоқ давлати давлат котиби шундай тушунтиради.

ОДКБ ОБСЕ бўлиши учун

Қозоғистонлик сиёсатшунос Дониёр Ашимбаев "Токаев биринчи иш жойи бўйича - дипломат" эканлигини эслатиб ўтади. "У халқаро келишувлар аҳамиятини яхши тушунади ва омма олдида томонлар кулуарларда у ёки бу тартибда ишлаб чиққан режалар ҳақида гапиради. Бундай таклиф йиғилганларда аллергияни келтириб чиқармаслиги керак", - дейди эксперт.

Бундан ташқари, профессионал дипломатнинг ҳақиқий, ҳамиша ҳам аниқ кўринмайдиган мақсади бўлади. "Қозоғистон собиқ иттифоқ майдонида барча уюшмаларга аъзо, Нур-Султон (аввалги Остона) эса интеграллашув локомотиви бўлган.

Аммо Қозоғистон, дейлик, энг обрўли мамлакат эмас. Россиянинг бирлашиш ҳақидаги ташаббуслари - Ғарб билан қарама-қаршиликка киришишга даъватдек қабул қилиниши мумкин. Пекин ташаббуслари хусусида ҳам қўрқувлар бор. Коллектив хавсизлик шартномаси ташкилоти (ОДКБ) ҳам қирқ йилдан ошиқ вақтдан буён Европада барчани яраштираётган, суд қилаётган, арбитр вазифаси ва ҳоказо ролларни бажараётган, умуман олганда сиёсий мавқе ва таъсирга эга бўлган ОБСЕ ролини ўзида синаб кўриши мумкин. Бундай ташкилот Осиёда керак. Бироқ, агар бизда ўз ОБСЕмиз йўқ экан, нега даставвал хусусий Шенгенимизни яратмаймиз?", - дейди Токаевнинг гапларини изоҳлайди Ашимбаев.

Сиёсатшунос фикрига кўра, ягона миграция майдони собиқ иттифоқ давлатлари уюшмасига янгича маъно беради. "Барча МДҲни мазмунсизлиги учун танқид қилар эди, ЕОИИ (ЕАЭС) - гўёки Россия манфаатларини кўзлаб ташкил этилган дейиларди, ШҲТ -  Хитой манфаатларига хизмат қилиши урғуланарди. Амалиётда эса ҳеч ким ушбу ташкилотларни тарк этишни хоҳламайди. Грузияни ҳисобга олмаганда - аммо бу бошқа воқеа. Ҳатто позицияси барча совет ва собиқ иттифоқ тузилмаларига нисбатан қаҳрли хазм қилмаслик асосида қуриладиган Украина ҳам МДҲни тарк этишга шошилмаяпти - тушунарсиз тузилмаларга эга Ҳамдўстлик таркибида бўлиш ўта қулай. Умумий виза майдони эса интеграллашувга туртки бериши мумкин. ЕИ ва Шенген зонаси ҳам кўпинча ягона ҳудуддек қабул қилинади", - деб қўшимча қилади Ашимбаев.

Токаев туристлар учун визалар ҳақида гапирган эди. Аммо Россия Федерал миграция хизмати собиқ директор ўринбосари Владимир Поставнин фикрича, ушбу ғояни ҳаётга татбиқ этиб, ҳозирча мавҳум бўлиб турган муаммоларни ҳам ҳал этишга тўғри келади. МДҲ ёки Ҳамдўстлик чегарасидаги ҳар қандай бошқа турдаги уюшма ягона миграция майдонига айланади.

