“Аламни унутмаймиз”. Европа карантиндан кейин ҳисоб-китобни амалга оширишга тайёрланмоқда

1760
карантин вақтида европаликлар нимани ҳис қилишмоқда ва умумий карантиндан кейин Европа Иттифоқи қандай ўзгаради - РИА Новости ўрганди.

ТОШКЕНТ, 22 мар - Sputnik, Антон Лисицын, Галия Ибрагимова. “ЕИ деб номланган ягона уй" мамлакатлари ёпилмоқда - пандемияга қарши курашда ҳамма ўзи билан ўзи. Глобаллашув энди эсга олинмайди, бошқа бир давр келди - ўзаро келишмовчилик даври. Ва чегараларда яқин вақтларга қадар "умумий қадриятлар" билан фахрланиб юрган ўз тақдирларига ташланган фуқароларнинг навбатлари терилмоқда. Европаликлар нимани ҳис қилишмоқда ва умумий карантиндан кейин Европа Иттифоқи қандай ўзгаради - РИА Новости ўрганди.

Мигрантлардан кейин вирус

Париж кўчаларида - қўшинлар ва зирҳли машиналар. Франция президенти Эммануэль Макроннинг айтишича, бугун бутун халқ жанг майдонида. Ўз соғлиги учун урушда. "Хўш, вазият мураккаб, ва фақатгина яхши эски миллатчилик бу билан курашишга ёрдам беради. Айтганча, у кескин таҳдид пайдо бўлганида жуда тез қайтиб келди", - дейди француз пойтахтида истиқомат қилувчи Анри Робье парижликларнинг кайфияти ҳақида. – Кўпчиликни ҳукуматлар маҳаллий ва миллий даражада тезкор чоралар кўриш ўрнига ҳанузгача Брюсселга мурожаат қилишаётгани ранжитмоқда".

Робьенинг ўзи "яхши эски миллатчилик"ни намойиш этмоқда, қўшниларини ва ўз сиёсатчиларини ҳаддан ташқари эвропитизм учун танқид қилмоқда. "Италияда расмийлар айнан ташқи ёрдамга таянгани учун шошилмай иш тутишмади. Агар улар ўзлари ҳаракат қилганда эди, эҳтимол улар пандемиянинг бундай тез тарқалишининг олдини олишган бўлар эди. Францияда Президент Макрон европалик бирдамлик учун мурожаатни тўхтатмай давом этмоқда. Аммо бунинг ўрнига у мамлакат ичида фақат қаттиқ қаршилик ва танқидга дуч келмоқда", - дейди РИА Новости суҳбатдоши.

Римда яшаган Александр Дунаевнинг фикрича, коронавирус Европада пайдо бўлган зиддиятларни очиб берди ҳолос: "Европа Иттифоқида бирлик ва қадриятлар тўғрисидаги мунозаралар коронавирус билан бошланмади. Европа миграция инқирозига дуч келган бир пайтда, 2015 йилда фаол равишда ўтказилган. Унда ҳам миллий чегаралар ёпилган".

Дунаев вазиятни объектив қийинчиликлар билан изоҳлайди: "Ҳозирги асосий муаммо шунда-ки, коронавирус барча Европа Иттифоқининг барча мамлакатлари соғлиқни сақлаш тизимига катта юкни юкламоқда. Шунинг учун чегараларни ёпиб, мумкин бўлган ҳамма нарсани тўсиб қўйиш керак. Ҳа, бу ҳаракатланиш эркинлиги ҳақидаги Маастрихт битимининг қоидаларига қарамай содир бўлмоқда".

Карантин тадбирларининг маъқуллигини кўпчилик тушунмоқда, аммо "чўкинди қолади". Масалан, сайёҳларни чеклаш туфайли катта йўқотишларга дучор бўлган Венеция ҳукумати иттифоқдош давлатларнинг хатти-ҳаракатларидан ҳайратда. Венеция минтақавий парламенти депутати Стефано Валдегамбери Италия жамиятининг аламини тушунтирмоқда. "Европа Иттифоқи бизга ёрдам бермади. Бизни вирусни ташувчилари сифатида масхара қилишди, гарчи у аллақачон бошқа давлатларга кириб келган бўлса ҳам", - деди у РИА Новостига. - Қўшниларимиз дарҳол сабабсиз бўлса ҳам, чегарада бизнинг товарларимизни тўсиб қўйиш имкониятидан фойдаланишди. Аммо энг шармандалиси, бизнинг шифохоналаримиз ходимлари инфекция хавфига дучор бўлган бир пайтда улар шахсий ҳимоя воситалари - ниқобларни етказиб беришни музлатиб қўйганликлари. Италия билан бирдамликни намойиш этган ягона мамлакат - Хитой".

