Школа №27 Мирзо-Улугбекского района Ташкента

Янги ўқув йили, пандемия: мактаблар фаолият юритишга тайёрми?

478
(Янгиланган 16:07 16.09.2020)
Sputnik мухбири Мирзо Улуғбек туманидаги 27 сонли мактабда бўлди ва ушбу таълим муассасасининг пандемия даврида янги ўқув йилига қай даражада тайёр эканлиги билан қизиқди.

ТОШКЕНТ, 15 сен — Sputnik. 2020 йилнинг 14 сентябр кунидан бошлаб пойтахтнинг ўн бир туманидаги умумтаълим муассасалари очилди. Биз пойтахтнинг Мирзо Улуғбек туманида жойлашган 27-сонли мактабда бўлиб, ушбу таълим муассасаси ўқитувчи ва ўқувчиларнинг пандемия шароитида янги ўқув йилига қай даражада тайёр эканликлари, мактаб маъмурияти томонидан ўрнатилган санитария ва гигиена қоидаларининг талаб даражаси билан қизиқдик.

Школа №27 Мирзо-Улугбекского района Ташкента
Sputnik
Школа №27 Мирзо-Улугбекского района Ташкента

Бизни мактаб директорининг ўқув ишлари бўйича ўринбосари Гулизебо Турдиева очиқ чеҳра билан кутиб олди. Бу вақтда таълим муассасасида 5-6 ва 8-синф ўқувчиларига дарс ўтилаётган экан. Авваламбор, мактаб ички деворларидаги йўриқномалар эътиборимизни тортди: қадамда ҳимоя ниқобидан фойдаланиш тартиби, санитария ва гигиена қоидаларига амал қилиш, ўзоро мулоқот қоидалари ва икки метр оралиқ масофани сақлаш қоидалари эслатма тарзида осиб қўйилган.

Школа №27 Мирзо-Улугбекского района Ташкента
Sputnik
Школа №27 Мирзо-Улугбекского района Ташкента

Ўз соғлиғига бефарқ бўлмаган ўқитувчи ва ўқувчилар ҳимоя ниқобларидан фойдаланмоқда. Аммо улар орасида ҳимоя ниқоблари бўлмаганлар ёки уни бўйнига халқа қилиб осиб олган айрим ўқувчилар ҳам йўқ эмас.

Директор ўринбосари бизни 8 синф ўқувчилари учун дарс ўтилаётган биология хонасига олиб киради. Синфхонада ҳимоя ниқобларида ўтирган ўн уч нафар ўқувчиларнинг бари алоҳида парталарда,  ҳар бирининг ёнида ўқув қуролларидан ташқари антисептик воситалари бор. Ўқитувчи ўтилган мавзуларни такрорлаб, ўқувчилардан бирини саволга тутади. Афсуски, карантин вақтида кўп вақтини уйда ўтказишга мажбур бўлган ўқувчи ўқитувчинининг саволига кўнгилдагидек жавоб беролмай бир оз ўнғайсизланади ва мавзу эсидан чиқиб кетганлигини яширмайди. Шунингдек, бошқа ўқувчилар ҳам ўқитувчи саволлари юзасидан ўзларини ҳозиржавоб тутишмайди. Бундан эса карантин шароитида ўқувчиларнинг онлайн тарзида билим олишлари кўнгилдагидек бўлмаганлигини пайқаш қийин эмас.

Школа №27 Мирзо-Улугбекского района Ташкента
Sputnik
Школа №27 Мирзо-Улугбекского района Ташкента

Мактабнинг 6-синф ўқувчилари ҳам бари ҳимоя ниқобларида, ўтилган мавзу юзасидан синф ишини бажаришарди. Улар ўтирган парталарга аҳамият бердик, кўпчилик ўқувчиларнинг партасида антисептик воситалари бўлса, айримларида йўқ эди. Аммо синфхона озодалиги, санитария ва гигиеник талабларига риоя этилганлиги эътиборимиздан четда қолмади. Синфхона бурчаклари, қўл ювиш жумраклари ёнида эса коронавирусдан ҳимояланишни тарғиб қилувчи махсус йўриқномалар осиб қўйилган.

