Максим Фадеев

Наргиз билан жанжалдан сўнг Фадеев барча артистлар билан шартномаларни бекор қилди

293
Продюсер сўзларига кўра, лейбл шундан ҳажмгача ўсган-ки, бугун уни назорат қилишнинг имкони йўқ. Шу сабаб ҳам ушбу қарор қабул қилинган.

ТОШКЕНТ, 31 окт - Sputnik. Юрак хуружи ҳақидаги миш-мишлар ва Наргиз билан юз берган можаро ҳақидаги хабарлардан сўнг, Максим Фадеев барча артистлар билан шартномаларни бекор вилди, у бу ҳақда видеомурожаатида маълум қилган.

MALFA продюсерлик маркази артистларга уларнинг контентидан фойдаланиш имконини қолдирди. Шунингдек, эндиликда компания эксклюзив материаллар яратишга ихтисослашиши маълум қилинган.

"Мен, мана 30 йилдирки MALFA компаниясини узлуксиз бошқариб келмоқдаман. Мен бу баёнотни қай тарзда оммага етказишни очиғи билмай тургандим, чунки жуда кўп миш-мишлар юрибди. Шунга ишончим комилки, бутун шоу-бизнес нималар рўй бераётганидан хабардор, аммо мухлислар бу ҳақда билишни исташмоқда. Мен сизларга нималар бўлаётганини шахсан ўзим айтмоқчиман. MALFA компанияси лейблдаги барча артистлар билан шартномаларни бекор қилди. Шу билан бирга биз барча контентларни муаллифлик ҳуқуқлари сақланиб қолиниши шарти билан артистларга текинга фойдаланишга бердик", - деди Фадеев ўзининг видеомурожаатида.

У шунингдек, компания ташкил топганидан буён биринчи маротаба бу каби глобал ўзгаришларни бошдан кечирмоқда. Продюсернинг сўзларига кўра, лейбл шундай ҳажмда катталашиб кетганки, уни назорат қилишнинг имкони қолмаган, шу боис ҳам бундай қарор қабул қилинган.

"Эндиликда олдинга ҳаракатланамиз. Бу ўзгаришларга сабаб бўлган маҳсулотни сизга тақдим этишга аҳд қилганмиз. У мутлақо эксклюзив, жуда қиммат компания бўлади, масс-маркет эмас. Биз энди бозорга кўп артистларни таклиф эта олмаймиз, йилига бир ёки икки арстистни тақдим қилишимиз мумкин. Эътиборимизни янада яхшироқ жамлаб, энг яхши маҳсулотни тақдим этамиз", - деб таъкидлаган Фадеев.

Максим Фадеевнинг MALFA компанияси Molly, "Серебро" гуруҳи, Tereza, Исайя ва бир қатор бошқа мусиқачилар билан ҳамкорлик қилган.

Эслатиб ўтамиз, бир неча кун олдин Интернет тармоғида Максим Фадеевнинг юраги хуруж қилгани ҳақида хабар тарқалган, аммо артист директори буни рад этган эди.

293
Лола Юлдашева беременна третьим ребенком - фото

Ширингина қизалоқ: хонанда Лола Йўлдошева учинчи бор она бўлди

385
(Янгиланган 16:09 07.07.2020)
Хонанданинг мухлислари ушбу ажойиб хушхабардан сўнг табрикларни ёғдира бошлаганлар. Аксарияти жажжигина қизалоққа бахт ва соғлик тилашмоқда

ТОШКЕНТ, 7 июл - Sputnik. Хонанда Лола Йўлдошева учинчи бор она бўлди. Хонанда қиз фарзандни дунёга келтирди. Бу ҳақда Лола Йўлдошева ўзининг инстаграмида маълум қилган.

Посмотреть эту публикацию в Instagram

Публикация от Lola Yuldasheva (@lolaofficial_)

"Қизалоғим..., бизнинг дунёмизга хуш келибсан. Бизнинг бебаҳо хазинамиз✨ бизнинг бахтимиз, биз сени жуда ҳам яхши кўрамиз. Даданг билан ҳамиша ёнингда бўламиз", - деб ёзган хонанда янги туғилган чақалоқ оёқчалари акс этган суратга қолдирган изоҳида.

Хонанданинг мухлислари ушбу ажойиб хушхабардан сўнг табрикларни ёғдира бошлаганлар.

Аксарият тилакларда янги меҳмонга бахт ва соғлик тиланган.

Ушбу хушхабар ҳозиргача 30 мингдан ортиқ лайк тўплаган. Икки мингдан ортиқ изоҳлар қолдирилган.

385
Во время съемок фильма

Аюб Шаҳобиддиновнинг фильми икки халқаро кинофестивалда иштирок этади

96
Аюб Шаҳобиддинов суратга олган “Рангсиз тушлар” драмаси Қозон ва Ереван шаҳарларидаги халқаро кинофестивалда иштирок этади.