"Бизнинг иқтисодиётимизга зарар етди. Нима бўлганда ҳам италияликлар тиклана олишади. Аммо биз буни унутмаймиз", - дейди Валдегамбери.

Хитой бизнинг дўстимиз ва биродаримиз

Италиянинг ЕИдаги вакили Маурицио Массари 11 март куни Брюссель "ваъдалар ва маслаҳатларни четлаб ўтиб" "шошилинч ва тезкор, аниқ ва самарали чораларни" ишлаб чиқиши кераклигини айтди.

Массари ўзининг нуқтаи назарини Politico нашридаги мақоласида кенг баён қилди. У ерда у Рим нимани кутаётганини тушунтириб берди: "Керакли тиббий асбоб-ускуналар билан таъминлаш, уларни зарур бўлган мамлакатлар ва минтақалар ўртасида тақсимлаш. Бугун бу Италияга ёрдам беришни англатади, эртага бундай эҳтиёж ҳар қандай жойда пайдо бўлиши мумкин".

"Италия тиббий асбоб-ускуналар ва шахсий ҳимоя воситаларини етказиб бериш учун Европа Иттифоқининг фуқаро мудофааси механизмини фаоллаштиришни сўради. Аммо, афсуски, Евроиттифоқнинг ҳеч бир мамлакати (Евро) комиссиясининг чақириғига жавоб бермади. Фақатгина Хитой иккитомонлама асосда жавоб берди. Бу Европа бирдамлиги учун яхши нарса дегани эмас”.

Массарининг хафа бўлиш учун ўз сабаблари бор эди. Дастлаб Германия тиббий ниқоблар ва бошқа ҳимоя воситаларини экспорт қилишни тақиқлади. Кейин Австрия вирус ташувчисилигини тасдиқлай олмаганлар учун Италия билан чегараларини ёпди.

Шу билан бирга, Хитой Италияга тиббий ускуналардан иборат иккинчи самолётни юборди, биринчиси дори-дармонларга қўшимча равишда шифокорлар гуруҳини етказиб берди. Сербия Президенти Александр Вучич ҳам Пекинга ёрдам сўраб мурожаат қилди. Европа Иттифоқи аъзолигига номзод давлат раҳбари, ғазаб тўла нутқ сўзлади. "Европада бирдамлик йўқ. Буларнинг барчаси китобий эртакка айланди", - деди Вучич.

У раис Си Цзиньпинни дўст ва биродар деб атади ва Европа бюрократиясини танқид қилди. "Биз Европа хукумати фармонига асосан ЕИ мамлакатларидан товарлар, тиббий асбоб-ускуналар ва дори-дармонларни олиб кира олмаяпмиз. Бу фармойиш бизни Хитой билан савдо қилмасликка огоҳлантирган одамлар томонидан берилган", - дея эслайди Сербия президенти.

Макрон энди тушунтираётганидек, бирлашиш бир оз вақт давомида ажралишни англатади. "Эрталаб биз, Европаликлар каби, қўшма қарор қабул қилдик. Эртага тушдан Европа Иттифоқи ва Шенген ҳудуди чегаралари ёпилади. Европа ичи ва ташқарисидаги барча қатновлар кейинги ўттиз кунга тўхтатилади", - деди Франция президенти ва қўшиб қўйди: "Биз ҳаммамиз соғлиқ учун жангдамиз".

