Россия окажет помощь Италии в борьбе с COVID-19

Россия "тиббий десанти” Италияга қандай ёрдам беради

1202
(Янгиланган 15:42 24.03.2020)
COVID-19 коронавирус пандемиясининг Европа ўчоғида Россия Мудофаа вазирлигининг ҳарбий-тиббий десантининг моҳирона ва фидокорона ҳаракатлари жаҳон ҳамжамиятига дунё миқёсдаги энг мураккаб муаммоларни қандай ҳал қилишнинг намунасидир.

Италияга коронавирусга қарши курашда бевосита ёрдам бериш мақсадида Ил-76 самолётлари россиялик ҳарбий мутахассислари ва ускуналари билан бирга 23 март куни кечқурун "Практик де Маре" авиабазасига (Римдан 30 км масофада) келишни бошладилар, деб ёзади Sputnik ҳарбий шарҳловчиси Александр Хроленко.

Россия Италияга ҳарбий вирусологлар ва тиббиёт мутахассисларидан иборат 8 та кўчма гуруҳни, диагностика ускуналарини, транспортни аэрозолли дезинфекциялаш автомобил тизимлари ва бошқа тиббий жиҳозларни етказиб бермоқда.

"Махсус тиббий бўлинмаси" таркиби РФ Мудофаа вазирлигининг вирусология ва эпидемиология соҳасидаги эпидемияларга қарши курашда катта халқаро тажрибага эга бўлган 100 га яқин етакчи мутахассислардан иборат.

Россия десанти барча зарур тиббий буюмлар, замонавий ускуналар ва махсус техника билан таъминланган. Италия томони билан келишилиши билан, россиялик ҳарбий шифокор ва вирусологлар ўз вазифаларини бажаришга киришмоқда.

Россия Қуролли Кучларининг Олий Бош қўмондони Владимир Путин топшириғига асосан Россия Федерацияси Мудофаа вазирлиги коронавирусга қарши курашда Италия Республикасига тезкор ёрдам етказиш мақсадида 9 та Ил-76 ВТА самолётларидан иборат бўлган авиация гуруҳини тузди.

Эҳтимол, ушбу ҳаво кўприги Италияда коронавирус эпидемиясига қарши курашиш даврида узлуксиз ишлайди. Россиялик мутахассислар олдида жуда катта ва ўта хавфли иш турибди. 24 март ҳолатига кўра, Италияда ушбу касалликка чалинганларнинг умумий сони 63 927 кишини ташкил қилди. Бир суткада 609 киши вафот этди. 6077 киши COVID-19 қурбони бўлди.

Кучлар ва воситалар

21 март куни бўлиб ўтган телефон суҳбат давомида Россия президенти Владимир Путин ва Италия бош вазири Жузеппе Конте коронавирус пандемияси бўйича вазият ва унга қарши кураш чораларини муҳокама қилишди.

Италия томонининг мурожаатига жавобан Владимир Путин зарур ёрдам кўрсатишга тайёрлигини тасдиқлади, Россиянинг позицияси пандемияга қарши курашда Европа Иттифоқининг аксарият давлатларида яққол кўзга ташланадиган бирликнинг йўқлиги ва ўз-ўзини изоляция қилишдан кескин фарқ қилади.

РФ Ҳарбий-космик кучларининг вирусологлар ва эпидемияни назорат қилувчи ускуналар билан жиҳозланган биринчи Ил-76 бортини "Практик-де-Маре" авиабазасида Италия ташқи ишлар вазири Луиджи Ди Майо ва республика Қуролли кучлари бош штаби бошлиғи Энцо Вичерелли кутиб олдилар.

Улар "бундай мушкул пайтда Россия ёрдами учун бутун Италия халқи номидан катта мамнуният ва миннатдорлик билдиришди”.

Бу жуда самимий эди, чунки Европадаги яқин қўшнилари Италияга узоқ вақт давомида ҳатто пул билан ҳам ёрдам беришга журъат этишмади.