Школа №27 Мирзо-Улугбекского района Ташкента
Sputnik
Школа №27 Мирзо-Улугбекского района Ташкента

 Директор ўринбосарининг қўшимча қилишича, ўқувчилар мактабга кириб келаётганда санитария-гигиена талабларига амал қилинган ҳолда синфхоналарга киргизилади. Маълум фоиз ўқувчиларга таълим онлайн тарзида берилаётганлиги боис, 50 фоиз ёки 25 нафар ўқувчидан 12-13 нафари мактабга келмоқда. Уларнинг бари ўзаро масофа сақлаган ҳолда дарсда қатнашиб, жумладан, ҳар бирига бир бирининг ўқув қуроллари, ҳимоя ниқоби ва бошқа ашёларидан фойдаланиш тақиқланган.

Ўқитувчилар ўқувчиларни ҳар танаффусда ҳимоя ниқобини янгисига алмаштиришлари, уларнинг синфхона ичида жойлашган сув жўмракларида тез-тез қўлларини совунлаб ювиб туришларини назорат қилиб туради. Ҳимоя ниқоблари ифлосланганда уларга ўқитувчи томонидан янги ниқоблар текинга тарқатилади. Қолаверса, ўқувчиларнинг ота-оналарига ҳам болаларнинг портфелига ҳар куни иккитадан ҳимоя ниқобларини солиб юборишлари тайинланган.

Мактабнинг учинчи қаватида ўтирган назоратчи ўқитувчиларнинг айтишига қараганда, мактабда танаффус йўқ экан, ўқитувчиларни ўзи соатга қараб дарсни тўхтатишаркан. Мактаб ошхонаси ҳам вақтинчалик фаолият юритмайди ёки у ерда ҳеч қандай егулик сотилмайди. Ўқувчилар ўзлари билан келтирган егуликларни истеъмол қилишади.   

Яна бир эътиборимизни тортган жиҳат, синфхоналарга кирганимизда ўқитувчиларнинг ҳимоя ниқобидан фойдаланаётганликларини кўрдик, аммо уларнинг ҳимоя қўлқоплари йўқ эди. Директор ўринбосари ҳимоя қўлқопларидан фойдаланиш ўқитувчилар учун ихтиёрий эканлигини айтади.

Биз яна мактабда санитария ва гигиена талаблари назоратининг кўнгилдагидек ўрнатилганлигини кўриб, бунга амал қилишни жажжи 1-синф ўқувчилари қай даражада эплаётганликлари билан қизиқдик.

Директор ўринбосари эса айнан 1-синф ўқувчилари ўқитувчиларнинг алоҳида назорати остида эканлиги, улардан ҳар соатда танаффусдан беш дақиқа аввал ёки ҳожатхонадан чиқилганидан сўнг қўлларини совунлаб ювиб, дезинфекциялаб туришлари сўралишини айтди. Бундан ташқари, биринчи ва иккинчи смена дарс соатлари тугагач, синфхоналар дезинфекция қилинаркан: кечки пайт синфхона хлор аралашмаси билан, кундузи оддий тозалаш воситалари билан ювилади.

Шунингдек, 14-сентябрь илк ўқиш кунида мактабда бирон бир ўқувчининг иситмаси кўтарилганлиги аниқланмаган.  Агар шундай ҳолат юз берса, улар шу заҳотиёқ мактабнинг назоратчи ҳамширалари томонидан назоратга олинади. Дарс вақтида иситмаси кўтарилганлиги аниқланганда ўқувчи махсус изолятор хонасига олиб кирилади ва ўқувчининг ота-онасига хабар берилади.

Директор ўринбосари шунингдек, Халқ таълими вазирлиги томонидан йўлга қўйилган онлайн таълим тизими пандемия вақтида жуда ўринли бўлганлиги,  аммо  маълум фоиз ўқувчиларнинг қишлоқ шароитларида интернет билан таъминланмаганликлари боис улар дарсларни кўнгилдагидек ўзлаштира олмаганликларини яширмайди.

“Баъзи ота-оналар эса карантин вақтида ўқитувчиларнинг қўнғироқларига жавоб беришмади, интернет орқали боғланишмади, фарзандларининг ўқишини назорат қилишга бефарқ бўлишди. Ўқувчини эса онлайн ўқитиш керак, баҳолаш керак, ундан вазифаларни сўраш керак, интернети йўқ ўқувчилар билан телефон орқали гаплашиш керак. Табиийки, бу ўқитувчиларга икки карра қийинчилик туғдирди”, - дейди у.