Асосларга қайтиш

Италия бошидан кечираётган шок сиёсий оқибатларсиз ўтмайди, деди россиялик сиёсатшунос Александр Носович. "Италияликлар тўлиқ карантиндан чиқиб кетишганида, бу муаммони сарҳисоби бошланади. Биринчи айбдор чап қанот европоптимистлар томонидан ташкил топган ҳозирги Италия ҳукумати бўлади. Эҳтимол улар сайловда ютқазишади. Маттео Сальвини қайтади, у евросептик. Италияликлар "умумевропаликлар"га ўзларининг мамлакатлари қийин аҳволда бўлганларида иттифоқчиларига нисбатан бўлган муносабатларини эслашади. Масалан, Франция ва Германиядан ниқобларни етказиб беришни тақиқлаш. Бундай иш эсдан чиқмайди, - дейди у РИА Новости билан суҳбатда. - Бундай "бирдамлик"дан кейин Рим ЕИнинг умумий бюджетига пул тўлаши керакми деган савол туғилади. Тўлашдан бош тортиш Европа Иттифоқидан чиқишнинг бошланиши бўлади", - деб башорат қилади Носович.

Вирусдан энг кўп жабр кўрган мамлакатларга оқибатларни бартараф этиш учун маблағлар керак бўлади. "Бунга қадар ҳам маблағлар етмаган. Яқинда Европа Иттифоқининг етти йиллик бюджети кўриб чиқилди, харажатларни қандай тақсимлаш тўғрисида кўплаб мунозаралар бўлди, - деб эслайди РИА Новости. - Амалий жиҳатдан буларнинг барчаси Шарқий Европага дотацияларни тўхтатилишига олиб келади.  Биринчидан, чунки у унчалик кўп жабр кўрмади, иккинчидан, ушбу минтақа Европа Иттифоқи учун унча катта ахамият касб этмайди.  Италия жуда муҳим бозорга эга Европа цивилизатсиясининг бешиги. Польша, Венгрия ва Руминия эса бу каби амалий ва рамзий аҳамиятга эга эмас.

Натижада Европаликлар ўзларини авваламбор ўзларини миллий давлатларининг фуқаролари сифатида ҳис қилмоқдалар, деб хулоса қилади Носович. Евроинтеграция эса бошидан кўзланган - фойдали иқтисодий механизм бўлиб чиқди.

Миллий стратегия институти бош директорининг ўринбосари Александр Костиннинг сўзларига кўра, "Европа Иттифоқи, бирлашган Европанинг бошқарувчи ташкилоти сифатида, ҳатто даҳшатли миқёсдага коронавирус таҳдиди амалга ошмаган пайтда ҳам, зарур дастакка айланиш имкониятини қўлдан бой берди". "Европа Иттифоқи фалаж бўлиб қолди ва эпидемияни зарарсизлантириш бўйича барча ишлар воқеаларнинг бундай айланишига тайёр бўлмаган миллий ҳукуматлар зиммасига тушди", - деди РИА Новости аген тлиги суҳбатдоши. У умидсиз хулоса чиқаради: пандемиянинг оқибатлари бирлашган Европани идентификация инқирозини кучайтиради, холос.

1760
Мавзу:
COVID-19 умумжаҳон пандемияси (1089)
Протесты в Беларуси после выборов

"Айбдорни топишди: Польша Беларусдаги протестларда "Москва қўлини" кўрди

805
(Янгиланган 17:07 13.08.2020)
Польша Беларусда юз бераётган ҳодисалар туфайли Россияга қарши санкциялар киритилишини талаб қилди. Sputnik радиоси эфирида МДҲ мамлакатлари институти Беларусь бўлими катта илмий ходими Юрий Баранчик ушбу таклиф билан польшалик сиёсатчилар ўзларини фош қилганини айтди

Польшада Беларусда президент сайловларидан кейин тинмаётган норозилик намойишлари туфайли Россияга қарши санкциялар киритиш таклиф қилинди. Ушбу ташаббус мамлакатнинг Европа парламенти депутати Яцек Сариуш-Вольский томонидан илгари сурилди.

Сал олдин ЕИ томонидан Беларусда содир бўлаётган воқеалар муносабати билан Минскка қарши санкциялар қўллаш имконини кўриб чиқиш ҳақида фикрлар билдирилган эди.