Италия ташқи ёрдамга жуда муҳтож, чунки республикада соғлиқни сақлаш тизимининг 4824 нафар ходими касалланган - бу Хитойдаги кўрсаткичдан икки баравар кўп. Аммо, айнан тескари ҳодисалар юз берди. La Repubblica газетаси хабар беришича: ХХР ҳукумати томонидан Италияга ёрдам учун юборилган ниқоб ва респираторлар партияси Чехия ҳукумати томонидан олиб қўйилди. Бироқ, Чехия томони худди шу миқдорда ҳимоя воситаларини юборишга ваъда берди.

Шимолий Атлантика Альянси ҳаракатсиз. Италияга вирусологлар ва тиббий жиҳозлар билан жиҳозланган бир нечта Россия ҳарбий самолётлари юборилганидан сўнг, Италия ҳукумати Пентагонга ёрдам сўраб мурожаат қилди.

Хусусан, Италия Мудофаа вазири Лоренцо Гуэрини АҚШ мудофаа вазири Марк Эспердан ўпкани сунъий вентиляция қилиш ускуналарини ва тиббий ниқобларни  сўради. Рим, шунингдек, Италияда жойлашган америкалик ҳарбий шифокорларининг ёрдамига умид қилмоқда. Вашингтондан тезкор жавоб келмади.

Россиянинг тўққизинчи Ил-76 самолёти 23 март куни эрталаб Италияга етиб келди. Барча зарур ускуналар билан жиҳозланган ҳарбий шифокорлар гуруҳи жўнатилди. Автотранспорт воситалари ва ҳудудларини аэрозол билан дезинфекция қилиш учун КамАЗ автомобиллари базасидаги мобил тизимлар Италиянинг энг кўп зарар кўрган ҳудудларига йўлланмоқда. Россиядан ташқари, италияликларни эпидемияга қарши курашни давлат даражасида қўллаб-қувватлашда фақат Венесуела, Хитой ва Кубадан келган тиббий гуруҳлар ёрдам бермоқда.

Россия Италияга малакали мутахассисларни, дори-дармонларни ва махсус жиҳозларни юбориш билан, биринчи навбатда, эпидемиялар ва энг хавфли касалликлар - Эбола, куйдирги ва бошқа касалликларга қарши курашда ўзининг муваффақиятли тиббий тажрибасини тақдим этмоқда. Албатта, россиялик мутахассислар Италияда ҳам номаълум бўлган вирусга қарши курашда янги муҳим тажрибани ортирадилар, бу келажак учун керак.

Махсус тиббий бўлинмаси

Италиядаги Россия мутахассисларининг деярли бутун таркиби - жаҳон миқёсидаги ҳарбий вирусологлар ва шифокорлар элитасидан иборат. Хусусан, Россия "махсус тиббий бўлинмаси"ни бошқараётган генерал-майор Сергей Кикоть махсус ишлов бериш тизимларининг энг янги моделларини етакчи яратувчиси ва уларни қўллаш бўйича мутахассис ҳисобланади. У сибир куйдиргиси эпидемиологик тарқалишининг мураккаб шароитларида, сув тошқинларнинг эпидемиологик оқибатларини бартараф этишда катта тажрибага эга.

Етакчи эпидемиолог-олим, тиббиёт фанлари номзоди, полковник Алексей Смирнов эпидемиология ва аҳамиятли юқумли касалликларнинг олдини олиш бўйича 70 дан ортиқ илмий иш ёзди. Эбола вирусига қарши вакцинани ишлаб чиқишда фаол иштирок этди.

Тиббиёт фанлар номзоди, подполковник Геннадий Еремин - илмий-тадқиқот марказининг етакчи илмий ходими, эпидемияга қарши тадбирларни ташкил қилиш ва ўтказиш бўйича нуфузли мутахассис.

Тиббиёт фанлари номзоди, подполковник Александр Юманов россиялик ҳарбий мутахассислар гуруҳи сафида Эболага қарши кураш бўйича халқаро дастур доирасида Гвинея Республикасида кўчма касалхона фаолиятини ташкил қилган. Ўтган йили у табиий офатлар ва фавқулодда вазиятларда эпидемияга қарши кураш бўйича Ҳиндистонда АСЕАН мамлакатларининг ҳарбий тиббий хизматлари ва "СМОА плюс" MEDEX-2019 мулоқот форматидаги ҳамкорлари машқларида иштирок этган.

