Павильон №66 Культура (Узбекская ССР), построенный в 1954 году, на территории ВДНХ

Расман: Ўзбекистонга ВДНХдаги павильон қайтарилмоқда

262
(Янгиланган 13:28 25.06.2019)
Тегишли битим Москва шаҳри мэрияси ва Тошкент шаҳар ҳокимлиги ўртасида имзоланди.

ТОШКЕНТ, 25 июн - Sputnik. Жорий йилнинг 24 июнь куни Россия пойтахти Москва шаҳри мэрияси ва Тошкент шаҳар ҳокимлиги ўртасида павильонни ва унга тегишли ер майдонини ижарага олиш тўғрисидаги битим имзоланди. Бу ҳақда Тошкент шаҳар ҳокимлиги матбуот хизмати хабар қилди.

Қайд этилишича, ўзаро мулоқот давомида Ўзбекистон павильонини қайта таъмирлаш ишлари билан боғлиқ молиявий ва ташкилий масалалар ҳам кўриб чиқилди.

Қайта таъмирлаш ишларини бажариш ва экспонатлар билан тўлдириш ишлари якунлангандан сўнг Ўзбекистон павильони тантанали очилиши кўзда тутилмоқда.

Яқинда Тошкентда бўлиб ўтган МГИМО битирувчилари форумида Россия Маданият вазири Владимир Мединский ушбу павильон Ўзбекистонга фойдаланиш учун муддатсиз равишда топширилиши маълум қилди.

Павильон биноси 1950 йилларда Москвада кенг тарқалган “Сталин ампири” ҳамда ўзбек миллий меъморчилиги аралашмаси услубида қурилган. Ушбу павильон ўша вақтларда ВДНХнинг энг чиройли биноларидан бири бўлган ва санъат асари ҳисобланган, лекин кейинчалик 90 йилларда қаровсиз қолиб, анча зарар кўрган. 

2017 йилда павильон Москва шаҳар ҳокимлиги ихтиёрига топширилганидан бошлаб у ерда кенг қамровли реставрация ишлари бошлаб юборилган. Реставраторлар ушбу павильонни асл ҳолатга келтиришга ҳаракат қилишмоқда.

Павильонда ўрнатилган 8та нақшинкор ёғоч эшиклар, павильон деворидаги безакли ромлар ҳам очилиши, павильоннинг ички кўриниши ҳам тўлиқ қайта тикланмоқда.

Павильон безатилган нақшларда ўзбек миллий услубидаги шакллар билан бир қаторда Совет иттифоқи рамзи бўлган беш қиррали юлдузлар ҳам жуда кўп учрайди. Ўша вақтдаги усталар миллий ва умумиттифоқ символларни маҳорат билан уйғунлаштирган. Реставрация қилинган павильон безакларида ҳам беш қиррали юлдузлар ўз жойида сақлаб қолинади

262
MC Doni

“Уларсиз мен қурилишда ишлаётган бўлардим”: MC Doni нима учун Black Star'ни тарк этди

226
Тимати ва лейблининг бошқа раҳбарияти билан улар дўст бўлиб қолишди. Ижодкорнинг ҳаётида яна нима содир бўлганлигини қуйида ўқинг.

ТОШКЕНТ, 14 июл - Sputnik. Ўзбекистонлик MC Doni (Достонбек Исламов) Black Star брендини тарк этди, бу ҳақда у ТНТга берган интервьюсида маълум қилди.

“2020 йил бошида лейбл билан менинг шартномам тугади. Биз янги йил таътилларида ортиқча шов-шувларга сабаб бўлмаслик учун март ойига яқинроқ эълон қилишни хоҳлаган эдик. Март билан бирга карантин ҳам келди ва биз яна кераксиз маълумотлар билан одамларни юклашни хоҳламадик-да, буни кейинга қолдирдик. Биз яхшилик билан, хушмуомалалик билан хайрлашдик. Ҳеч кимда ҳеч қандай шикоят бўлмади”, - деди ижодкор.

Унинг сўзларига кўра, ташаббус фақат унинг ўзидан келиб чиқди, чунки унда мусиқадан ташқари бошқа кўплаб бизнес лойиҳалари ҳам пайдо бўлди. Вақт етишмаслигидан жанжалларнинг олдини олиш учун, мусиқачи якка ишлашга қарор қилди.