"Европа Иттифоқи амалга ошириши мумкин бўлган ишни Польша таклиф қилиши мумкин эди, – бу санкцияларни Беларусга эмас, Россияга йўналтириш таклифи. Чунки бу қўлни эмас, қилични жазолашга ўхшаяпти. Агар Россия аралашуви ва ҳатто аннексияси ролини нейтраллаштирсак, фикримча, беларуслар демократия қуриш масаласини ўзлари эплайдилар", деб баёнот қилган Сариуш-Вольский Польша радиоси эфирида.

У шунингдек, Беларусдаги ҳодисаларга Европа Иттифоқи унчалик кескин муносабат билдирмаганидан таассуфдалигини айтган.

"Агар Европа Иттифоқида ҳокимиятга эга бўлганлар қайсидир маънода бу Россия таъсиридаги ҳудуд, дея Беларусдаги демократик ҳаракатларни, қўллаб-қувватлашдан устун қўймаганида эди, Беларусда юз бераётган ҳодисаларга муносабат мутлақо бошқача бўларди", - деган депутат.

Унинг фикрича, Европа Иттифоқининг Беларусдаги воқеаларга муносабати "етарли эмас, маълум маънода шармандали ва кутилган даражада дадил эмас".

Сариуш-Вольский билдирган фикрларни Польша миллий мудофаа вазири Мариуш Блашчак қўллаб-қувватлаган. Блашчак Беларусдаги воқеалар Германияни "Шимолий оқим-2" газ қувури қурилишига бўлган муносабатни қайта кўриб чиқишга ундашини истамоқда.

"Умид қиламанки, Россия билан бизнес озод дунё манфаатларига мос келмаслигини улар яна бир марта ўйлаб кўради, айниқса, Германия", – деб баёнот қилган Блашчак.

Sputnik радиоси эфирида МДҲ мамлакатлари институти Беларус бўлими катта илмий ходими Юрий Баранчик польшалик сиёсатчилар ушбу таклиф билан Беларусдаги оммавий тартибсизликлар ортида аслида ким турганини фош қилишганини айтди.

"Ушбу таклиф - жиноятчи ўз ҳаракатлари ўзини тутиб бериши туркумидан бўлади. Ахир, Беларусдаги протестлар Ғарб, хусусан Польша томонидан уюштирилгани аллақачон аён. Агар Беларус президентлигига номзод бўлолган ва бўлолмаган шахсларнинг қаерга қочаётганига эътибор берадиган бўлсак, улар Ғарбга кетаётганини кўриш мумкин. (Светлана) Тихановская, мисол учун, Литвага кетди. Буларнинг ҳаммасини Польша мувофиқлаштирмоқда. Варшавада жойлашган Nexta канали жуда катта ахборот фаолиятини амалга оширмоқда. Бунинг учун махсус тайёргарликдан ўтган, контентни яхши тушунадиган ва уни тарқатиш услубларини биладиган катта жамоа зарур. Шундай қилиб, кимнинг телпаги ёнаётгани аён", - деди Юрий Баранчик.

Беларусьда 9 августда бўлиб ўтган президент сайловида амалдаги раҳбар Александр Лукашенко ғолиб бўлгач, бутун мамлакат бўйлаб кўп сонли норозилик намойишлари бошланди. МСК маълумотларига кўра, Лукашенко 80,08 фоиз овоз олган. Якшанба кунидан бери норозилик акциялари давом этмоқда, аммо кучишлатар идоралар томонидан улар қатъиян бостирилмоқда.    

805
Денежные купюры: евро и доллары

Эксперт Ўзбекистондан валюта олиб чиқишнинг янги лимити ҳақида: буни олқишлаш керак

156
МДУ Иқтисод факультети Иқтисодий сиёсат тадқиқотлари маркази директори, иқтисод фанлари номзоди Олег Буклемишев Ўзбекистондан олиб чиқиб кетилиши мумкин бўлган валюта миқдори оширилиши юзасидан фикр билдирди.

