Apple Park

Apple Park - Стив Жобснинг сўнгги маҳсулоти

1058
(Янгиланган 21:19 13.07.2017)
Стив Жобс янги мажмуани камроқ офисга ва кўпроқ табиат қўйнидаги бошпанага ўхшаш бўлишини хохлаган экан.

TOШКЕНТ, 13 июл — Sputnik. Стив Жобснинг шахсан иштирокида яратилган энг сўнгги маҳсулот дунёга тақдим этилиш арафиасида турибди. Унинг номи Apple Park. Яъни дунёга машҳур компания учун янги офис мажмуаси. Компания расмий хабарига кўра, бугунги кунда Куппертинода 30 та бинода ижарада турган компания ходимларини Apple 2018 йилнинг апрел ойидан бошлаб янги офисга кўчира бошлайди.

Apple нинг янги офиси ҳақидаги дастлабки маълумот 2006 йилда пайдо бўлган эди. Унинг дастлабки номи Apple  Campus 2 бўлган. Янги мажмуа лойиҳаси 2006-2011 йиллар орасида Стив Жобс дунёнинг дунёнинг етакчи меъморларини билан биргаликда ишлаб чиққан.

Айтишларига қараганда, Стив Жобснинг шахсан ўзи янги лойиҳанинг ҳар бир майда-чуйда деталигача аралашган. Бино ташқи кўринишидан тортиб, ойналар орасида неча миллиметр бўлиши, бинонинг умумий баландлиги, пол қопламаси ва унинг атроф муҳитга билан қандай мослашувига ҳам жуда катта эътибор берилган. Хусусан Apple Campus 2 биноларининг 4 қаватдан баланд бўлмаслиги ҳам Жобснинг нияти бўлган.

Apple Campus 2 қурилиши учун Куппертино шаҳрида 70 гектар индустриал майдонни сотиб олади. Олдин саноат бинолари, парковкалар жойлашган ҳудуд мутлақ ўзгартириб юборилади. Асосий ўзгаришлар чиройли манзарали боғлар яратиш ва табиат муҳитга эъзозли бўлган технологияларни қўллашдан иборат бўлганлиги бугунги кунда яққол кўзга ташланади.

Apple Park
Apple Park

Умий ҳисобда 13 минг кишига мўлжалланган янги офиснинг кейинчалик Aplle Park деб аталиши ҳам бежиз эмас, чунки унинг ҳудудининг 80 % яшил боғлар билан қопланган. Олдинги ер усти парковкаларининг 90% ўрнига бутун дунёдан келтирилган 7 мингдан ортиқ дарахтлар экилган.

Офис атрофидаги парк ҳудуди пиёдалар ва велосипедчилар йўлаклари билан қопланган. Офис ишчилари бир жойдан иккинчи жойга етиб олишлари учун 1000 дона велосипедлар мажвуд. Шунингдек Apple park ҳудудида Фитнес центр, 14 минг автомобил учун ер ости ва кўп қаватли парковкалар мавжуд.

Янги мажмуа фақат қайта тикланадиган энергия манбааларидан фойдаланади. Офис биноларининг ва гаражларнинг барчасининг томида қуёш нурини электр токига айлантириувчи мосламалар ўрнатилган.  Ундан ташқари биогаз ёрдамида ишлайдиган экологик тоза алоҳида электр станцияси қурилган. Шунингдек янги офис биноси йилнинг 9 ойи давомида иситиш ва совутишни мосламаларидан фойдаланишни талаб қилмайди.

Steve Jobs Theater

Шунингдек Apple Park ҳудудида 700 кишига мўлжалланган презентациялар зали ҳам жойлашган. Унинг номи Steve Jobs Theatr.  Баландлиги 7 метр, диаметри 50  метр бўлган бино декорлари ойнадан қурилган.

Бугунги кунда Apple park биноси қурилишининг охирги босқичлари якунланмоқда. Дронлардан олинган видеога кўра у ҳақиқатдан ҳам дунёдаги энг яхши офис биноси бўлиши мумкин. Унинг қиймати 5 миллиард долларни ташкил қилмоқда.

P.S. Twitter фойдаланувчиси Mirnes Kovac Apple Park биносини қадимига Боғдод шаҳрига ўхшаш томонларини топган ва қуйидаги расмни жойлаштирган. Эсингизда бўлса Стив Жобснинг отаси Яқин Шарқдан (Сурия) АҚШга келган меҳнат мигранти бўлган.

1058
Микрофон на сцене. Архивное фото

Жонли ижрода концерт берадиган санъаткорлар 50 % ижара имтиёзига эга бўлади

71
Маданият вазирлиги ва бошқа давлат органлари томонидан давлат тадбирлари ва бошқа тадбирларга ижодкорлар ва ижрочиларнинг жамоатчилик асосида жалб қилинишига йўл қўйилмайди.

ТОШКЕНТ, 28 май — Sputnik. “Маданият ва санъат соҳасининг жамият ҳаётидаги ўрни ва таъсирини янада ошириш чора-тадбирлари тўғрисида” президент фармони қабул қилинди.