Мактабнинг тасвирий санъат фани ўқитувчиси Мухлиса Умарова эса бор- йўғи 15 дақиқалик онлайн таълимга нисбатан мактабга келиб ўқиган ўқувчи кўпроқ билим эгаллаши мумкинлиги, ўқитувчиларга ҳам уларни доскага чиқариб, кўргазмалар билан ўқитиш бир мунча қизиқроқ ва самаралироқ бўлишини айтади.

Школа №27 Мирзо-Улугбекского района Ташкента
Sputnik
Школа №27 Мирзо-Улугбекского района Ташкента

“Масалан, онлайн ўқув жараёнида ўқувчиларнинг 70 фоизи онлайн дарсларда қатнашган бўлса, 30 фоизи қатнаша олмади, қайсидир ўқувчи Фарғонага кетган, яна бошқа бири Наманганда... биз уларни, чорак баҳоларига қараб баҳолашга мажбур бўлдик. Апрель ойида дарсларни ўзлаштира олмаган ўқувчиларнинг айримлари билан боғланиб, уларга такроран алоҳида индивидуал дарслар ҳам ўтилди. Яхшики, онлайн дарсларни ўтишга шаҳардаги энг малакали ўқитувчилар жалб этилди. Қолаверса, биз ҳам улардан ўзимиз билмаганларимизни ўрганиб, ўқувчиларга ўргатишга ҳаракат қилдик”, - дейди ўқитувчи.  

Дарҳақиқат, пандемия даврида ўқитувчиларга осон бўлмади. Онлайн дарс ўтишда уларга кўплаб масъулиятли вазифалар юкланди. Қизиғи, ойлик маошлар фидоийларнинг чеккан заҳматларини  оқладими? 

Ушбу савол юзасидан ўқитувчи — Мухлиса Умарова қийинчиликлар, вазифалар ҳар қанча кўп бўлмасин, ўқитувчилар ойлик маошларини ўз вақтида олишгани, юкланган вазифалардан нолимаганликларини айтади. Аксинча, вақтинчалик пандемия даврида бу ҳолатни улар тўғри баҳолайди.

Бизни қизиқтираётган яна бир томони, пандемия даврида карантин чораларининг яна икки йил давомида қўлланилиши айтилмоқда. Табиийки, бу даврда қоракўз ёшларнинг келажаги, улар саъвиясининг қай даражага тушиб қолиши мумкинлиги ташвишли. Бу борада директор ўринбосари Гулизебо Турдиева шундай дейди: “Худо хоҳласа, ўқувчиларимизнинг барчаси билимга чанқоқ ва уларга бирон бир топшириқ берсак, албатта ўз вақтида бажаришга ҳаракат қилишади. Ўйлайманки, уларнинг келажаги кўнгилдагидек бўлади. Умуман, мактабимиз аълочи ўқувчилардан иборат, уларнинг бир қанчаси онлайн тарзида ўқишларга топшириб юқори балларни тўплаб, талаба бўлишди.  Шу боис бу йилги битирувчиларимиз уларнинг изидан боришади дея умид қиламиз”.

Биз яна мактаб директори ўринбосаридан мактабда неча фоиз ўқитувчилар гриппга қарши эмланганлиги ҳақида сўрадик. Унинг айтишича, мактабда олтмиш нафар ўқитувчи фаолият юритиб, барчасининг саломатлик даражаси санэпидемиология маркази ходимлари томонидан назоратга олинган, ҳар бири тест текширувларидан ўтказилган. Октябрь ойида эса эмлаш чоралари кўрилади.

478
Руководитель Центра экономических исследований Института глобализации и социальных движений РФ Василий Колташов

АҚШ сиёсат кучи билан иқтисодий ғалабага эришмоқчи - эксперт

131
(Янгиланган 18:13 29.09.2020)
Европа углеводородлар бозорида иқтисодий йўл билан Россияни енга олмаган АҚШ сиёсий босимни тобора кучайтирмоқлда.

ТОШКЕНТ, 29 сен - Sputnik. АҚШ бугунги кунда Европада олиб бораётган сиёсатининг асл мақсади нима? Ушбу мавзуда ўз мулоҳазаларини Глобализация ва ижтимоий ҳаракатларни ўрганиш институтининг Иқтисодий изланишлар маркази директори Василий Колташов айтиб берди.

