O‘zbekistonning yirik soliq to‘lovchilari ro‘yxati e’lon qilindi

Obuna bo‘lish
Ushbu ro‘yxatdan respublikaning barcha hududlarida faoliyat yuritayotgan 1416 ta xo‘jalik subyekti joy olgan.

TOShKENT, 6 avg – Sputnik. O‘zbekistonning yirik soliq to‘lovchilari ro‘yxati e’lon qilindi. Bu haqda DSQ matbuot xizmati xabar qildi.

Bexzod Musayev glava GNK - Sputnik O‘zbekiston
Soliq yuki kamaytirilsa ham budjetga tushumlar 1,5 baravar oshdi

Ushbu ro‘yxatdan respublikaning barcha hududlarida faoliyat yuritayotgan 1416 ta xo‘jalik subyekti joy olgan.

O‘zbekiston Respublikasi Adliya vazirligida 2019-yil 12-iyulda 3172-son bilan ro‘yxatga olingan “Yuridik shaxslarni yirik soliq to‘lovchi sifatida tasniflash mezonlarini aniqlash to‘g‘risida”gi Nizomning 4-bandiga muvofiq, yirik soliq to‘lovchilar toifasiga quyidagilar kiradi:

a) aksiz solig‘iga tortiladigan tovarlarni ishlab chiqaruvchi korxonalar;

b) tijorat banklari va ularning filiallari, tovar-xom ashyo, fond va valyuta birjalari;

v) “Navoiy KMK” DK, “Olmaliq KMK” AJ va ularning tarkibiga kiruvchi tashkilotlar;

g) mahsulot taqsimotiga oid bitim bo‘yicha ishlarni bajarishda ishtirok etayotgan tashkilotlar;

d) yil yakuni bo‘yicha mahsulotlarni (tovarlar, ishlar va xizmatlar) sotishdan olingan sof tushumi 100 mlrd so‘mdan yuqori bo‘lgan yuridik shaxslar.

Yirik soliq to‘lovchilar toifasini aniqlashda, yuqoridagi Nizomning 4-bandining “d” kichik bandida ko‘rsatilgan mezonlar o‘tgan kalendar yil yakunlari bo‘yicha yuridik shaxslar tomonidan soliq organlariga taqdim etilgan soliq va moliyaviy hisobotlarining ko‘rsatkichlari asosida belgilanadi.

Quyida yirik soliq to‘lovchilarning to‘liq ro‘yxati bilan tanishish mumkin.

Yangiliklar lentasi
0