Флаг Германии на здании Рейхстага в Берлине

Нега Германия Шарқий Европа ревизионизмига қарши чиқди

665
(Янгиланган 16:56 13.05.2020)
ГФР ташқи ишлар вазири Хайко Маас ўз мамлакатининг фашистик ўтмишига қандай муносабатдалиги ҳақида мақола ёзди. Нацистлар ўз қилмишлари учун одатий тавбаларидан ташқари, Маас Шарқий европалик дўстларнинг тарихни қайта кўриб чиқишга бўлган уринишларига ҳам изоҳ берган

Германия ташқи ишлар вазири Хайко Маас Иккинчи Жаҳон уруши тарихини қайта ёзаётган Шарқий европалик ҳамкасбларни кескин тўхтатди. Бироқ, у бу ишни тарихга ёки Россияга бўлган муҳаббати туфайли эмас, балки Берлинда тажовузкор евроскептиклар вояга етишидан қўрққани туфайли амалга оширмоқда.

Берлин ёрдамга шай

Цивилизация тарихидаги энг катта ёвузлик устидан қозонилган ғалабанинг 75 йиллиги арафасида, шарқий европалик турли ревизионистлар фаоллашди.

Айнан уруш бошлагани учун ўз элиталарининг жавобгарлигини тан олишни истамаганлар - ёки ҳатто ўзларини мағлуб қилинган нацистларнинг мафкуравий авлодлари деб билишганлар тарихни қайта ёзишни хоҳлашяпти. Польшалик фаоллар (бу мамлакатнинг Гитлер билан тил бириктиргани ва русофобиядан кўр бўлгани уруш бошланишининг сабабларидан бири бўлган), СССР қурбон эмас, балки Иккинчи Жаҳон урушининг ташаббускори, дейишмоқда. Болтиқбўйи зиёлилари, уларнинг мамлакатлари ёвуз Совет Иттифоқи томонидан босиб олинганидан азият чекмоқда. Ва Украина миллатчилари билан биргаликда Гитлернинг сафдошларини – бутун қишлоқларни аҳолиси билан қўшиб ёқиб юборган СС жазо батальонларини олқишламоқда.

Ғолибларнинг авлодлари (шу жумладан расмий мафкура Совет Иттифоқига қарши ревизионизм ва нацистлар шериклари олқишлаш бўлган мамлакатлардаги) оммавий онгнинг бундай оқимига ғазаб билан қарашади - маълум даражада бундай арбобларни қайта ишонтириш ёки жазолаш масаласида кучсизлигини англаш билан.

Бироқ, ёрдам кутилмаган жойдан келди - Германиянинг ўзидан. Германия ташқи ишлар вазири Хайко Маас (таниқли немис тарихчиси Андреас Виршинг билан ҳамкорликда) Spiegel нашрида ўз мамлакатининг фашистлар ўтмишига муносабати тўғрисида мақола ёзди. Фашистлар жинояти учун Германия раҳбариятига ҳос одатий тавба қилиш билан бир қаторда, Ҳайко Маас, шунингдек, Шарқий Европалик дўстларининг тарихни қайта кўриб чиқишга уринишларини изоҳлади.

"Тарихни сўнгги бир неча ой ичида шармандаларча қайта ёзишга бўлган уринишлар биздан тушунтириш беришни талаб қилади - умуман олганда, аслида бу қайта ёзиш тарихий ўзгартириб бўлмайдиган фактларнинг кераксизлиги сабабли. Германиянинг ўзи фақат Польшага ҳужум қилиши билан Иккинчи Жаҳон урушини бошлаган. Ва фақат Германияниянинг ўзи Холокост учун жавобгардир. Кимки бунга шубҳа туғдириб, бошқаларни жиноятчи ролини ўйнашга танласа, у қурбонларга нисбатан адолатсизлик қилмоқда, тарихдан фойдаланиб Европани парчаламоқда, - дейди Маас қатъият билан. Германия ўтмиши ревизионизм хавфлилигини кўрсатмоқда, ва бу ревизионизм рационал фикрлашни миллий афсоналарга алмаштирмоқда".

Вазир тарихни остин-устун қилмасликка, шунингдек "қурбонларни жиноятчиларга ва босқинчилик қурбонларини эса тажовузкорларга айлантириш ҳаракатларига қарши туришга" чақирди.

Парҳез нотўғри бўлиб қолдими?

