Картины в музее им. Савицкого в Нукусе

Савицкий музейи директори зиён етказилган дурдона асар тақдири хусусида сўзлади

269
(Янгиланган 12:36 28.10.2019)
И.В.Савицкий номидаги Нукус музейида сақланиб келинган авангард-рассом Александр Шевченко қаламига мансуб “Баба с ведрами” асари зарар кўрган эди. Расмнинг келгуси йил доимий кўргазма сафига қайтарилиши кутилмоқда.

ТОШКЕНТ, 25 окт — Sputnik, Мария Науменко. И.В. Савицкий номидаги Қорақалпоғистон давлат санъат музейи директори Гулбаҳор Изентаева Шевченконинг машҳур дурдона асари устида олиб борилаётган реставрация ишлари қандай кечаётгани ҳамда кўргазма мажмуаси ёнғинга қарши тизими модернизацияси қачонга режалаштирилгани хусусида сўзлади.

Ёнғинни ўчириш тизимининг фавқулодда ишлаб кетганлиги натижасида "Баба с ведрами" асарига зиён етказилган ва у ҳали-хануз консервацияда сақланмоқда, аммо келаси йил асар музей залларида кўргазмага қўйилиши режалаштирилган.

"Баба с ведрами" асари ҳозирда реставрацияда сақланяпти. Москвадан эксперт Надежда Кошкина келиб асарни консервациялаб кетган эди. Кошкинанинг йил охирига қадар келишини кутяпмиз. Ҳозирда у ишлайдиган Грабарь номидаги марказ директори номига хат йўллаганмиз", - дейди Изентаева.

Унинг сўзларига кўра, энг муҳим жараён - бўёқ қатламининг суратда мустаҳкамлаб олиниши аллақачон амалга оширилган ва асарга қўшимча тус бериш, яъни "пардозлаш" қолган, холос.

"Жамоатчилик ушбу шоҳ асарни келгуси йилда яна томоша қилишидан жуда умидвормиз. Суратни яна музей экспозициясига қўйишни мақсад қилиб олганмиз", - қўшимча қилди музей директори.

Музейнинг ёнғинга қарши тизими модернизацияси ҳақида сўз юритар экан, Изентаева бу мураккаб ва кўп маблағ талаб қиладиган иш эканлигига эътибор қаратди. Ёнғинни ўчиришда қўлланилаётган сув асосидаги тизимни газ тизимига ўтказиш учун маблағ керак. Республика Маданият вазирлиги орқали Молия вазирлигига тегишли мурожаат юборилган. Молия вазирлиги молиялаштириш масаласини ҳал қилади.

И.В.Савицкий номидаги музейни "Саҳродаги Лувр" деб ҳам аташади. Кўргазмада XX аср биринчи ярмидаги авангард-рассомларнинг дурдона асарлари жамланган.

Картина Баба с ведрами художника Александра Шевченко
"Баба с ведрами" асари. Рассом Александр Шевченко. 1914 йил.

Эслатиб ўтамиз, 2018 йил июль ойида Савицкий музейида ўт ўчириш тизимининг нотўғри ишлаб кетиши оқибатида жиддий зарар кўрган асарнинг бугунги кундаги ўртача нархи қарийб 1,5 млн АҚШ долларга баҳоланган.

269
Лола Юлдашева беременна третьим ребенком - фото

Ширингина қизалоқ: хонанда Лола Йўлдошева учинчи бор она бўлди

385
(Янгиланган 16:09 07.07.2020)
Хонанданинг мухлислари ушбу ажойиб хушхабардан сўнг табрикларни ёғдира бошлаганлар. Аксарияти жажжигина қизалоққа бахт ва соғлик тилашмоқда

ТОШКЕНТ, 7 июл - Sputnik. Хонанда Лола Йўлдошева учинчи бор она бўлди. Хонанда қиз фарзандни дунёга келтирди. Бу ҳақда Лола Йўлдошева ўзининг инстаграмида маълум қилган.

Посмотреть эту публикацию в Instagram

Публикация от Lola Yuldasheva (@lolaofficial_)

"Қизалоғим..., бизнинг дунёмизга хуш келибсан. Бизнинг бебаҳо хазинамиз✨ бизнинг бахтимиз, биз сени жуда ҳам яхши кўрамиз. Даданг билан ҳамиша ёнингда бўламиз", - деб ёзган хонанда янги туғилган чақалоқ оёқчалари акс этган суратга қолдирган изоҳида.

Хонанданинг мухлислари ушбу ажойиб хушхабардан сўнг табрикларни ёғдира бошлаганлар.

Аксарият тилакларда янги меҳмонга бахт ва соғлик тиланган.

Ушбу хушхабар ҳозиргача 30 мингдан ортиқ лайк тўплаган. Икки мингдан ортиқ изоҳлар қолдирилган.

385
Во время съемок фильма

Аюб Шаҳобиддиновнинг фильми икки халқаро кинофестивалда иштирок этади

96
Аюб Шаҳобиддинов суратга олган “Рангсиз тушлар” драмаси Қозон ва Ереван шаҳарларидаги халқаро кинофестивалда иштирок этади.

