TOShKENT, 21 avg - Sputnik. Iyul oyidan buyon tinimsiz pasayib kelayotgan O‘zbekiston so‘mi ilk bor pasayishni to‘xtatib biroz o‘sishi kuzatildi.
21 avgust kuni milliy valyuta AQSh dollarga nisbatan 5 so‘mga ko‘tarildi. Bu haqida Respublika valyuta birjasi ma’lumotlarida qayd etilgan.
Eslatib o‘tamiz, O‘zbekiston Markaziy banki 20-avgustdan boshlab Respublikada naqd valyuta ayirboshlashni va valyuta kurslarini belgilashni erkinlashtirgan edi. Shundan so‘ng dollar va yevro narxlari 300 so‘mdan ortiq o‘sishi kuzatilgan edi. Bugun bo‘lsa ayrim tijorat banklarida dollar kursi biro tushishi kuzatilmoqda.