Вирусология соҳасидаги мутахассис, подполковник Вячеслав Кулиш вирус табиатининг биологик зарар етказувчиларига қарши ҳимоя воситаларини ишлаб чиқувчи мутахассис ҳисобланади. У Эбола вирусига қарши вакциналарни, вабога қарши вакциналарни ишлаб чиқишда қатнашган. Эътиборга олиш жоизки, Россия армиясидаги коронавирус инфекцияси билан касалланиш ҳолатлари бугунги кунга қадар кузатилмаганлиги кўп даражада олимлар ва амалиётчиларнинг саъй-ҳаракатлари эвазига эришилди.

Шунга қарамай, 20 март куни Россия Мудофаа вазирлиги кенгашининг йиғилиши COVID-19 глобал муаммоларини муҳокама қилиш билан бошланди. Бир ҳафта олдин қуролли кучларда коронавирус тарқалишининг олдини олиш учун тезкор штаб ташкил этилди ва ҳарбийлар орасида касаллик аниқланган тақдирда 32та госпиталда махсус бўлимлар тайёрланди.

Эпидемиологик вазиятни барқарорлаштириш ва коронавирус инфекциясига қарши туриш учун 18-19 март кунлари “Чкаловский” аэродромида шифокорлар ва ҳарбий полиция иштирокида радиацион, кимёвий ва биологик мудофаа қўшинларининг махсус машғулотлари ўтказилди. Фуқароларни қабул қилиш ва эвакуация қилиш, карантинни ташкиллаштириш ва транспорт оқимларини тартибга солиш масалалари ишлаб чиқилди.

Россия Мудофаа вазирлиги яхшиликка ишонади, лекин ҳар доим мамлакатда, яқин ва узоқ хорижда содир бўладиган воқеаларни ҳар қандай ривожланишига тайёр. Ҳали ҳеч ким табиий эпидемиялар ва биологик қуролларни бекор қилмаган.

1202
Павильон компании RT (Russia Today)

RTнинг тақиқланиши: Ғарб Россияга қарши ишлашни унутиб қўйгани ҳақида

105
(Янгиланган 17:26 10.07.2020)
Литва ўз ҳудудида RT-нинг бешта каналини трансляциясини тақиқлади. Бу Латвия ҳукумати шунга ўхшаш қадам қўйгандан бир ҳафта ўтгач рўй берди. Навбатда - Эстония, унинг ташқи ишлар вазири ҳам шунга ўхшаш чора қўлланилишини истисно қилмади.

 

Бу масала бўйича Таллиннинг алоҳида позицияси имкониятлари унчалик катта эмас ҳам: уччала “Болтиқбўйи йўлбарслари”нинг Россияга қарши анъанавий келишуви ва республикада Sputnik агентлиги ишлашига тўсиқларни яратишда Эстония ҳукумати энг фаол ва изчил бўлганликларини ҳисобга оладиган бўлсак. Маълумки, керакли натижага эришиш учун улар агентлик ходимларига жиноий таъқиб таҳдиди билан очиқдан-очиқ қувғин қилишди.

Бироқ, бу воқеада энг қизиғи Вильнюснинг қарорга расмий асос келтириши. Унга мувофиқ, ўз навбатида Ғарб санкцияларига учраган Дмитрий Киселев, RTни бошқараётганлиги медиа-манбага қарши чоралар кўриш учун сабаб бўлган.

Гап ҳатто шунда ҳам эмас-ки, бу баёнот нотўғрилиги сабабли Литва ҳукуматига пичинг изоҳлар билан танбеҳ берилди, бу изоҳлар муаллифлари RTнинг аслида Дмитрий Киселёв бошқарадиган “Россия сегодня” ҲАА тузилмалари билан ҳеч қандай алоқаси йўқлигини эсладилар.

Муҳимроғи шундаки, худди шунга ўхшаши олдин рўй бериб бўлган: бир ҳафта олдин, Латвия ОАВлар бўйича Миллий кенгаши RTнинг тақиқланишини телеканаллар Дмитрий Киселёвнинг “амалдаги шаҳсий назорати остида” эканлиги билан изоҳ берган эди. Кейин, худди шу тарзда, Маргарита Симоньян ва Россия Ташқи ишлар вазирлиги Латвия расмийларининг очиқдан-очиқ профессионалсизлиги ва ўзларининг қарорларини очиқдан-очиқ сафсата эканлиги ҳақида баёнот беришди.