АҚШ Европа углеводородлар бозоридан рақобатчиларни ноиқтисодий услублар билан сиқиб чиқаришга ҳаракат қилмоқда. Бугунги кунда Шимолий Юнонистонда уларнинг ҳарбий гуруҳи кучайтирилишининг сабаби ҳам ана шунда. 

Дональд Трампнинг геостратегик мақсади - Европани Россия ва "Газпром" таъсиридан холи қилиш. Бу ҳақида АҚШ давлат котиби Майк Помпео Афинанинг АМНА агентлигига маълум қилган. 

АҚШни "Шимолий оқим-2" ва умуман Россиядан Европага углеводородлар етказиб бериш тақдири жуда ҳам хавотирга солмоқда. Бунга, жумладан, бир қатор АҚШ ичики муаммолари ҳам сабаб бўлмоқда. 

"Америка иқтисодиёти тобора кучайиб келаётган муаммоларга дуч келмоқда. Ушбу вазиятда АҚШ ҳукумати Европага суюлтирилган газ етказиб бериш буюртмасини айнан АҚШ амалга оширишини истайди. Иқтисодий йўл билан буни амалга ошириш уларнинг қўлидан келмайди. (чунки суюлтирилган газ қимматга тушади) Шу сабабли ҳам АҚШ Россияни Европа углеводородлар бозоридан ноиқтисодий услублар билан сиқиб чиқаришга ҳаракат қилмоқда", - дейди Колташов. 

Бошқа томондан қараганда Европанинг барча давлатлари ҳам АҚШ таъсири остида эмас. Ҳар ҳолда ўзи манфаатини унутадиган даражада эмас. Устига устак шу кунларда евро ҳам долларга нисбатан қимматлашмоқда. Бундай шароитда Америка суюлтирилган газини сотиб олиш янада қимматга тушади. 

Шундай бўлсада АҚШ "Шимолий оқим-2"ни тўхтатиш учун сиёсий босимни тобора кучайтириб келмоқда ва бир қатор давлатлардан Россия билан энергетика масаласида ҳамкорликни тўхтатишни талаб қилмоқда. 

АҚШ Юнонистонда ўз ҳарбий кучи миқдорини оширишда "Туркия таҳдиди"дан ҳам фойдаланмоқда. 

131
Лаборанты обрабатывают флаконы для новой вакцины от коронавируса AstraZeneca

Вакцина қанчалик хавфли: АҚШ жавоб талаб қиляпти, Европа пулни санаяпти

263
(Янгиланган 19:07 29.09.2020)
Британ-швед AstraZeneca фармакология компанияси ва Оксфорд университети томонидан ҳамкорликда ишлаб чиқилган AstraZeneca вакцинаси муаммолари янгича оборот олишни бошлади

АҚШ бир неча ҳафта олдин музлатиб қўйилган синовларни нафақат янгиламади, балки американинг етакчи ОАВлари томонидан препарат хавфсизлигига доир саволлар тез-тез янграй бошлади. Айниқса, улар орасида Си-эн-эн овози жарангдор.

Маълумки, AstraZeneca клиник синовлари икки марта тўхтатиб қўйилган эди - июль ва сентябрь ойларида: гап шундаки, икки кўнгиллида келиб чиқиши неврологик бўлган ғайритабиий симптомлар намоён бўлганди. Иккала ҳолат ҳам одамларга киритилган вакцина билан боғлиқ эмас, дея тан олинди ва аксарият давлатларда, шу жумладан, Буюк Британияда ҳам синовлар давом эттирилди.

Аммо америкалик олимлар ва АҚШ соғлиқни сақлаш тизими мутахассислари ўта синчков чиқишди ва салбий таъсирлар ҳақидаги ҳисоботларда жиддий тафовутлар борлигини аниқлашди.

AstraZeneca июль ойида юз берган ҳодисани олдиндан диагностика қилинмаган паришонхотир склероз билан изоҳлади. Аммо Оксфорд университети сайтида бу ҳолат "тушунарсиз неврологик симптомлар" сифатида тушунтирилган.

Иккинчи - сентябрдаги воқеада - компания кўнгилли аёллардан бирида "номаълум касаллик" намоён бўлгани ҳақида оммага маълум қилди. Аммо ички ҳужжатчиликда ушбу ҳолат кўндаланг миелит (кам учрайдиган неврологик касаллик) сифатида қайд этилган.

