Одилджон Абдукаххаров - председатель Узбекконцерта

"Ўзбекконцерт" раҳбарининг "рэп назорат"да деган гапи интернетда кулгига олинмоқда

636
(Янгиланган 09:04 30.07.2019)
Айни вақтда "Ўзбекконцерт" раҳбарининг рэп назоратга олингани ҳақидаги гаплари интернет фойдаланувчилари эътиборига тушиб, қизғин муҳокамаларга сабаб бўлмоқда

ТОШКЕНТ, 30 июл - Sputnik. "Ўзбекконцерт" раҳбари Одил Абдуқаҳҳоров қўшиқлардаги ножўя сўзлар (сўкишлар)га уруш эълон қилгани ва "рэпни назоратга олгани" ҳақида берган интервьюси интернет фойдаланувчилари орасида қизғин муҳокамаларга сабаб бўлмоқда.

Хусусан, "Абдуқаххоров қўшиқ матнида ножўя сўзларни ишлатишни бас қилишлари учун рэперлар устидан назорат ўрнатишга муваффақ бўлингани ҳақида гапирди", - деб ёзади "Биржа" нашри.

"Ўзбекконцерт" раҳбарининг сўзларига кўра, ўз вақтида кўрсатилмаган эътибор туфайли рэперлар рэп матнида сўкишларни ишлата бошлашган ва уларнинг ҳатти-ҳаракати ҳам ножўялашиб кетган. Эндиликда муассаса ходимлари ўз олдиларига рэперларга миллий анъана ва миллий маданият ҳақида куйлаш лозимлигини етказишни мақсад қилиб олганлар.

Айни вақтда "Ўзбекконцерт" раҳбарининг рэп назоратга олингани ҳақидаги гаплари интернет фойдаланувчилари эътиборига тушиб, қизғин муҳокамаларга сабаб бўлмоқда.

Хусусан, Сайёра Ходжаева, "О, Худо, яқинда бутун дунё устимиздан кулишни бошлайди", - дея ҳиссиётли пост қолдирган.

Никита Макаренко эса: "Худога шукр. Мамлакатимизда ҳеч бўлмаса нимадир назорат остида. Тупак, тинч ором ол. Рэп ишончли қўлларда", - дея сарказм қилган.

Нигора Мухамедова никли яна бир интернет фойдаланувчиси эса эндиликда маҳаллаларда радиоузелларда Зулфия шеърлари билан биргаликда назорат остида бўлган рэплар ўқиб эшиттирилишини айтган ва "Эй хоким посмотри на меня))) Делай как я, делай как я))))", - дея гўёки келажакда ўқиладиган рэпдан бир парча келтирган.

Илгарироқ "Ўзбекконцерт" бирлашмаси рэп йўналишида ижод қилувчилар билан йиғилиш ўтказгани ва 16-18 август кунлари Тошкент шаҳрида Рэп ва Диджейларнинг Халқаро фестивалини ўтказиш белгилаб олингани ҳақида хабар берган эдик.

636
Съемка достопримечательностей Бухары с высоты птичьего полета

Бухородаги 7та маданий объект ЮНЕСКО умумжаҳон мероси рўйхатини тўлдириши кутилмоқда

146
ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида

ТОШКЕНТ, 8 авг - Sputnik. Бухоро вилоятидаги яна 7 та маданий мерос объектларини ЮНЕСКОнинг Умумжаҳон мероси рўйхатига киритиш бўйича номзодлик ҳужжатлари тайёрланди, деб хабар бермоқда Маданият вазирлиги матбуот-хизмати.

"Маданият вазирлиги, ЮНЕСКО ишлари бўйича миллий комиссия, Ўзбекистон Фанлар Академияси билан биргаликда Марказий Осиё халқаро тадқиқотлар институтини жалб қилган ҳолда "Ипак йўли: Зарафшон дарёси ва Қайроқум йўналиши" (Ўзбекистон, Тожикистон ва Туркманистон) чегералараро обидалари қаторида Бухоро вилоятида жойлашган Чор-Бакр ва Баҳоуддин Нақшбанд мажмуалари, Вобкент минораси ва Чашмаи Аюб мақбараси архитектура объектлари ҳамда қадимги Пойкент, Варахша ва Вардонзе шаҳар қолдиқларини ЮНЕСКОнинг Умумжахон мероси рўйхатига киритиш бўйича, халқаро мезонларга асосида номзодлик ҳужжатлари тайёрланмоқда", - дейилади хабарда. 

ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида.

Ўзбекистон БМТнинг таълим, фан ва маданият масалалари бўйича ихтисослашган ташкилоти ЮНЕСКОга 1993 йилда аъзо бўлиб, Умумжаҳон маданий ва табиий меросни муҳофаза қилиш тўғрисидаги конвенция 1995 йилнинг 22 декабрида Ўзбекистон томонидан ратификация қилинган.

