Режиссер, актер и сценарист Рашид Маликов

Рашид Маликов "Оскар"га даъвогар ўзбек "Иссиқ нон"нинг имкониятлари билан ўртоқлашди

327
Sputnik Ўзбекистон билан суҳбатда режиссёр Рашид Маликов ўзининг ёш ҳамкасби Умид Ҳамдамовнинг мазкур кинолентаси юзасидан таасуротлари билан ўртоқлашди.

Ўзбекистон миллий кинокомиссияси томонидан Оскар мукофотининг "Энг яхши халқаро бадиий фильм" номинациясига "Иссиқ нон" бадиий фильми тақдим этилган. Аввалроқ, фильм Россиянинг навбатдаги "Киношок" кинофестивалида Гран-при ҳамда унга басталанган мусиқа ва энг яхши аёл роли учун мукофотларни қўлга киритганди. 

Режиссёр фильм унга ёққани ва умуман олганда, кинодаги умумий ёндашув, ундаги ростгўй, инсонпарварлик руҳида акс эттирилган ғоялар томошабинни мафтун этишини билдирди. Энг асосийси, дейди Маликов, бу фильм замонавий ўзбек воқеликларига ҳаққоний назардир.  

"Умуман олганда, "Иссиқ нон" - ўзбек киноматографияси учун катта ютуқ. Фикримча, унда намойиш қилинган ҳаёт воқеликларига соф, реал қараш томошабинни айниқса жонлантиради. Лента тамоман замонавий кино тилида туширилган. Фильм мавзуси -  молиявий қийинчиликлар орқасидан қулаётган, жамиятнинг бир бўлаги бошидан кечираётган фожеа - замонавий ўзбек қишлоқ ҳаёти учун актуал, бунга шубҳа йўқ. Фильмни, мен ўзбек кинематографияси учун катта жасорат, деб таърифлай оламан”, - дейди Рашид Маликов.

Ушбу фильмнинг "Оскар"ни олишга имкониятлари борасида фикр юритар экан, режиссёр, бундай имконият Ўзбекистон учун, ҳар қандай бошқа номинант учун бўлгани сингари, албатта, бор, дейди.

"Менга қолса, Ўзбекистон учун бу мукофотни қўлга киритишнинг имконияти бор-йўқлиги ҳақида эмас, мамлакатда Оскар қўмитасининг ташкил этилганлигининг ўзи катта ютуқ. Мазкур институционал тузулманинг вужудга келгани муҳим. Чунки бу қўмита бўлмасдан, "Оскар"га даъво қилиш мумкин эмасди", - дея саволга хулоса қилади у.

Фикрининг давомида, "жаҳон кинематографиясидаги тенденцияларга асосланиб шуни айтиш мумкинки, АҚШ киноакадемияси бугунги кунда "Оскар"ни - мейнстримни ёрита олган картиналар билан улашаётганлиги кузатилади. "Иссиқ нон", бу маънода, ўзида мейнстримни мужассам этган пухта ва кам бюджетли фильмдир".

Сўзининг якунида, Рашид Маликов ёш ўзбек режиссёри Умид Ҳамдамовнинг ижод маҳсули "Оскар" шорт-листига кира олишига умид билдириб, унга зафарлар тилаб қолди.

"Оскар"нинг навбатдаги соҳиблари 2020 йил 9 февралда маълум бўлади. Мукофотлаш маросими Лос-Анжелеснинг машҳур Dolby театрида бўлиб ўтади.

327
Съемка достопримечательностей Бухары с высоты птичьего полета

Бухородаги 7та маданий объект ЮНЕСКО умумжаҳон мероси рўйхатини тўлдириши кутилмоқда

145
ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида

ТОШКЕНТ, 8 авг - Sputnik. Бухоро вилоятидаги яна 7 та маданий мерос объектларини ЮНЕСКОнинг Умумжаҳон мероси рўйхатига киритиш бўйича номзодлик ҳужжатлари тайёрланди, деб хабар бермоқда Маданият вазирлиги матбуот-хизмати.

"Маданият вазирлиги, ЮНЕСКО ишлари бўйича миллий комиссия, Ўзбекистон Фанлар Академияси билан биргаликда Марказий Осиё халқаро тадқиқотлар институтини жалб қилган ҳолда "Ипак йўли: Зарафшон дарёси ва Қайроқум йўналиши" (Ўзбекистон, Тожикистон ва Туркманистон) чегералараро обидалари қаторида Бухоро вилоятида жойлашган Чор-Бакр ва Баҳоуддин Нақшбанд мажмуалари, Вобкент минораси ва Чашмаи Аюб мақбараси архитектура объектлари ҳамда қадимги Пойкент, Варахша ва Вардонзе шаҳар қолдиқларини ЮНЕСКОнинг Умумжахон мероси рўйхатига киритиш бўйича, халқаро мезонларга асосида номзодлик ҳужжатлари тайёрланмоқда", - дейилади хабарда. 

ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида.