"МДҲ ягона виза майдони ташқи периметрда қандай ҳаракат қилади, деган масала ўткир турибди. Яъни "шартли Шенген" МДҲ ичида ушбу режимга кирмайдиган давлатлар муносабатларига ҳамда уларга нисбатан виза тартиби амалда бўлган давлатлар муносабатларига қандай таъсир кўрсатади, — дейди Поставнин. — Ҳозирда виза тартиби амал қиладиган давлатдан келадиган чет эллик аниқ давлатдаги аниқ иш берувчидан бевосита ишга жойлашиш учун рухсатнома олади. Уни олгач, у МДҲ ичида бошқа мамлакатга бориб, у ерда эркин меҳнат фаолиятини амалга ошира олмайди. Агар МДҲ ягона виза майдони шундай бир шароитни яратса-ки, визали давлатлардан келадиган чет элликлар Ҳамдўстликнинг исталган мамлакатида эркин ишлай олса, бу албатта ҳолатни туб негизида ўзгартиради. Шунда бу майдоннинг амалий аҳамияти кенгаяди".

402
Директор ИМЭМО им. Е. М. Примакова РАН Федор Войтоловский

Войтоловский: АҚШ олимлари Россия билан ҳамкорлик қилишга журъат этди

228
(Янгиланган 18:07 10.08.2020)
Коронавирус бўйича ҳамкорлик тўғрисидаги битимни имзоланиши Россия ва АҚШ ўртасидаги муносабатлардаги салбий тусга қарамай, америкалик олимлар ҳамкорлик қилишга тайёрлигини англатади, деб ҳисоблайди Е.М.Примаков номидаги РФА ИМЭМО директори Фёдор Войтоловский.

Россия ва АҚШ олимлари COVID-19 га биргаликда қарши курашишга келишиб олдилар. Ўзаро ҳамкорлик тўғрисидаги тегишли битимда икки давлат фан академиялари коронавирус билан боғлиқ барча соҳаларда ҳамкорлик қилишлари назарда тутилган.

Фёдор Войтоловскийнинг сўзларига кўра, бу икки академия - АҚШ Фанлар миллий академияси ва Россия Фанлар академияси ўртасидаги узоқ йилги ҳамкорлик амалиётини давом эттирадиган муҳим ҳужжат.

"Коронавирус инфекциясига қарши курашиш, олимларнинг коронавирус инфекциясини ўрганиш ва унинг оқибатларига қарши курашиши, шу билан бирга  нафақат тиббий, клиник жиҳатлар ва муаммоларга боғлиқ оқибатлари билан курашиш, балки ижтимоий, иқтисодий, психологик жиҳатлари билан, ва бу бўйича ҳамкорлик тўғрисидаги битим, ҳамкорликнинг муҳим янги йўналишидир”, - деди Войтоловский.

Унинг сўзларига кўра, ҳамкорлик тўғрисидаги битимга қийин шароитларда эришилди. Эндиликда иккала академия нафақат тиббиёт йўналишда, балки қурол назорати ва стратегик барқарорлик борасида ҳам мулоқот олиб бормоқда.

Америкалик ҳамкасблар катта жасорат билан ажралиб туради, дейди мутахассис, АҚШда Москва билан мулоқот борасида юзага келган сиёсий муҳитни ҳисобга олиб, улар россиялик ҳамкасблари билан муомалада бўлиш ва мулоқотни давом эттириш маъсулиятини ўз зиммаларига олдилар.

Войтоловский: сотрудничать с Россией — смелое решение для ученых из США
228

Ғарб биринчи марта русларнинг Суриядаги ҳарбий муваффақиятини тан олди

1174
Америкаликлар айнан Москва ҳамда Эроннинг аралашуви Сурия армиясига мамлакатнинг катта қисмини ноқонуний қуролли гуруҳлардан қайтариб олишга имкон берганини тан олишди.

ТОШКЕНТ, 9 авг - Sputnik, Андрей Коц. Агар руслар ёрдам бермаганида, Башар Асад урушда ютқазган бўлар эди – америкаликлар айнан Москва ҳамда Эрон ва “Ҳизбуллоҳ”нинг аралашуви Сурия армиясига мамлакатнинг катта қисмини ноқонуний қуролли гуруҳлардан қайтариб олишга имкон берганини тан олишди. Бундай хулосага Конгресс тадқиқот хизмати 49 саҳифадан иборат "Суриядаги қуролли низонинг шарҳи ва АҚШнинг бунга муносабати" ҳисоботида келган. Ҳарбий таҳлилчилар яна нималарга эътибор беришди ва улар қандай тахминлар билдирилди - РИА Новости материалида.