Натижада, америкаликлар эндиликда бундай тафовутнинг юзага келиши сабаблари ҳақида жуда ўринли саволларни беришмоқда. AstraZeneca шусиз ҳам вакцина устида олиб бораётган ишларининг шаффофлиги борасида жиддий эътирозларни эшитаётган эди, юзага қалқиб чиққан қарама-қаршиликлар эса эндиликда буларга қўшимча равишда препаратга ва унинг хавфсизлигига бўлган ишончни йўққа чиқармоқда.

Устига-устак синовдан ўтаётганлар соғлиғида юзага келган муаммолар мавзуси ҳам алоҳида эътиборни тортмоқда. Дарвоқе, америкалик профессор-иммунологларнинг бири бу ҳақда очиқчасига: иккала касаллик ҳам неврологик табиатга эгалиги кишини "шокка" солмоқда, дея фикр билдиришга улгурди.

Эҳтимол, AstraZeneca’дан шунчаки омад юз ўгирган ва гап ҳақиқатан ҳам бахтсиз тасодифлар ҳақида бориб, улар ишлаб чиқилаётган вакцина билан мутлақо боғлиқмасдир. Аммо соғлом идрок ушбу ҳолатга ойдинлик киритишни талаб қилади - шу ўринда бошини қумга тиқмай, дарҳол ўзидаги синовларни музлатиб қўйган американинг масъул хизматлари иши таҳсинга сазовордир.

Бу ерда уларнинг европалик ҳамкасблари позицияси кўпроқ кишини таажжубга солмоқда. Улар санаб ўтилган барча ғалатиликларни кўрмаганга олиб, тест ўтказишни давом эттиришга рухсат беришди.

Умуман олганда, Европа иттифоқи ҳукумати ва компаниянинг ушбу (вакцина ростдан ҳам хавфсиз бўлмаган тақдирда) улкан муаммоларни келтириб чиқариш билан хавф солаётган нозик мавзуда хотиржамлиги сабаби оддий.

Шу кунларда Reuters ахборот агентлиги ЕИ расмий вакилига таянган ҳолда AstraZeneca Европа иттифоқи билан битим доирасида қисман иммунитетга эга бўлгани ҳақида хабар берди.

Битим август ойида имзоланган, аммо унинг айрим нозик тафсилотлари энди эълон қилинди.

Бор гап шундаки, фармкомпания ЕИга препаратни нисбатан арзон нархда етказади, аммо бунинг эвазига у препарат салбий таъсир кўрсатган тақдирда молиявий (муайян лимитдан юқори) жавобгарликдан озод этилади. Битимнинг аниқ кўламлари очиқланмаяпти, аммо Европа AstraZeneca’га бир доза учун 2,5 евродан тўлаши маълум. GlaxoSmithKline билан ҳамкорликда ўз препаратини ишлаб чиқараётган Франциянинг Sanofi фарм-ишлаб чиқарувчиси вакцинани Европага ўн евродан пуллаган - ва шу боис унга иммунитет тақдим этилмаган.

Дарвоқе, иккала компания ҳам ЕИдан қайтарилмайдиган аванс тўловларни олиб бўлишган. 400 миллион доза вакцинани етказиб бериш учун AstraZeneca’га тўланган бундай тўлов миқдори 336 миллион еврони ташкил этди, Sanofi эса 300 миллион доза учун — 324 миллион евро олган.

Шу тариқа, агар режалаштирилаётган оммавий вакцинация жараёнида тўсатдан AstraZeneca препарати ҳақиқатда аксарият ҳолатларда инсон соғлиғига зиён етказиши аниқланса, компания бу учун ҳеч қандай жиддий оқибатларни юзага келтирмайди.

Жабрланганларга компенсацияларни миллий ҳукуматлар, аниқроқ қилиб айтганда - тегишли давлатларнинг солиқ тўловчилари қоплаб беради.

Шу аснода Европа истеблишментининг турли хил ёндашувлар билан яратилган бу икки вакцинага қилаётган ставкаси таъсирлантирмай қолмайди, албатта.

Бу ижтимоий ва сиёсий манипуляциялар учун бир дунё имкониятларни тақдим этиши шундоқ ҳам тушунарли. ЕИнинг қайси давлатлари қайси препаратларни олиши, шунингдек, бу вакциналар мамлакатларнинг ичида, туманлар эпидемиологик осойишталиги ва уларда истиқомат қилувчи одамларнинг жамиятдаги ўрни кесимида қандай тақсимланиши томоша қилиш жуда қизиқ.