ТОШКЕНТ, 6 июл — Sputnik. Аюб Шаҳобиддинов суратга олган “Рангсиз тушлар” драмаси “XVI Қозон мусулмон кинофильмлари халқаро фестивали” ва Ереваннинг "Fresco" маънавий-ахлоқий фильмлар халқаро кинофестивалининг асосий танлов дастурларига киритилди. Бу ҳақда “Ўзбеккино” матбуот хизмати хабар қилмоқда.

Аюб Шаҳобиддинов. 2013 йилда “Паризод” фильми билан Қозон мусулмон кинофильмлари халқаро фестивалининг асосий танловида иштирок этгани ва кинофестивал ундада яхши таассуротларни қолдирганини таъкидлаган.

“Fresco” кинофестивали эса мен учун янги тажриба. Пандемия туфайли кўплаб кинофестиваллар бекор қилинди, аммо Ереван кинофестивали тўлиқ ташкил этилаётган бўлиб, томошабинлар ёзги кинотеатрлар экранларида фильмларни томоша қилиш имкониятига эга бўладилар”, – деди режиссёр.

“Рангсиз тушлар” фильмида инсон ўз “мен”ини ҳар қандай шароитда: қамоқхона деворларида, жамиятда ёки оилада ўзгартиришининг бир неча муҳим жиҳатлари илгари сурилган.

Фильм Бесцветные сны Аюба Шахобиддинова
Пресс-служба "Узбеккино"
Фильм "Бесцветные сны" Аюба Шахобиддинова

Кўп йиллик қамоқдан сўнг ўз қадрдон гўшасига қайтган фильм бош қаҳрамони Кашмира аста-секин оиласида, жамиятда ўз ўрнини топиш ҳуқуқига эга эканлигини исботлаши керак эди. Бунда у фақат қатъият ва ирода туфайли кучли шахсга айланиши мумкинлиги англаб етади. Фильмда жамиятда жазо муддатини ўтаб келган шахсларга нисбатан ноўрин муносабатнинг шаклланиши, “одамлар нима дейди” каби қарашлар ортидан пайдо бўладиган ижтимоий муаммолар кўтарилган.

Фильмда бош қаҳрамон ролини Феруза Саидова ижро этган. Шунингдек, киноасарда Карим Мирҳодиев, Шоҳида Исмоилова, Бекзод Абдумуҳитов ва Анвар Назаровлар суратга тушган. Сценарий муаллифи  Умид Ҳамдамов

Қозон мусулмон кинофильмлари халқаро фестивали Татаристон пойтахтида 2005 йилдан буён ўтказиб келинмоқда. Фестивалнинг таъсисчилари – Татаристон Маданият вазирлиги, Қозон шаҳри маъмурияти, Россия Муфтийлар кенгашидир.

“Fresco” бу Ереванда ҳар йили ўтказиладиган кинофестивалдир. Унинг асосий мақсади маданий мулоқот орқали инсонпарварлик қадриятлари, муҳаббат ва бағрикенглик фазилатларини янада мустаҳкамлашдан иборат.

96
Футбол

“Бунёдкор” клуби футболчиси коронавирус юқтириб олганликда гумон қилинмоқда

86
“Бухоро” — “Бунёдкор” учрашуви номаълум муддатга қолдирилди. “Бунёдкор” клуби футболчиларидан бири вирус юқтириб олганликда гумон қилинмоқда.

ТОШКЕНТ, 12 июл — Sputnik. Coca-Cola Суперлига 9-туридан ўрин олган “Бухоро” — “Бунёдкор” учрашуви номаълум муддатга қолдирилди. Бу ҳақда Профессионал футбол Лигаси (ПФЛ) расмий сайти хабар қилмоқда.

“Бунёдкор” клуби футболчиларидан бири вирус юқтириб олганликда гумон қилинмоқда. Шундан келиб чиқиб, футболчи алоҳида изоляцияга олинган”, - дейилган хабарда.

Қайд этилишича, “Бунёдкор” базаси дезинфекция қилинади ва жамоа аъзолари текширувдан ўтади. Ҳаммаси жойида бўлган тақдирда, футболчилар шифокорлар назорати остида машғулотларни давом эттиришга рухсат этилади.

Шунингдек, “Бунёдкор” билан 7 июль куни баҳс олиб борган “Навбаҳор” футболчилари ҳам текширувдан ўтказилади. Таъкидланишича, ҳозирда “Навбаҳор”нинг барча футболчилари ўзини яхши ҳис қилмоқда.

“Бухоро” — “Бунёдкор” учрашуви 14 июль куни бўлиб ўтиши режалаштирилган эди.

Ўзбекистонда коронавирус билан боғлиқ 12 855 та ҳолат аниқланган. Шулардан 7723 нафари тузалиб кетган. Вирус қурбонлари сони 59 нафарга етган.

86
Теглар:
коронавирус, футбол