Узбекистан сможет выдвигать фильмы на премию Оскар

“Оскар” мукофотига даъвогарларнинг лонг-листи эълон қилинди

127
(Янгиланган 12:47 08.10.2019)
93 давлатдан талабнома келиб тушган бўлиб, улар қаторида ўзбекистонлик режиссёр Ҳамдамовнинг “Иссиқ нон” фильми ҳам жой топган.

ТОШКЕНТ, 8 окт – Sputnik. “Энг яхши хорижий фильм” номинациясида “Оскар”га даъвогарлар лонг-листи аниқланди.

Умумий ҳисобда 93 давлатдан талабнома келиб тушган бўлиб, уларнинг орасида илк бор Ўзбекистон, Гана ва Нигерия қатнашмоқда. 

Россиялик режиссёр Кантемир Балаговнинг “Дылда” (Новча) фильми ҳам рўйхатда ўрин эгаллаган.

Рашид Маликов "Оскар"га даъвогар ўзбек "Иссиқ нон"нинг имкониятлари билан ўртоқлашди

Киноакадемия қоидаларига кўра, кинотасма АҚШдан ташқарида тасвирга туширилган ва ундаги қаҳрамонлар ўртасидаги мулоқотлар инглиз тилидан бошқа тилда олиб борилиши, фильмнинг давомийлиги 40 дақиқадан ошмаслиги керак.

Илгари ушбу номинация “Хорижий тилдаги энг яхши фильм” деб номланган. Бу йилдан янги ном билан эълон қилинган.

“Иссиқ нон” Оскар танловига юборилади

Эслатиб ўтамиз, “Оскар”га Ўзбекистондан ёш кинорежиссёр Умид Ҳамдамовнинг “Иссиқ нон” фильми даъво қилмоқда. Кинотасма Россиянинг “Киношок” XXVIII Очиқ фестивалида Гран-прини қўлга киритган эди. Унда бош ролни ижро этган Феруза Саидова “Энг яхши аёл роли учун” совринига эга бўлганди.

127
Съемка достопримечательностей Бухары с высоты птичьего полета

Бухородаги 7та маданий объект ЮНЕСКО умумжаҳон мероси рўйхатини тўлдириши кутилмоқда

145
ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида

ТОШКЕНТ, 8 авг - Sputnik. Бухоро вилоятидаги яна 7 та маданий мерос объектларини ЮНЕСКОнинг Умумжаҳон мероси рўйхатига киритиш бўйича номзодлик ҳужжатлари тайёрланди, деб хабар бермоқда Маданият вазирлиги матбуот-хизмати.

"Маданият вазирлиги, ЮНЕСКО ишлари бўйича миллий комиссия, Ўзбекистон Фанлар Академияси билан биргаликда Марказий Осиё халқаро тадқиқотлар институтини жалб қилган ҳолда "Ипак йўли: Зарафшон дарёси ва Қайроқум йўналиши" (Ўзбекистон, Тожикистон ва Туркманистон) чегералараро обидалари қаторида Бухоро вилоятида жойлашган Чор-Бакр ва Баҳоуддин Нақшбанд мажмуалари, Вобкент минораси ва Чашмаи Аюб мақбараси архитектура объектлари ҳамда қадимги Пойкент, Варахша ва Вардонзе шаҳар қолдиқларини ЮНЕСКОнинг Умумжахон мероси рўйхатига киритиш бўйича, халқаро мезонларга асосида номзодлик ҳужжатлари тайёрланмоқда", - дейилади хабарда. 

ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида.

Ўзбекистон БМТнинг таълим, фан ва маданият масалалари бўйича ихтисослашган ташкилоти ЮНЕСКОга 1993 йилда аъзо бўлиб, Умумжаҳон маданий ва табиий меросни муҳофаза қилиш тўғрисидаги конвенция 1995 йилнинг 22 декабрида Ўзбекистон томонидан ратификация қилинган.

Конвенция доирасида Хива шаҳридаги "Ичан-қалъа", "Самарқанд – маданиятлар чорраҳаси" объекти, Бухоро ва Шаҳрисабз тарихий марказлари ҳамда Чотқол биосфераси (табиий мерос) Умумжаҳон мероси рўйхатига киритилган.