Кучларнинг тақсимланиши

Ҳужжатда Сурия харитаси таҳлил қилинган. АҚШнинг Ат-Танф ҳарбий базаси жойлашган, Иордания билан чегарадош кичик анклавдан ташқари, мамлакатнинг марказий, ғарбий ва жанубий қисмлари Башар Асад ҳукумати назорати остида. Шимолий-ғарбдаги Идлиб Муҳафазаси экстремистик гуруҳлар ва Туркия бошқаруви остида. Евфраатнинг шимолий ва шарқий ҳудудлари - Суриянинг деярли учдан бир қисми - курдларда.

Бу ерда таҳлилчилар айёрлик қилмоқдалар, чунки аслида бу ерларни айнан Вашингтон бошқармоқда. Бу ерда америкаликлар кўп эмас - ҳисоботга кўра, 600га яқин аскар. Бироқ, улар углеводородларга бой ушбу минтақадаги асосий нефт конларининг атрофидаги позицияларни эгалламоқда. Бундан ташқари, Сурия шарқида хусусий ҳарбий компанияларнинг бир неча юз жангчилари фаолият юритмоқда. Ҳужжатда қайд этилишича, расмий ҳукумат АҚШ ҳарбийларининг минтақада жойлашганини ноқонуний деб ҳисоблайди. Бироқ Вашингтон нефть конларини террорчилардан ҳимоялаш кераклигини таъкидламоқда.

Ҳисобот муаллифлари баъзан Асад армияси билан тўқнашувлар рўй беришини яширмайдилар. Уларнинг таъкидлашларича, шу йилнинг февраль ойида Қамишли қишлоғидаги назорат пунктида суриялик ҳарбийлар АҚШ қуролли кучларининг патрулига қарата ўқ узган. Ҳеч ким шикастланмаган. Бундан ташқари, улар мамлакатнинг шимолий-шарқида Россия ва Америка ҳарбий хизматчилари ўртасида тўғридан-тўғри тўқнашув ҳолатлари тез-тез рўй бериши қайд этилади.

Интернетда АҚШ армиясининг зирҳли машиналари Россия ҳарбий полицияси автомашиналари йўлини тўсиб қўйишга уринаётганининг ўнга яқин видеолавҳалари мавжуд. Яхшиямки, можаролар отишмагача бормади.

Россия тарк этмайди

Умуман олганда, америкаликлар мамлакатдаги Эроннинг иншооатларига Исроилнинг зарбалари ва Россияга қарши санкциялар Москва ва Теҳронни Башар Асадни қўллаб-қувватлашдан воз кечишга ёки ҳеч бўлмаганда унга ёрдамни қайсидир маънода чеклашга мажбурламаганини тан олди.

"АҚШ Москванинг Суриядан Яқин Шарқдаги нуфузини кенгайтириш учун плацдарм сифатида фойдаланиш истагини ва имкониятларини тўлиқ баҳолай олмади, - деб ёзади таҳлилчилар. - Россия, Эрон ёки уларнинг "ишончли вакиллари" билан тўғридан-тўғри ҳарбий тўқнашувни истисно қилиб бўлмайди. Бундан ташқари, Москва ўз иттифоқчиси бўлмиш Сурияни қўллаб-қувватлашда қанчалик чуқурлашиши мумкинлигини тушуниш керак".

Ҳисобот муаллифлари афсус билан Дамашққа босим ўтказиш тобора қийинлашаётганини тан олмоқдалар. Фронт чизиғини Сурия пойтахтидан нарироққа силжитиш, биринчи навбатда Россия авиацияси ва махсус кучларнинг ёрдами туфайли амалга оширилди, ҳозирда мамлакатнинг катта қисми "режим" назорати остида. Башар Асаднинг сиёсий мухолифларининг қўлларида деярли ҳеч қандай дастак қолмаган. Шу билан бирга, Дамашқ ва курдлар аста-секин яқинлашишмоқда. Бу марказий ҳукумат шарқ ва шимол устидан назоратни қайтариб олиши мумкинлигини англатади.