ТОШКЕНТ, 6 июл — Sputnik. Аюб Шаҳобиддинов суратга олган “Рангсиз тушлар” драмаси “XVI Қозон мусулмон кинофильмлари халқаро фестивали” ва Ереваннинг "Fresco" маънавий-ахлоқий фильмлар халқаро кинофестивалининг асосий танлов дастурларига киритилди. Бу ҳақда “Ўзбеккино” матбуот хизмати хабар қилмоқда.

Аюб Шаҳобиддинов. 2013 йилда “Паризод” фильми билан Қозон мусулмон кинофильмлари халқаро фестивалининг асосий танловида иштирок этгани ва кинофестивал ундада яхши таассуротларни қолдирганини таъкидлаган.

“Fresco” кинофестивали эса мен учун янги тажриба. Пандемия туфайли кўплаб кинофестиваллар бекор қилинди, аммо Ереван кинофестивали тўлиқ ташкил этилаётган бўлиб, томошабинлар ёзги кинотеатрлар экранларида фильмларни томоша қилиш имкониятига эга бўладилар”, – деди режиссёр.

“Рангсиз тушлар” фильмида инсон ўз “мен”ини ҳар қандай шароитда: қамоқхона деворларида, жамиятда ёки оилада ўзгартиришининг бир неча муҳим жиҳатлари илгари сурилган.

Фильм Бесцветные сны Аюба Шахобиддинова
Пресс-служба "Узбеккино"
Фильм "Бесцветные сны" Аюба Шахобиддинова

Кўп йиллик қамоқдан сўнг ўз қадрдон гўшасига қайтган фильм бош қаҳрамони Кашмира аста-секин оиласида, жамиятда ўз ўрнини топиш ҳуқуқига эга эканлигини исботлаши керак эди. Бунда у фақат қатъият ва ирода туфайли кучли шахсга айланиши мумкинлиги англаб етади. Фильмда жамиятда жазо муддатини ўтаб келган шахсларга нисбатан ноўрин муносабатнинг шаклланиши, “одамлар нима дейди” каби қарашлар ортидан пайдо бўладиган ижтимоий муаммолар кўтарилган.

Фильмда бош қаҳрамон ролини Феруза Саидова ижро этган. Шунингдек, киноасарда Карим Мирҳодиев, Шоҳида Исмоилова, Бекзод Абдумуҳитов ва Анвар Назаровлар суратга тушган. Сценарий муаллифи  Умид Ҳамдамов

Қозон мусулмон кинофильмлари халқаро фестивали Татаристон пойтахтида 2005 йилдан буён ўтказиб келинмоқда. Фестивалнинг таъсисчилари – Татаристон Маданият вазирлиги, Қозон шаҳри маъмурияти, Россия Муфтийлар кенгашидир.

“Fresco” бу Ереванда ҳар йили ўтказиладиган кинофестивалдир. Унинг асосий мақсади маданий мулоқот орқали инсонпарварлик қадриятлари, муҳаббат ва бағрикенглик фазилатларини янада мустаҳкамлашдан иборат.

96
Футбол

“Бунёдкор” клуби футболчиси коронавирус юқтириб олганликда гумон қилинмоқда

103
“Бухоро” — “Бунёдкор” учрашуви номаълум муддатга қолдирилди. “Бунёдкор” клуби футболчиларидан бири вирус юқтириб олганликда гумон қилинмоқда.

ТОШКЕНТ, 12 июл — Sputnik. Coca-Cola Суперлига 9-туридан ўрин олган “Бухоро” — “Бунёдкор” учрашуви номаълум муддатга қолдирилди. Бу ҳақда Профессионал футбол Лигаси (ПФЛ) расмий сайти хабар қилмоқда.

“Бунёдкор” клуби футболчиларидан бири вирус юқтириб олганликда гумон қилинмоқда. Шундан келиб чиқиб, футболчи алоҳида изоляцияга олинган”, - дейилган хабарда.

Қайд этилишича, “Бунёдкор” базаси дезинфекция қилинади ва жамоа аъзолари текширувдан ўтади. Ҳаммаси жойида бўлган тақдирда, футболчилар шифокорлар назорати остида машғулотларни давом эттиришга рухсат этилади.

Шунингдек, “Бунёдкор” билан 7 июль куни баҳс олиб борган “Навбаҳор” футболчилари ҳам текширувдан ўтказилади. Таъкидланишича, ҳозирда “Навбаҳор”нинг барча футболчилари ўзини яхши ҳис қилмоқда.

“Бухоро” — “Бунёдкор” учрашуви 14 июль куни бўлиб ўтиши режалаштирилган эди.

Ўзбекистонда коронавирус билан боғлиқ 12 855 та ҳолат аниқланган. Шулардан 7723 нафари тузалиб кетган. Вирус қурбонлари сони 59 нафарга етган.

103
Теглар:
коронавирус, футбол