Фармонга мувофиқ, 2021 йил 1 январдан бошлаб:

  • концерт-томоша фаолиятини лицензиялаш, лицензиатларнинг давлат реестрини юритиш, уларнинг фаолияти ва эришган натижалари ҳақидаги ахборотларни киритиб бориш Концерт-томоша фаолияти иштирокчиларининг ягона онлайн портали орқали амалга оширилади;
  • концерт-томоша тадбирига бир марталик рухсатнома бериш учун ундириладиган йиғим бекор қилинади;
  • давлат органлари ва ташкилотларининг ташаббуслари билан ўтказиладиган оммавий-маданий ва концерт-томоша тадбирлари ҳар йили тасдиқланадиган оммавий-маданий ва концерт-томоша тадбирларининг календарь режалари асосида ўтказилади;
  • Президент, Ҳукумат ва ҳокимнинг давлат тадбирларини ўтказишни назарда тутувчи қарорларида ушбу тадбирларни ташкил этиш бўйича кўрсатиладиган хизматлар буюртмачилари ва молиялаштириш манбалари кўрсатилади;
  • давлат органлари томонидан ўтказиладиган тадбирларда концерт-томоша фаолиятини амалга оширувчи шахслар хизмат кўрсатганда ёзма ва ҳақ эвазига шартнома тузилади (концерт-томоша фаолиятини амалга оширувчи давлат муассасалари ходимлари билан тузиладиган меҳнат шартномаларидан келиб чиқадиган мажбуриятлар бундан мустасно).

Тадбирларга ижодкорларни жамоатчилик асосида жалб қилишга йўл қўйилмайди

Фармонга мувофиқ, Маданият вазирлиги ва бошқа давлат органлари томонидан давлат тадбирлари ва бошқа тадбирларга ижодкорлар ва ижрочиларнинг жамоатчилик асосида жалб қилинишига йўл қўйилмайди.

2020 йил 1 сентябрдан давлат органлари ва ташкилотлари тизимидаги концерт, маданият саройлари ва бошқа муассасаларда тўлиқ жонли ижро асосида ўтказилган концерт дастурлари учун ижара тўловидан 50 фоиз чегирма бериш тартиби жорий этилади.

2020/2021 ўқув йилидан бошлаб ноталар тўпламлари ва махсус мусиқий адабиётлар Давлат бюджети маблағлари ҳисобидан чоп этилади ва улар таълим муассасаларига тўлиқ етказилади.

71
Инстаграм-поединок: Лола Астанова выступила с американским блогером - видео

Соҳибжамол Лола Астанова машҳур блогер билан ролик тайёрлади

559
Хонандалар роликни “Мусиқий беллашув” деб номлашди, унда "Тахт ўйинлари" сериали саундтрекини ижро этишди.

ТОШКЕНТ, 26 май — Sputnik. Ўзбекистонлик пианиночи Лола Астанова машҳур америкалик блогер Руди Манкусо билан видео ролик тасвирга олди.

Хонандалар роликни “Мусиқий беллашув” деб номлашди, унда "Тахт ўйинлари" саундтрекини ижро этишди.

Посмотреть эту публикацию в Instagram

Публикация от LOLA ASTANOVA (@lolaastanova)

Шунингдек, улар "Кариб денгизи қароқчилари" фильмига саундтрек ижро этишди.

Посмотреть эту публикацию в Instagram

Публикация от LOLA ASTANOVA (@lolaastanova)

Ўтган йили Лола Астанова "Тахт ўйинлари" сериали бош қўшиғини ижро этган эди. Ушбу видео 74 мингдан ортиқ лайк тўплади.

Руди Манкусо – YouTubeда ўзининг комик видеолари билан машҳур бўлган блогер ва мусиқачи. Унда YouTubeда 5 миллиондан ортиқ, Instagram’да 9 миллиондан зиёд обуначиларига эга.

559
Жители Самарканда около памятника первому президенту Узбекистана Исламу Каримову

Пандемия даврида Ўзбекистонда неча киши ишсиз қолгани маълум қилинди

17
(Янгиланган 14:41 07.06.2020)
Ўзбекистонда пандемиядан олдин ишсизлар сони ўртача 1,35 миллионга яқин эди. Ҳозирда улар сони қарийб 2 миллионга яқинлашган.

ТОШКЕНТ, 7 июн — Sputnik. Ўзбекистонда пандемиядан олдин ишсизлар сони ўртача 1,35 миллионга яқин эди. Пандемия даврида ишсизлар сони қарийб 2 миллионга яқинлашди. Бундан ташқари, Ўзбекистонда 550 мингга яқин меҳнат мигрантлари бошқа давлатларга ишлаш учун чиқиб кета олмаган. Бу ҳақда бандлик ва меҳнат муносабатлари вазири Нозим Ҳусанов Халқаро пресс-клубнинг Фарғона вилоятига бағишланган сонида маълум қилди.

“Барча давлатларга пандемия ўзининг салбий таъсирини кўрсатди. Ўзбекистонда ҳам пандемиядан олдин ишсизлар сони ўртача 1 миллион 350 мингга яқин эди, пандемия бошлангач қатор корхоналар фаолияти тўхтатилди ва ишсизлар сони қарийб 2 миллионга яқинлашди”, - деди вазир.

Таъкидланишича, бу рақамлардан ташқари меҳнат мигрантларига оид статистикалар ҳам мавжуд. Ҳозирда Ўзбекистонда 550 мингга яқин фуқаро бошқа давлатларга ишлаш учун чиқиб кета олмаган.

Вазирнинг сўзларига кўра, олдинда турган вазифалардан бири шундай фуқароларнинг бандлигини таъминлашдан иборат.

Эслатиб ўтамиз, аввалроқ жорий йилнинг биринчи чорагида Ўзбекистонда ишсизлик даражаси 9,4 фоизни ташкил этгани хабар қилинган эди. Энг юқори ишсизлик даражаси 9,8 фоиз билан Самарқанд ва Сурхондарё вилоятларида қайд этилган.

17