Кўпчилик немис депутатлари Европарламентнинг Иккинчи Жаҳон урушининг Германия ҳамда СССРни ҳам айблаш тўғрисидаги қарорини маъқуллаб овоз берганларидан кейин бу самимийликнинг авж олишига нима сабаб? Қисман, мақолада чап қанотга қарашли, социалист ва католик бўлган Мааснинг шахсий қарашлари акс этган. Шу билан бирга, вазир ўз тезисларида Германиянинг миллий манфаатларини, шунингдек Германияда Шарқий Европа ревизионизмига ва унинг асосида келиб чиқадиган вазиятларга энди ўрин йўқлигини таъкидламоқда.

Германия учун нацист ўтмишидан воз кечиш - нафақат ўз-ўзини жазолаш, балки Европа Иттифоқи концепциясининг асосий йўналишларидан биридир.

"Бизнинг кучли ва ягона Европа ғояларини қўллаб-қувватлаш, ҳалқаро ҳамкорлик қоидаларига асосланган инсон қадр-қимматнинг универсал шакли бўлган инсон ҳуқуқларини қўллаб-қувватлаш ва "махсус йўл" дан воз кечиш - буларнинг барчаси ХХ асрда Холокостда энг даҳшатли ифодасини топган Германиянинг мисли кўрилмаган жиноятларини англашимиз билан тўлдирилиб туради," – дейилади Маас мақоласида. Бу инкор этилмаса, Берлин учун умумий Европа лойиҳасига раҳбарлик қилиш қийин бўлади.

"Маас, шубҳасиз, Германиянинг жаҳондаги шериклари ҳаёлига иқтисодий асосда қурилган бўлса ҳам, IV-Рейхнинг таҳдиди ҳақида фикрлар келмаслигидан манфаатдор", - дейди Дмитрий Офицеров-Бельский, ИМЭМО РАН катта илмий ходими.

Аммо яқин вақтгача, Берлин Шарқий Европа мамлакатларида ревизионизмнинг ўсишига ва ҳатто бу фикрларни қўллаб-қувватланишига ҳеч қандай тўсқинлик қилмади - Германияда (бутун Ғарбда бўлгани каби) Москвага босим ўтказадиган ва Россиянинг таъсирига қарши турадиган "ўргатилган тимсоҳлари" етиштиришга умид қилишди.

Ва режа иш берди ҳам - Болтиқбўйи давлатлари Россияга қарши ишончли қалқонга айланди, СС Галичина дивизияси ва бандерачиларнинг муқаддаслаштирилиши Киевни Москвадан ажратди, Россия билан Польша ва Шарқий Европанинг бошқа мамлакатлари (масалан, худди ўша Чехия) ўртасидаги мунтазам рўй бераётган тарихга оид жанжаллар, бу давлатларни шарқий қўшни билан икки томонлама муносабатларни нормаллаштиришда жиддий тўсиқ бўлмоқда. Бироқ, муаммо шундаки, Шарқий Европа ревизионизми асосида Шарқий Европа миллатчилиги улғайди - ва бу нафақат Россияга таҳдид солмоқда. Ушбу ҳодиса Европа интеграциясининг моҳиятига зид чиқмоқда, шунингдек (масалан, Польша мисолида) аниқ Германияга қарши тус олмоқда.

Албатта, поляклар, Москвага қарши туришда Берлиндан маънавий ва моддий ёрдамни мамнуният билан қабул қилишади, аммо уларнинг русларга қараганда немисларга нисбатан кўпроқ тарихий шикоятлари бор.

Польша, Венгер ва бошқа миллатчиликларнинг кўпайиши, айнан аксил-миллатчиликка, фуқаролик миллати концепциясига асосланган Европа Иттифоқининг мавжудлигига бевосита таҳдид солмоқда. Ва Европа Иттифоқида рўй бераётган инқирозли воқеалар (Брекзит, коронавирус эпидемияси даврида ўз миллий бурчакларига яшириниб олиш) ревизионизмда улғайган Шарқий Европа миллатчилиги Европани майда ички низолар даврига қайтарадиган троян отига айланиши хавфини оширади. Унинг униб-ўсиши ЕИни яна бир-бири билан. тўқнашадиган мамлакатларга, шу қатори, ҳудудий масалаларда, бўлиб ташлайди (ревизионизмнинг яна бир мероси - иккинчи жаҳон урушидан кейин ўрнатилган чегаралар ҳаммани ҳам қониқтирмади).

Шу сабабли, Германия ташқи ишлар вазирлиги, эҳтимол, Шарқий Европанинг Россия билан тарихга оид урушларини чеклаш вақти келди, деб ҳисоблади – ва бу урушлар ўтмишдан келажакка ўтиб, Шарққа эмас, балки Ғарбга қарши бўлмасидан олдин.