Ўзбекистон БМТнинг таълим, фан ва маданият масалалари бўйича ихтисослашган ташкилоти ЮНЕСКОга 1993 йилда аъзо бўлиб, Умумжаҳон маданий ва табиий меросни муҳофаза қилиш тўғрисидаги конвенция 1995 йилнинг 22 декабрида Ўзбекистон томонидан ратификация қилинган.

Конвенция доирасида Хива шаҳридаги "Ичан-қалъа", "Самарқанд – маданиятлар чорраҳаси" объекти, Бухоро ва Шаҳрисабз тарихий марказлари ҳамда Чотқол биосфераси (табиий мерос) Умумжаҳон мероси рўйхатига киритилган.

145
Дни культуры Узбекистана в Таджикистане

Анқара ва Истанбулда Ўзбекистон маданияти кунлари ўтказилади

135
Туркия кенг жамоатчилигини Ўзбекистоннинг бой тарихий ва маданий мероси билан таништириш мақсадида Анқара ва Истанбул шаҳарларида Ўзбекистон маданияти кунларини ўтказиш режалаштирилмоқда.

ТОШКЕНТ, 29 июл — Sputnik. Туркиянинг Анқара ва Истанбул шаҳарларида Ўзбекистон маданияти кунларини ўтказилади. Бу масала Ўзбекистон бош вазирининг ўринбосари - инвестициялар ва ташқи савдо вазири Сардор Умурзаков ва Туркия ташқи ишлар вазири Мевлют Чавушоғлу ўртасидаги учрашувда муҳокама қилинди.

Учрашувда сиёсий-дипломатик, парламентлараро, савдо-иқтисодий, маданий-гуманитар ва хавфсизлик соҳаларидаги икки томонлама шерикликнинг юқори даражаси, шунингдек, икки мамлакат манфаатларига мос келадиган барча йўналишлардаги ҳамкорлик қўлами юқори суръатлар билан ўсиб бораётганлиги таъкидланди.

Шунингдек, Маданий-гуманитар соҳасидаги ҳамкорликни ривожлантиришга алоҳида эътибор қаратилди.

“Туркия кенг жамоатчилигини Ўзбекистоннинг бой тарихий ва маданий мероси билан таништириш мақсадида Анқара ва Истанбул шаҳарларида Ўзбекистон маданияти кунларини ўтказиш режалари муҳокама қилинди”, - дейилган хабарда.

Жорий йилнинг 19-20 февраль кунлари юқори даражада бўлиб ўтган “Ўзбекистон – Туркия” стратегик ҳамкорлик Кенгашининг биринчи йиғилиши мамлакатлараро ҳамкорликнинг ривожланишида бошланган янги босқични ифода этганлиги ҳам таъкидланди.

Иккала давлатнинг умумий манфаатлари ва ташаббусларини илгари суриш мақсадида яқин вақтларда Стратегик режалаштириш гуруҳининг 2-йиғилишини ва икки мамлакат ташқи сиёсий идоралари ўртасида сиёсий маслаҳатлашувларнинг навбатдаги раундини ўтказиш имконияти кўриб чиқилди.

Туркия томонига пандемияга қарши курашда бир неча бор кўрсатган ёрдами учун миннатдорчилик билдирилган.

Эслатиб ўтамиз, аввалроқ Ўзбекистон ва Туркия пандемиянинг таъсирига қарамай, ўзаро савдо ҳажмини қисқа муддатда 5 млрд долларга етказишга келишиб олгани хабар қилинган эди.

135
Сборная Узбекистана по футболу

Ўзбекистон МТЖнинг ЖЧ-2022 саралаш ўйинлари қолдирилди

4
Коронавирус пандемияси билан боғлиқ мураккаб вазият туфайли 2020 йил якунига қадар миллий жамоалар иштирокида расмий ўйинлар ўтказмасликка қарор қилинган.

ТОШКЕНТ, 13 авг — Sputnik. ОФК ва ФИФА ўзаро келишган ҳолда Жаҳон чемпионати-2022 ва Осиё кубоги-2023 қўшма саралаш баҳслари доирасидаги октябрь ва ноябрь ойидаги ўйинларни 2021 йилга қолдирилди. Бу ҳақда ОФК расмий сайтида хабар қилинди.

Кузда Ўзбекистон миллий жамоаси ЖЧ-2022 ва Осиё кубоги-2023 га қўшма саралашидан ўрин олган бир қатор учрашувларда майдонга тушиши режалаштирилган эди. Хусусан, ЖЧ-2022 саралашининг 2-босқичида 13 октябрь куни сафарда Яман билан, 12 ноябрь куни ўз майдонида Сингапур билан, 17 ноябрь куни сафарда Саудия Арабистонига қарши баҳс юритиши лозим эди.

Хабарда ёзилишича, коронавирус пандемияси билан боғлиқ мураккаб вазият туфайли 2020 йил якунига қадар миллий жамоалар иштирокида расмий ўйинлар ўтказмасликка қарор қилинган. Шу тариқа Жаҳон чемпионати саралаш ўйинларининг барчаси 2021 йилга қолдирилди.

Ҳозирча саралаш ўйинларининг янги санаси ҳақида маълумот берилмаган.

4