TOShKENT, 18 okt — Sputnik. Pekinda Xitoy va Qirg‘iziston Tashqi ishlar vazirligi vakillari uchrashuvi bo‘lib o‘tdi, deb xabar qilmoqda Sputnik Qirg‘iziston.
Uchrashuvda mamlakatlar orasida savdo-iqtisodiy munosabatlarni rivojlantirishga alohida e’tibor berildi, xususan tomonlar “Xitoy – Qirg‘iziston – O‘zbekiston” yo‘nalishida temiryo‘l qurish loyihasini muhokama qilishdi.
Shuningdek, Xitoyda mavjud bo‘lgan ortiqcha ishlab chiqarish quvvatini Qirg‘iziston hududiga ko‘chirish va xitoylik quruvchilarning Bishkek shahar ko‘chalarini rivojlantirish loyihalarida qatnashish masalalari ham ko‘rib chiqildi.
Qirg‘iziston delegatsiyasini Tashqi ishlar vaziri birinchi o‘rinbosari Dinara Kemelova, Xitoy delgatsiyasiga esa – Tashqi ishlar vaziri o‘rinbosari Li Xueylay boshchilik qildi.
Uchrashuvning asosiy maqsadi — Xitoyda ta’lim olayotgan Qirg‘izistonlik talabalarga viza berish masalasi bo‘ldi. Eslatib o‘tamiz, sentabr oyida Bishkekdagi Xitoy elchixonasi yonida kuchli portlash yuz bergan va elchixona binosi zarar ko‘rgan edi. Shundan keyin XXR elchixonasi viza berish jarayonini vaqtincha to‘xtatib qo‘yigan edi.