ИД* ҳамон хавфлидир

2018 йил декабрь ойида Дональд Трамп ИД* устидан ғалабани эълон қилди. Аммо таҳлилчилар фикрича, гуруҳ ҳали яксон қилинмаган. АҚШ иттифоқчилари 2019 йил март ойида Сурияда ИД*нинг оҳирги истеҳкомларини эгаллаб олишди. Аммо исломийчилар ҳам Сурияда, ҳам Ироқда исёнкорларнинг қумондонлик ва бошқарув тузилмасини сақлаб қолишган. Бу шуни англатадики, улар ҳали ҳам таъсирли зарбаларни беришга қодир.

"Узоқ истиқболда Суриядаги ИД* тақдири мамлакатда гуруҳни яна кучайишига тўсқинлик қила оладиган хавфсизлик идораларини ярата олишимиз қобилиятига боғлиқ, - деб таъкидлашади ҳисобот муаллифлари. – Аммо "Ислом давлати"*нинг таҳдиди узоқ вақт давом этади. Террорчиларга қарши курашишлари учун, биз курдларни қўллаб-қувватлашда давом этишимиз керак".

Яна бир хавф - бу 10 мингга яқин ИД* жангчилари сақланаётган ҳарбий маҳбуслар лагерлари. Улар асосан мамлакатнинг шимолида жойлашган бўлиб, курд бўлинмалари томонидан қўриқланмоқда. Бундан ташқари, экстремистларнинг оила аъзолари сақланаётган лагерлар ҳам мавжуд. Улардан энг каттаси - Ал-Холда 66 мингга яқин террорчиларнинг аёллари ва фарзандлари жойлаштирилган. Таҳлилчилар фикрига кўра, бу ерларда жангарилар маҳбусларнинг жанговар руҳини қўллаб-қувватлаб турган ҳолда ўз тарғиботини давом эттирмоқдалар, ИД* эса ўз тарафдорларини озод қилиш мақсадида, ҳужумлар уюштиришни режалаштирмоқда.

Курд раҳбарияти маҳбусларни қўриқлаш учун кучлари етишмаётганини бир неча бор маълум қилган. Америкаликлар ёрдам беришга шошилмаяптилар - Вашингтон жангариларнинг ватанлари уларни жазосини ўташи учун уйларига қайтариб олиб кетишларини талаб қилмоқда. Аммо ҳеч ким "ўз" террорчиларини қайтаришни хоҳламаяпти ва бундан қочиш учун ҳар хил баҳоналарни топишмоқда.

Муаммоли провинция

Энг қайноқ жой - бу Идлиб провинцияси. Бу ерда ҳозирда Сурия, Россия, Эрон ва Туркия ҳаракат қилмоқда. Бу ерда АҚШ қўшинлари йўқ, аммо америкаликлар бир неча бор "Ал-Қоида"* билан боғлиқ бўлинмаларга зарбалар берган. “Ҳайят Таҳрир аш-Шам”*, “Хурас ад-Дин”*, Сурия миллий армияси, "Хизбуллоҳ" ва бошқа гуруҳларининг бу ерда нодавлат бўлинмалари мавжуд. Шунингдек, ИД* жангчилари ҳам бор.

"Идлибнинг шимолий туманлари мухолифат кучлари томонидан назорат қилинадиган ягона минтақадир, - деб таъкидлайди таҳлилчилар. – Маҳаллий гуруҳлар бу 2011 йилда Дамашққа қарши чиққанларнинг қолдиқларидир. Идлибда Туркия ва Россия президентлари келишиб олган вақтинча тинчлик битими 5-чи мартдан бошлаб амал қилмоқда. Уларнинг қўшинлари М4 стратегик трассасида қўшма патруллар ўтказмоқдалар".