Конвенция доирасида Хива шаҳридаги "Ичан-қалъа", "Самарқанд – маданиятлар чорраҳаси" объекти, Бухоро ва Шаҳрисабз тарихий марказлари ҳамда Чотқол биосфераси (табиий мерос) Умумжаҳон мероси рўйхатига киритилган.

146
Дни культуры Узбекистана в Таджикистане

Анқара ва Истанбулда Ўзбекистон маданияти кунлари ўтказилади

140
Туркия кенг жамоатчилигини Ўзбекистоннинг бой тарихий ва маданий мероси билан таништириш мақсадида Анқара ва Истанбул шаҳарларида Ўзбекистон маданияти кунларини ўтказиш режалаштирилмоқда.

ТОШКЕНТ, 29 июл — Sputnik. Туркиянинг Анқара ва Истанбул шаҳарларида Ўзбекистон маданияти кунларини ўтказилади. Бу масала Ўзбекистон бош вазирининг ўринбосари - инвестициялар ва ташқи савдо вазири Сардор Умурзаков ва Туркия ташқи ишлар вазири Мевлют Чавушоғлу ўртасидаги учрашувда муҳокама қилинди.

Учрашувда сиёсий-дипломатик, парламентлараро, савдо-иқтисодий, маданий-гуманитар ва хавфсизлик соҳаларидаги икки томонлама шерикликнинг юқори даражаси, шунингдек, икки мамлакат манфаатларига мос келадиган барча йўналишлардаги ҳамкорлик қўлами юқори суръатлар билан ўсиб бораётганлиги таъкидланди.

Шунингдек, Маданий-гуманитар соҳасидаги ҳамкорликни ривожлантиришга алоҳида эътибор қаратилди.

“Туркия кенг жамоатчилигини Ўзбекистоннинг бой тарихий ва маданий мероси билан таништириш мақсадида Анқара ва Истанбул шаҳарларида Ўзбекистон маданияти кунларини ўтказиш режалари муҳокама қилинди”, - дейилган хабарда.

Жорий йилнинг 19-20 февраль кунлари юқори даражада бўлиб ўтган “Ўзбекистон – Туркия” стратегик ҳамкорлик Кенгашининг биринчи йиғилиши мамлакатлараро ҳамкорликнинг ривожланишида бошланган янги босқични ифода этганлиги ҳам таъкидланди.

Иккала давлатнинг умумий манфаатлари ва ташаббусларини илгари суриш мақсадида яқин вақтларда Стратегик режалаштириш гуруҳининг 2-йиғилишини ва икки мамлакат ташқи сиёсий идоралари ўртасида сиёсий маслаҳатлашувларнинг навбатдаги раундини ўтказиш имконияти кўриб чиқилди.

Туркия томонига пандемияга қарши курашда бир неча бор кўрсатган ёрдами учун миннатдорчилик билдирилган.

Эслатиб ўтамиз, аввалроқ Ўзбекистон ва Туркия пандемиянинг таъсирига қарамай, ўзаро савдо ҳажмини қисқа муддатда 5 млрд долларга етказишга келишиб олгани хабар қилинган эди.

140
Дым от лесных пожаров, вызванных аномальной жарой, над Лос-Анджелесом, Калифорния, США

Мега-зилзила яқинлашмоқда. Олимлар Калифорнияни фалокат ҳақида огоҳлантирди

533
(Янгиланган 20:25 14.08.2020)
АҚШ Геологик хизмати мутахассислари Калифорнияда зилзила юз бериши мумкинлиги ва у фалокатга айланиши мумкинлиги ҳақида огоҳлантирди.

ТОШКЕНТ, 14 авг - Sputnik. АҚШ Геологик хизмати мутахассислари Калифорнияда зилзила юз бериши мумкинлиги ва у фалокатга айланиши мумкинлиги ҳақида огоҳлантирди, деб хабар беради "Планета Новости" портали.

ОАВ хабарларига кўра, охирги пайтлари Солтон-Си кўли атрофида 2,6-4,6 балл магнитудали силкинишлар қайд этилган. Хусусан, 10 август душанба куни датчиклар Сан-Андреас ёриғи бўйлаб ўндан ортиқ қисқа муддатли силкинишларни қайд этди.

Ёриғлар чизиғи бўйлаб силкинишлар сўнгги 90 йил ичида тўртинчи марта қайд этилмоқда. Олимларнинг ҳисоб-китобларига кўра, кейинги 30 йил ичида ушбу географик кенгликларда ҳалокатли кучга эга сейсмик ҳодиса вужудга келиш эҳтимоли 20% ни ташкил этади. Геологик хизмат эҳтимолий офат белгиларини кузатишда давом этмоқда.

Аввалроқ Sputnik радиоси вулқоншунос-олим Иван Кулаков яқин келажакда Ерда глобал иқлим ўзгаришига олиб келиши мумкин бўлган вулқоннинг катастрофик отилишини рўй бериши мумкинлигини таъкидлаганини маълум қилган эди.

533