Муаллифнинг фикри таҳририят позициясига тўғри келмаслиги мумкин.

665
Политолог Юрий Светов

Светов: АҚШ ҳукумати оммавий тартибсизликларга бас кела олмаяпти

7
АҚШда афроамерикалик Жорж Флойднинг ўлимидан кейин бошланган оммавий норозиликлар давом этмоқда. Россиялик сиёсатшунос ва журналист Юрий Светов Вашингтон яқинига 1,6 мингга яқин аскар жойлаштирилгани ҳақидаги хабарга изоҳ берди.

Сиёсатшунос ва журналист Юрий Светов ҳукумат учун бундай ҳолатларда армияни ишлатиши қайсидир маънода жамиятдаги тартибсизликларга дош беролмаётганини тан олиш билан баробар деб ҳисоблайди.

"Кучли табиий офатлар пайтида ёрдамга армия жалб қилиниши бошқа гап, бу ерда армияни ўз сайловчиларига қарши ишлатилаётгани, бу жуда мураккаб масала", - деди Светов Sputnik радиосига берган изоҳида.

Кўплаб таҳлилчилар Америка жамияти, шу жумладан, ирқий жиҳат бўйича бўлиниб кетгани ҳақида гапиришмоқда, дейди у. Шу билан бирга, АҚШ армиясида афро-америкалик ҳарбий ҳизматчилар жуда кўп ва улар "ўзларини қандай тутишлари, қўмондонлик буйруқларига бўйсунадими-йўқми" номаълум.

"ОАВ хабарларига кўра, полициячилар бу буйруқларни бажаришдан бош тортди. Қандай бўлмасин, АҚШ ҳукумати энди анъанавий усуллар ёрдамида норозилик намойишларини эплай олмаётганликларини бутун дунёга намойиш қилмоқда", - деди сиёсатшунос.

Шу билан бирга, унинг фикрига кўра, америкаликларнинг маълум бир қисми ҳукуматнинг тартибсизликларга қарши курашда армияни жалб қилиш тўғрисидаги қарорини қўллаб-қувватлайди.

"Ҳозирда ғалаёнлар пайтида юз бераётган воқеаларга шунчаки қараш ёқимсиз. Ахир оддий одамлар азоб чекмоқда-ку", - дейди Светов.

7
Главный врач городской клинической больницы №71 имени М. Е. Жадкевича Александр Мясников

Совет мўъжизаси ёки нега собиқ Иттифоқ ҳудудида COVID-19дан вафот этганлар сони кам

851
(Янгиланган 18:13 03.06.2020)
Sputnik махсус онлайн-видео-кўприги пайтида доктор Александр Мясников коронавирус аслида қандай ривожланишини айтиб берди.

Жадкевич номидаги Москва шаҳар клиник шифохонасининг бош шифокори, коронавирус билан боғлиқ вазиятни мониторинг қилиш бўйича ахборот маркази вакили Александр Мясников Sputnik-нинг махсус онлайн видео-кўприги пайтида коронавирус аслида қандай ривожланишини ва Италия, Испания ва АҚШдаги фожиали воқеалар постсовет ҳудудида такрорланмаганлиги ҳақида гапириб берди. РИА Новости мухбири Данара Курманова. 

БЦЖ вакцинаси коронавирусдан қутқара оладими?

Кўплаб олимлар ва шифокорлар қуйидагидан ҳайратда: СССР таркибига кирган аксарият мамлакатларда коронавирус туфайли ўлим даражаси дунё кўрсаткичидан анча паст. coronavirus-monitior.ru портали маълумотларига кўра, 1 июн ҳолатига ўлимлар сони Ўзбекистонда 0,4% дан Литвада 4,23% гача. Италия ва Буюк Британияда ўлим даражаси 14%, Францияда 15%, Бельгияда 16%. Александр Мясников жорий вазиятни "совет мўъжизаси" деб атади.

"Сиёсатчилар, жиддий шифокорлар энди буни ўрганишмоқдалар, собиқ СССР мамлакатларига боқмоқдалар, - деди доктор Мясников, - бу аниқ совет мўжизасидир. Оғир касалланганлар ва вафот этганлар сони эпидемиянинг амалдаги ҳолатини акс эттиради. Собиқ СССРнинг барча мамлакатларида эса ўлим даражаси анчагина кам. Буни нима сабабдан эканлигини тушуниш керак.