Ҳисобот муаллифлари, жангариларнинг ўққа тутишига қарамай, тинчлик ҳозирча сақланиб турилганини таъкидламоқдалар. Бироқ, Туркия Идлибга қўшинларни кўчиришни тўхтатмади ва яқинда зарурият туғилса, жанговар ҳаракатларини тиклашга тайёрлигини билдирди. Демак, Суриядаги уруш ҳали бери тугамайди.

* Россияда тақиқланган террорчилик ташкилотлари.

1174

Ўзбекистонда коронавирус: 10 август асосий хабарлари

672
(Янгиланган 22:58 10.08.2020)
Бир сутка давомида 459 кишида коронавирус аниқланди, Ўзбекистонда коронавирус инфекцияси қайд этилганлар сони 31 068 нафарни ташкил қилмоқда.

ТОШКЕНТ, 10 авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 459 кишида коронавирус аниқланди, Ўзбекистонда коронавирус инфекцияси қайд этилганлар сони 31 068 нафарни ташкил қилмоқда.

Янги касалланиш ҳолатларининг 116 нафари Тошкент вилоятида, 106 нафари Тошкент шаҳрида, 19 нафари Самарқанд вилоятида ҳамда 7 нафари Жиззах вилоятида тана ҳарорати кўтарилганлиги учун профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 517 нафар бемор тузалиб, ўз уйларига кузатилди. Республика бўйлаб жами соғайганлар сони 22 559 нафарга етди.

Айни пайтда 8 311 нафар беморга белгиланган стандартлар бўйича даво чоралари кўрилмоқда. Улардан 1 378 нафари оғир, 386 нафари эса ўта оғир аҳволда.

Ўлим ҳолатлари

Кун давомида коронавирусга чалинган 4 нафар бемор –  Қибрай туманида яшаган 44 ёшли А.А. (эркак) ва 80 ёшли Х.А. (эркак), Тошкент шаҳар Шайхонтоҳур туманида яшаган 68 ёшли У.М. (аёл), Сергели туманида яшаган 63 ёшли Д.С. (эркак) ҳамда вафот этди.

Ўзбекистонда жами 198 киши пандемия қурбони бўлди.

Муҳим ёрдам

Бутунжаҳон Соғлиқни Сақлаш Ташкилотининг штаб-квартираси, COVID-19га Бутунжаҳон бирдамлиги ва ҳаракати жамғармаси орқали, Ўзбекистонга умумий қиймати 300 минг АҚШ долларига тенг бўлган яна бир инсонпарварлик ёрдамини юборди. Бу сафар Истамбулдан келган рейсда 500 дона кислород концентратори олиб келинди. Бундан ташқари, ҳафта охирига лабораторияда ишлатиладиган материалларидан иборат яна бир гуманитар ёрдам юки етказилади.

Қирғизистонга парвоз

Ўзбекистон ва Қувайт авиакомпаниялари Қирғизистонга мунтазам авиақатновларни қайта тиклашни таклиф қилди. Транспорт ва йўл вазирлиги ҳузуридаги Фуқаро авиацияси агентлигининг директори Курманбек Акишев маълум қилишича, Қувайт ва Ўзбекистоннинг биттадан компанияси мунтазам рейсларни қайта тиклаш таклифи билан мурожаат қилди. Таклифлар Коронавирусга қарши кураш республика штаби томонидан кўриб чиқилмоқда.

Дунё саломатлиги

Дунё бўйлаб инфекцияни юқтириб олган кишиларнинг сони 19,9 миллиондан ошди, 731 минг киши вафот этди, 12,8 киши тузалди. Энг кўп ҳолатлар АҚШда (5,0 млн), Бразилияда (3,0 млн), Ҳиндистонда (2,2 млн).

672
Мавзу:
COVID-19 умумжаҳон пандемияси