Ўзбекистонда 1 сентябрдан бошлаб хорижга олиб чиқиб кетиш мумкин бўлган нақд валюта миқдори ошади. Киритилган ўзгартиришларга кўра,   жисмоний шахслар томонидан олиб кирилаётган ва олиб чиқиб кетилаётган 70 млн сўм эквивалентидан ортиқ Ўзбекистон нақд валютаси ва (ёки) нақд чет эл валютаси учун декларация тўлдирилади (амалда 2 минг АҚШ доллари). Шунингдек, 100 млн сўмга тенг ёки ундан ошмайдиган нақд валютани Ўзбекистондан ташқарига божхона назорати қоидаларига амал қилган ҳолда чекловларсиз олиб чиқилади (амалда 5 минг доллар).

Москва давлат университети Иқтисод факультети, Иқтисодий сиёсат тадқиқотлари маркази директори, иқтисод фанлари номзоди Олег Буклемишев Ўзбекистондан олиб чиқилиши мумкин бўлган миқдорни аҳоли даромадларига нисбатан номутаносиб деб атади.

"У бизнес юритаётган ёки маиший мақсадлар учун бирор бир операцияларни амалга оширмоқчи бўлган аксарият одамларнинг эҳтиёжларини қоплайди. <...> Нақд валютани чегарадан олиб чиқиб кетиш, замонавий банк хизматларидан фойдалана олмайдиган одамлар учун мантиқий усуллардан бири бўлиб туюлади", деди у Sputnik Ўзбекистонга берган интервьюсида.

Мутахассиснинг фикрига кўра, трансчегаравий савдо янада фаол ривожлана бошлайди, шунинг учун Ўзбекистон ҳукуматининг қарорини олқишлаш керак.

"Оддий одамлар томонидан оз миқдордаги маблағларни олиб чиқиб кетилиши инқирозли вазиятни яратади деб ҳисобламайман. Буларнинг барчаси чакана савдода эмас, балки аҳолидан фарқли ўлароқ, йирик агентлар ишлайдиган улгуржи савдода, яъни катта миқдордаги валютага эга бўлган экспортчилар ва молиявий ташкилотларда шаклланади", - дея хулоса қилди Буклемишев.

156
Мужчина имитирует вскрытие автомобиля

Чирчиқ шаҳрида автоўғри ўсмирлар бандаси қўлга олинди

5
(Янгиланган 10:28 14.08.2020)
Олиб борилган тезкор-қидирув ҳаракатлари натижасида жиноятчилар процессуал тартибда ушланиб, улардан ўғирланган буюмларнинг бир қисми ашёвий далил тариқасида расмийлаштириб олинган

ТОШКЕНТ, 14 авг - Sputnik. Чирчиқ шаҳрида оқшомлари автомобилларни тунаш билан шуғулланган ўсмирлар гуруҳи қўлга олинди, улар эндиликда судда жавоб беради, деб хабар қилмоқда ИИВ ҳузуридаги Тергов департаменти ахборот хизмати.

Маълум бўлишича, тўрт ўсмир (бир нафари муқаддам судланган)дан ташкил топган банда талон-тарож ишларини жорий йилнинг 27 июнидан 5 июлига қадар бўлган санада амалга оширган.

Улар тунги вақтда турли русумдаги 5та автомашиналар олд эшикларини бир хил усулда бузиб очиб, автомашина ичидаги нарса-буюм ва нақд пулларни талон-торож қилишган. Ўсмирлар томонидан машина эгаларига жами 12 410 000 сўм миқдорда моддий зарар етказилган.

Олиб борилган тезкор-қидирув ҳаракатлари натижасида жиноятчилар процессуал тартибда ушланиб, улардан ўғирланган буюмларнинг бир қисми ашёвий далил тариқасида расмийлаштириб олинган.

Мазкур ҳолат юзасидан Чирчиқ шаҳар ИИБ ҳузуридаги Тергов бўлими томонидан Жиноят кодексининг 169-моддаси 2-қисми “в” банди (ўғирлик) билан жиноят иши қўзғатилган.

Дастлабки тергов жараёнида, Э.Б., Ф.М., М.К. ва О.Т., лар жиноят ишида айбланувчи тариқасида жалб қилиниб, "қамоққа олиш" тарзидаги эҳтиёт чораси қўлланилган. Жиноят иши айблов хулосаси билан тегишлилиги бўйича жиноят ишлари бўйича судга юборилган.

5