TOShKENT, 25 apr – Sputnik. Toshkentga 23-aprel kuni Rossiya Federal g‘aznachiligi delegatsiyasi keldi, deb xabar qilmoqda muassasa matbuot xizmati.
Aleksandr Mixaylik boshchiligidagi Rossiya Federal g‘aznachiligi delegatsiyasi Toshkentda o‘zbekistonlik hamkasabalari bilan g‘aznachilik tizimining samaradorligini oshirish, zamonaviylashtirish, budjetni bajarish mexanizmlari hamda Rossiya g‘aznachiligi va O‘zbekiston Moliya vazirligi orasida hamkorlikni yo‘lga qo‘yish masalalarini muhokama qilishdi.
O‘zbekiston moliya vaziri o‘rinbosari, O‘zbekiston G‘aznachiligi boshlig‘i D.N. Sattarov ikki mamlakat orasida hamkorlikning muhim ekanligini qayd etdi.
Mehmonlar Rossiyada g‘aznachilik tizimining rivojlanishi hamda ushbu tizimning davlat budjetini to‘ldirishdagi muhim roli haqida so‘zlab berishdi.
Shuningdek, g‘aznachilik mutaxassislari o‘zbekistonlik hamkasabalari bilan davlat daromadi rejasini tuzish va prognoz qilish, g‘aznachilik tizimini daromad yig‘ish jarayonini boshqaruvchilari bilan integratsiya qilish masalalarini muhokama qilshdi.