Бундан ташқари, Тимати ва лейблининг бошқа раҳбарияти билан улар дўст бўлиб қолишди.

Посмотреть эту публикацию в Instagram

Публикация от DONI (@doni.blackstar)

"Улар менга ҳамма нарсани қайтариб беришди: тахаллусим, ижтимоий тармоқларимни, клипларимни, қўшиқларни. Мен аввалгидай концертлар ташкил этишим, қўшиқларимни ижро этишим мумкин. Мен йиллар давомида орттирган нарсаларимнинг ҳаммасини ўзимга қолдиришди. Ва биз жуда яхши муносабатда қолдик”, - деб қўшимча қилди Ўзбекистонлик қўшиқчи.

Дарвоқе, бир йил олдин Тимур Юнусовнинг лейблини бир нечта йирик артистлар тарк этдилар, улар орасида Егор Крид, Кристина Si, L'One.

“Тимати менга кўп нарсада ёрдам берди. Қўшиқлар ёзишда, тижорат масалаларида. Менимча уларсиз мен ҳали ҳам қурилишда ишлаётган бўлардим”, деди репер.

Посмотреть эту публикацию в Instagram

Публикация от DONI (@doni.blackstar)

Шунингдек MC Doni интервьюда ўз шахсий воқеалари билан ўртоқлашди. Маълум бўлишича, май ойида у энг яқин икки одами - отаси ва севиклисини йўқотди.

226
Лола Юлдашева беременна третьим ребенком - фото

Ширингина қизалоқ: хонанда Лола Йўлдошева учинчи бор она бўлди

401
(Янгиланган 16:09 07.07.2020)
Хонанданинг мухлислари ушбу ажойиб хушхабардан сўнг табрикларни ёғдира бошлаганлар. Аксарияти жажжигина қизалоққа бахт ва соғлик тилашмоқда

ТОШКЕНТ, 7 июл - Sputnik. Хонанда Лола Йўлдошева учинчи бор она бўлди. Хонанда қиз фарзандни дунёга келтирди. Бу ҳақда Лола Йўлдошева ўзининг инстаграмида маълум қилган.

Посмотреть эту публикацию в Instagram

Публикация от Lola Yuldasheva (@lolaofficial_)

"Қизалоғим..., бизнинг дунёмизга хуш келибсан. Бизнинг бебаҳо хазинамиз✨ бизнинг бахтимиз, биз сени жуда ҳам яхши кўрамиз. Даданг билан ҳамиша ёнингда бўламиз", - деб ёзган хонанда янги туғилган чақалоқ оёқчалари акс этган суратга қолдирган изоҳида.

Хонанданинг мухлислари ушбу ажойиб хушхабардан сўнг табрикларни ёғдира бошлаганлар.

Аксарият тилакларда янги меҳмонга бахт ва соғлик тиланган.

Ушбу хушхабар ҳозиргача 30 мингдан ортиқ лайк тўплаган. Икки мингдан ортиқ изоҳлар қолдирилган.

401
Мэр Москвы С. Собянин осмотрел ход строительства ЖК ЗИЛАРТ

Москвада қурилиш ишчилари ўртасида оммавий муштлашув юз берди видео

759
(Янгиланган 20:23 14.07.2020)
Москвада “Северное Чертаново” микрорайонида жойлашган қурилиш майдонида ишчилар ўртасида оммавий муштлашув юз берди.

ТОШКЕНТ, 14 июл — Sputnik. Москвада “Северное Чертаново” микрорайонида жойлашган қурилиш майдонида ишчилар ўртасида оммавий муштлашув юз берди.

Ҳодиса 14 июль куни кундуз куни Балаклава шоҳ кўчасидаги қурилиш майдончасида юз берди.

Видеода муштлашувда иштирок этган баъзи кишилар таёқ, белкурак ва ҳатто ғишт олаётганини кўриш мумкин.

Оммавий жанжал нима сабаб бўлганлиги номаълум.

Гувоҳларнинг сўзларига кўра, воқеа жойига ҳуқуқ-тартибот идоралари ходимлари, шу жумладан, ОМОН ходимлари ҳам келган.

Жабрланганлар ҳақида расмий маълумот йўқ, аммо гувоҳларнинг айтишича, бир неча киши жароҳатланди.

759