Ўша пайтда, рўй берганни тасодиф ва маълум бир ижрочиларнинг хатоларига йўйиш мумкин эди: ахир, ҳеч бир тизим ишини тушунмаганлар ва палапартиш ишлайдиганлардан кафолатланмаган. Аммо бундай вазиятда давлатга ўзини орқага тортиши унча яхши эмас, ҳатто ўз амалдорлари очиқчасига зарба остига қўйса ҳам.

Аммо Литвада ҳам вазият ҳудди шу тарзда қайтарилиши шуни аниқ кўрсатадики: ҳеч қандай тасодиф бўлмаган, бўлмайди ҳам. Буларнинг барчаси Латвия ва Литва ҳукуматларининг онгли позициясидир, бунда барча “ҳаҳ, шундай қолаверсин” тамойилига тушади.

RT узатилишини тақиқлаш сиёсий қарор эканлиги яққол. Аммо буни қонуний “тозароқ” сабаб билан тушунтиришнинг иложи йўқмиди? Албатта бор. Аммо бунинг учун улар кўпроқ ҳаракат қилиши, масъул идораларни ҳаракатлантириши, қонунчиликдаги тешикларни қидириши керак эди.

Бир вақтлар айнан қабул қилинаётган қарорларнинг ташқи нуқсонсизлигига амал қилишнинг юридик моҳирлик каби ҳусусият Ғарб демократиясининг муҳим кузурларидан бири бўлган. У расмий процедураларга риоя қилишга мойил бўлмаган бошқа сиёсий тизимлар фонида анча эди.

Аммо ўшандан бери жуда кўп вақт ўтди. RT узатилишини тақиқлаш масаласида, Болтиқбўйи мамлакатлари сўнгги йилларда бутунлай бошқа ва анча кучли давлатлар томонидан яхши йўлга қўйилган йўлдан юрди.

Америкаликлар учун номаълум кукун билан тўлдирилган найча силкитишни, халқаро ҳамжамият олдида Ироққа бостириб киришни оқлаш учун чиндан ҳам мавжуд бўлган бошқа сабабларни қидириш ўрнига қўйди. Скрипалларнинг заҳарланиши атрофида британияликлар катта томоша намойиш этди - ва улар ҳеч қандай яққол, диққат билан қарашга лойиқ бўлган бу “тешиклардан” хижолат бўлишмади. Адолатни ўз миллий брендига айлантирган Нидерланди, МН17 иши бўйича суд жараёнида шундай “кульбитлар”ни уюштирдики, бундан ҳайрон ҳам бўлиб бўлмайди.

Нафақат Россия, балки Хитой, Эрон, Венесуэла ва бошқа “яккаланган мамлакатлар”га келсак, бундай мисоллар шунчалар кўп-ки, улар аллақачон камдан-кам учрайдиган истиснолардан одатий ҳолга айланди. Бундай фонда, Литва ва Латвия ҳукуматларининг RT трансляциясини тақиқлаш билан боғлиқ позицияси ниҳоятда узвий уйғун кўринади: расмий асос сифатида бу сафсатани эълон қилиб бошни оғритмаса ҳам бўлади.

Бунда ҳатто қандайдир мантиқ ҳам бор: Россияда қарши қарашларга эга аудиторияни “Киселёв RTни бошқараётгани” (ҳудди шу тарзда, “Скрипальни Путин заҳарлагани” ёки “Донбас устида Боингни Кремл уриб туширгани”) туғрисида иддаолар қониқтиради, Россияга, ва уни ёқтирадиган давлатларни эса Ғарб ўз томонига ишонтириш ва оғдириш масаласини маънисиз ва маблағлар сарфлашдан маъно йўқлигини тобора тушуниб етмоқда.