Ички бир туйғу билан шуни ҳис этиш мумкинки, шубҳали дори-дармон билан соғлиғига хавф солиш мутлақо мумкин бўлмаган сара европаликлар учун ҳар доим Sanofi препарати қўл остида тайёр туради. Ахир бу препарат учун француз компанияси жавобгарликни ўзи олиб боришига тўғри келади, демакки, унинг хавфсизлиги ва самарадорлигига кўпроқ ишониш мумкин.

Бу фонда рус воқеликлари деярли экзотикадек кўринмоқда, ахир бунда кўплаб таниқли ва юқори мартабали фуқаролар маҳаллий вакцина синовлари иштирокчиларига айланишган эди. Жаҳон ОАВлари ҳатто "Россия элитаси вакиллари кўп ойлар давомида клиник синовлардан ўтмаган препарат билан эмланган", дея таъкидлаганди.

Шундай экан, уларнинг "Спутник-V"ни эҳтимолий хавфсиз эмаслиги билан боғлиқ ҳужумларини айни ҳолатда қандай тушуниш мумкин, бу ўта қизиқ масала.

Эҳтимол, Россияга нисбатан ҳар доим ғайришуурий тарзда "ким нима дардда" тамойилига амал қилиш Ғарбнинг пешонасига ёзилган бўлса керак.

263

Британия ва Канада Лукашенкога қарши санкция киритди

99
Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади

ТОШКЕНТ, 29 сен — Sputnik, Мария Табак. Буюк Британия ва Канада Беларус президенти Александр Лукашенко, унинг ўғли Виктор ва мамлакатнинг бир нечта юқори мартабали ҳукумат аъзоларига қарши санкцияларни киритдилар, деб хабар бермоқда британия ТИВ.

Чеклов чоралари Бирлашган Қиролликка кириш ва саккиз кишига нисбатан, хусусан, Лукашенконинг ўзи, унинг ўғли, миллий хавфсизлик бўйича маслаҳатчи Виктор Лукашенкога, президент арминистрацияси раҳбари Игорь Сергеенконинг, ички ишлар вазири Юрий Караев, ички ишлар вазири ўринбосарлари Александр Барсуков ва Юрий Назаренко, ИИВ ички қўшинлари қўмондони ўринбосари Хазалбек Атабеков ва Махсус полиция минск бўлинмаси раҳбари Дмитрий Балабиларнинг активларини музлатишни кўзда тутади. 

Британиялик дипломатларнинг қайд этишича, рестрикциялар "Буларусда инсон ҳуқуқларининг қўпол равишда бузилишига алоқадор" бўлганларга нисбатан жорий этилади.

"Дунё ҳамжамиятининг кўплаб даъватларига қарамай, Александр Лукашенко шафқатсиз репрессияларни кучайтирган оппозиция билан мулоқотга киришишдан бош тортди", — дейилади Буюк Британиянинг Россиядаги элчихонаси хабарида.

Лондон чекловларни жорий йил июль ойида кучга кирган "инсон ҳуқуқларини поймол этганлиги учун санкцияларнинг британ режими" (Global Human Rights Sanctions Regime) доирасида қўллаган.

"Буюк Британия мустақил санкциялар режими инсон ҳуқуқларини жиддий равишда бузадиганларга Буюк Британияга саёҳат қилишни, британ банклари орқали пул ўтказишни ёки Буюк Британия иқтисодиётидан бирон бир фойда олишни тақиқлашга имкон беради", - дея аниқлик киритган дипломатик ваколатхона.

Беларусдаги воқеалар

Беларусдаги оммавий норозиликлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 % овоз олган. Оппозиция сайловларда Светлана Тихановская ғалаба қозонди деб ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомёт, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Лукашенко АҚШни Беларусдаги норозиликларни ташкил этганликда айблади. Президентнинг айтишича, европа мамлакатлари Вашингтонга ён босмоқда ва ҳаммасини "айтилганидек бажаришмоқда". Беларус етакчисининг сўзига кўра, Ғарб Минскни Москвага қарши қайрамоқчи.

23 сентябр куни Лукашенконинг инаугурацияси бўлиб ўтгач, бу янги норозилик акцияларини юзага келтирди, акциялар иштирокчилари куч методлари ва водомётлар ёрдамида тарқатилди.

99