Балки бу БЦЖ вакцинаси туфайлидир (СССРда оммавий равишда аҳоли БСЖ билан эмланган) ва дарвоқе, бу борада тадқиқотлар олиб борилмоқда - америкаликлар БЦЖни кичик гуруҳларга эмлашни бошлади. БССТ (Бутунжаҳон соғлиқни сақлаш ташкилоти-таҳр.) ҳам шуни таъкидламоқда: "Эҳтимол, гап БЦЖга қарши иммун реакциясидадир, аммо биз буни ҳозирча тавсия этолмаймиз".

Мясников собиқ иттифоқ мамлакатлари аҳолиси иммунитетининг коронавирусга чидамлилигини ўтмишда сил касаллиги билан касалланишнинг юқори даражаси билан изоҳлаш мумкинлигини таъкидлади.

"Баъзи олимлар эҳтиёткорлик билан, яширин сил касаллигининг кенг тарқалганлиги иммун тизимининг бундай ўзгаришига олиб келди, деб тахмин қилишмоқда, шунинг учун коронавирус катта қаршиликка дуч келмоқда, - дейди мутахассис. Аммо биз бу фактни шунчаки инкор қилолмаймиз: нима учун руслар, белоруслар, украинлар, қозоқларда ўлим ҳолатлари америкаликлар, французлар ва италияликларга қараганда ўн баравар камроқ? Буни ўрганиш керак".

Карантин нимага керак?

Ҳатоли фикр ҳам мавжуд: карантин коронавирус ёки бошқа касалликни бутунлай йўқ қилишга ёрдам беради.

"Нега биз карантинни убштирамиз - одамлар бирданига ҳаммаси касалликка чалинмаслиги учун, акс ҳолда улар дарҳол соғлиқни сақлаш тизимини қулатадилар, деб тушунтиради доктор Мясников. - Касалхоналар ва тез тиббий ёрдам машиналари бўғилиб қолади, одамлар нафақат COVID-19, балки юрак хуружлари, инсультлардан ҳалоқ бўла бошлайди. Шунинг учун ҳар бир давлат ўз соғлиқни сақлаш тизими дош бера оладиган модельни ишлаб чиқади. Карантин даволай олмайди, у одамлар касалликка аста секин чалиниши ва ёрдамни ўз вақтида олишлари учун, усиш суратларини пасайтириши мумкин. Карантин - бу ҳисоб-китоб ва ўзини тутиш моделидир".

Беларус тажрибаси

Маълумки, Беларусь ва Швеция карантин амалиётидан воз кечган ягона давлатлардир. Бироқ, Александр Мясниковнинг таъкидлашича, Беларусьда ҳеч қандай ғайритабиий вазият кечмаяпти.

"Ҳар бир мамлакат математик ҳисоб-китоблардан келиб чиққан. Турли сценарийлар ҳисобланди - муваффақиятлиги ва номақбулини, иқтисодий зарарлар ва бошқалари ҳисоб-китоби қилинди. Беларусьда соғлиқни сақлаш тизими худди Совет Иттифоқидегидақа, юқумли касалликлар шифохоналари ва шифокор-инфекционистлари билан бир хил. Бу ҳисоб-китобларнинг натижаси, шунчаки Александр Лукашенконинг хоҳиши эмас : "Биласизми нима? Мен таваккал қилиб кўраман". Бу унчалик эмас. Бу ерда ҳамма нарса ҳисоблаб чиқилган. Беларусьнинг ҳисоб-китоби иш берди. Совет мўъжизаси барчамиз учун иш берди".

Коронавирус аслида қандай тарқалади?

Доктор Мясников ҳар бир касал одам учтадан ва уларнинг ҳар бири ўз навбатида яна учтадан юқтиради деган назарияни рад этди. Шифокорнинг сўзларига кўра, ҳар қандай вирусли инфекция 1,5-2 ойлик фаол тарқалгандан кейин йўққа чиқади.

Мисол сифатида, мутахассис 1918 йилда тарқалиб биринчи ойларида 30 миллион киши ўлимига олиб келган "испанка" гриппини келтирди.

"Ҳайвонлардан одамга юқадиган янги вирус агрессивдир. У ёвуз, нотаниш, одамларни ўлдиради, лекин ҳар бир касалланишдан кейин аста кучсизланади. Сиз битта вирусни нафасиз билан олиб кириб, унинг катта набирасини чиқарасиз, ундан анча заифроғини. У бошқа одамга юқди, у ҳам уни заифлаштирди. Биласизми, бамисоли тўлқин қирғоққа урилиб, меҳмонхонани, дарахтларни ювиб ташлайди, кейин эса сусайиб, кўлмакка айланади. Инфекция ҳам ҳудди шуни сингари, олдин учиб чиқиб, кейин эса сўнади”.