Дастлаб, бу (очиқчасига палапартиш) ёндашув Ғарбнинг ахборот, сиёсий, мафкуравий ва ҳатто маънавий монополияси туфайли юзага келди. Айнан шу туфайли у маълум бир вақтда ўз сиёсатини, Россия ва умуман олганда, ўз рақобатчиларга нисбатан пуҳталик билан ва профессионал равишда ишлаб чиқиш зарур деб ҳисобламай қўйди. Натижада, у бу монополияни қўлдан чиқарганини, шу жумладан ваколатларнинг йўқолиши туфайли ва “ҳаҳ, шундай ҳам бўлаверади” тамойилига  ишониб қолганини пайқамай қолди.

Энди вазият янги босқичга ўтди. Ҳозирда худди шу кучлар самарали ишлаш ва жиддий малакали ҳаракатлар қилишдан маъно кўрмаяптилар, чунки “ўзимизникилар эпланиб олади”, душманни эса барибир авраб бўлмайди.

Бу ерда ажабланарли нарса шундаки, улар жиддий ишонадиларки (ва RT бўйича прибалтларнинг яқиндаги қарорлари буни тасдиқлайди) бундай юқори профессионал ёндашув ёки профессионал бўлмаган ёндашув уларни Россия устидан мафкуравий ва геосиёсий ғалабага олиб келади.

105
Девушка подвергается насилию. Иллюстративное фото

Тошкентда йил бошидан зўравонликдан жабр кўрган 709 нафар аёлга ҳимоя ордери берилди

190
(Янгиланган 13:30 10.07.2020)
Ҳимоя ордерларининг 313 таси жисмоний, 7 таси жинсий, 12 таси иқтисодий, 377 таси руҳий зўравонликлар учун берилган.

ТОШКЕНТ, 10 июл - Sputnik. Тошкент шаҳрида жорий йилнинг олти ойи давомида зўравонликдан жабр кўрган аёлларга 709 та химоя ордери берилди, деб маълум қилди Sputnik Ўзбекистон мухбирига Тошкент шаҳар ИИББ ХПБ Хотин-қизлар масалалари бўйича бўлими.

Таъкидланишича, ҳимоя ордерларининг 639 таси оила-турмуш муносабатлари доирасида содир этилган ҳолатлар юзасидан берилган. Зўравонликларнинг 583 таси оиладаги келишмовчилик, 52 таси моддий етишмовчилик, 35 таси рашк, 39 таси оиладаги учинчи шахс аралашуви туфайли келиб чиққан.

Зўравонликлар 436 та ҳолатда турмуш ўртоқ, 38 та ҳолатда қайноналар, 26 ҳолатда келинлар 209 ҳолатда эса бошқа шахслар томонидан аёлга нисбатан содир этилган.

Шунингдек, ҳимоя ордерларининг 313 таси жисмоний, 7 таси жинсий, 12 таси иқтисодий, 377 таси руҳий зўравонликлар учун берилган.

Маълумот учун, коронавирус эпидемияси туфайли ўртача ҳисобда 2,6 миллиард киши бир неча ойдан бери ўз-ўзини яккалаш тартибида турмуш кечирмоқда. Ушбу вазиятдан оилавий зўравонлик ҳолатлари кескин кўпайиши кузатилмоқда. Айрим мамлакатларда оилавий зўравонликдан жабрланганлар сони 2 баравар ошгани ҳақида БМТ бош котиби Антонио Гутерриш 5 апрел куни сўзлаган нутқида айтиб ўтганди.

190

АҚШ сурияликларни “очликдан ўлдириш”га уриниш учун Россия ва Хитойни жазоламоқчи

0
(Янгиланган 20:05 10.07.2020)
Америка бош котиби БМТда вето қўйиш ҳуқуқини суиистеъмол қилаётгани учун Россия ва Хитойни жазолаш керак деб ҳисобламоқда.

Куни кеча давлатлар Сурияга гуманитар ёрдам етказиш бўйича резолюцияни блоклашди. Бельгия ва Германия Туркия ва Сурия чегарасида иккита НЎП қолдиришни таклиф қилишди. Бироқ Москва ва Хитой бунга рози бўлмади. Россия ўзининг резолюция лойиҳаси тайёрлади.

Америкаликлар норозилигининг яширин сабаблари ҳақида – видеомиздан билиб олишингиз мумкин.

0