145
Дни культуры Узбекистана в Таджикистане

Анқара ва Истанбулда Ўзбекистон маданияти кунлари ўтказилади

135
Туркия кенг жамоатчилигини Ўзбекистоннинг бой тарихий ва маданий мероси билан таништириш мақсадида Анқара ва Истанбул шаҳарларида Ўзбекистон маданияти кунларини ўтказиш режалаштирилмоқда.

ТОШКЕНТ, 29 июл — Sputnik. Туркиянинг Анқара ва Истанбул шаҳарларида Ўзбекистон маданияти кунларини ўтказилади. Бу масала Ўзбекистон бош вазирининг ўринбосари - инвестициялар ва ташқи савдо вазири Сардор Умурзаков ва Туркия ташқи ишлар вазири Мевлют Чавушоғлу ўртасидаги учрашувда муҳокама қилинди.

Учрашувда сиёсий-дипломатик, парламентлараро, савдо-иқтисодий, маданий-гуманитар ва хавфсизлик соҳаларидаги икки томонлама шерикликнинг юқори даражаси, шунингдек, икки мамлакат манфаатларига мос келадиган барча йўналишлардаги ҳамкорлик қўлами юқори суръатлар билан ўсиб бораётганлиги таъкидланди.

Шунингдек, Маданий-гуманитар соҳасидаги ҳамкорликни ривожлантиришга алоҳида эътибор қаратилди.

“Туркия кенг жамоатчилигини Ўзбекистоннинг бой тарихий ва маданий мероси билан таништириш мақсадида Анқара ва Истанбул шаҳарларида Ўзбекистон маданияти кунларини ўтказиш режалари муҳокама қилинди”, - дейилган хабарда.

Жорий йилнинг 19-20 февраль кунлари юқори даражада бўлиб ўтган “Ўзбекистон – Туркия” стратегик ҳамкорлик Кенгашининг биринчи йиғилиши мамлакатлараро ҳамкорликнинг ривожланишида бошланган янги босқични ифода этганлиги ҳам таъкидланди.

Иккала давлатнинг умумий манфаатлари ва ташаббусларини илгари суриш мақсадида яқин вақтларда Стратегик режалаштириш гуруҳининг 2-йиғилишини ва икки мамлакат ташқи сиёсий идоралари ўртасида сиёсий маслаҳатлашувларнинг навбатдаги раундини ўтказиш имконияти кўриб чиқилди.

Туркия томонига пандемияга қарши курашда бир неча бор кўрсатган ёрдами учун миннатдорчилик билдирилган.

Эслатиб ўтамиз, аввалроқ Ўзбекистон ва Туркия пандемиянинг таъсирига қарамай, ўзаро савдо ҳажмини қисқа муддатда 5 млрд долларга етказишга келишиб олгани хабар қилинган эди.

135

Лукашенко Познернинг қайси луқмасига "маънодор қараш" қилган эди

16
(Янгиланган 11:19 13.08.2020)
Познернинг сўзларига кўра, воқеа 20 нафар россиялик журналистларнинг Беларус етакчиси билан учрашуви вақтида рўй берган.

ТОШКЕНТ, 13 авг – Sputnik. Телебошловчи Владимир Познер 25 йил муқаддам Александр Лукашенко номига ўзи томонидан айтилган ноаниқ жумла ва унга Беларус президентининг муносабати ҳақида ҳикоя қилди.

Тегишли ролик унинг "Познер Online" сайтидаги шахсий колонкасида жойланган.

Познернинг сўзларига кўра, воқеа Борис Березовский томонидан ташкиллаштирилган, 20 нафар россиялик журналистларнинг Беларус етакчиси билан учрашуви вақтида рўй берган.

Кечки тановвул вақтида меҳмонларга "самимий меҳмондорчилик" эвазига миннатдорлик рамзи сифатида қадаҳ сўз айтиш таклиф қилинган.

"Ўша вақтда, навбат менга етиб келганида, нима деганимни яхши эслайман: "Онам мени кимнингдир нонини синдираётганингда, у одам ҳақида ёки яхши, ёки ҳеч нарса айтмаслик керак, дея ўргатганлар. Шу боис, Александр Григорьевич, мен сукут сақлайман". Шу гапни айтдим ва жойимга ўтирдим", - дея ҳикоя қилади у.

Телебошловчининг айтишича, бунга жавобан Лукашенко ҳеч бир сўз айтмасдан "фақат маънодор қараш қилган" қилган, Березовский эса ундан фарқли ўлароқ жуда аччиқланган ва айтилган гапларни юмшатишга уринган.

16