Таниқли шифокорнинг ишончи комил: коронавирус қанча кўп одамга юқса, у шунча юқиш ҳусусиятларини йўқотади. Ва вируснинг иккинчи тўлқини аввалгидай кучли бўлмайди.

"Ҳар йили тўлқинлар бўлади, - дейди Мясников. – Одам коронавируслари бешта бўлган. Олтита бўлди. Энди нима бўлади? Инфекциялар, вируслар, грипплар яна бўлаверади, уларни ҳеч ким бекор қилмади. Бугунги кундаги коронавирус - январ ойида бизга кириб келгани эмас. У аллақачон миллионлаб одамлар орқали ўтиб келиб элакдан ўтиб бўлди ва хавф даражаси ҳар бир янги одам билан камаймоқда".

Касалланганларнинг ҳисобини юритиш нега бемаънилик?

Доктор Мясников жуда қўрқинчли туюладиганумумий касалланиш ҳолатларининг улкан сонига алоҳида эътибор қаратди. Лекин аслида, фақатгина юқтирган одамлар сони асосида хулоса чиқариш унчалик тўғри эмас, дейди шифокор.

"Биз бу сонларни кўп гапирамиз, бу рақамлар билан таъсир ўтказишга ҳаракат қиламиз: беш миллион. Бу шунчаки синовдан ижобий натижа олган одамлар сони. Аслида, улар ўн баравар кўпроқ. Шундай экан келинг, оддий пневмонияни олайлик, ҳар йили дунёда ундан 3 миллион киши ҳалоқ бўлади. Биз январ ойидан бери нимани ҳисоблаб келяпмиз? Ҳақиқатан касалланганлар - икки ҳафта олдин касал бўлганлар. Қолганлари анча олдин тузалиб, меҳнатга, иш жойларига  қайтишган. Биз ўлганлар сонига эътибор қаратишимиз керак, аммо бунда ҳам тартиб йўқ".

Шифокорнинг сўзларига кўра, фақатгина Россияда коронавирус билан касалланган жасадларнинг 100 фоизи ёриб кесилади, шунинг учун дунёдаги ҳақиқий рақамлар ҳамон номаълум. Бу йил айнан коронавирус туфайли қанча ўлим ҳолатлари юз беришини айтиш қийин.

"Ғарбда 21 апрелга қадар ҳеч ким шифокорларни сақлаб қолиш учун жасадларни ёрмади, - деб тушунтиради шифокор. - Германияда 60 та ёриш, Италияда 50 та, 17 минг кишига. Америкада жасадларни ёрмасдан компьютер томографияси ўтказилди".

БССТ маълумотларига кўра, 2020 йил 1 июн ҳолатига кўра, сайёрамизда 6 миллиондан ортиқ одамда COVID-19 вируси тасдиқланди, 371 мингдан ортиқ одам вафот этди.

851
Рейс с гражданами Узбекистана прибыл из ОАЭ

БААдан Тошкентга 271 фуқаро олиб келинди

1
UzAirways авиакоманиясининг чартер рейси билан Бирлашган араб амирлигидан (БАА) 271 киши Ўзбекистонга олиб келинди.

ТОШКЕНТ, 4 июн — Sputnik. UzAirways авиакоманиясининг чартер рейси билан Бирлашган араб амирлигидан (БАА) 271 киши Ўзбекистонга олиб келинди, деб хабар қилди Транспорт вазирлиги.

Хабарда айтилишича, 3 июнь куни маҳаллий вақт билан соат 23:50 да Uzbekistan airways авиакомпаниясининг Boeing 787-8 Dreamliner самолёти Тошкент халқаро аэропортига келиб қўнди.

Рейс с гражданами Узбекистана прибыл из ОАЭ
Министерство транспорта Узбекистана
Рейс с гражданами Узбекистана прибыл из ОАЭ

Хорижий давлатларда оғир аҳволда қолган фуқароларни Ватанга олиб келиш бўйича тасдиқланган чартер рейслар жадвалига мувофиқ БААга амалга оширилган рейс билан 271 нафар киши  Ўзбекистонга олиб келинди.

Ўзбекистонга қайтган барча фуқаролар 14 кундан кам бўлмаган муддатга карантин марказига жойлаштирилди.

“Дунё” ахборот агентлиги 8 май куни БААдан 1,28 минг фуқаро Ўзбекистонга олиб келингани ҳақида хабар берганди.

Дубайдаги Ўзбекистон бош консулхонасига 2,7 минг фуқаро ватанга қайтариш масаласидан мурожаат қилган.

 

 

1