TOShKENT, 12 sen - Sputnik. O‘zbekistonda QQS stavkasi 15 foizgacha tushirilishi mumkin.
Moliya vazirligi xabarida qayd etilishicha, videoselektor yig‘ilishida Shavkat Mirziyoyev tadbirkorlik subektlarini yanada qo‘llab-quvvatlash maqsadida Moliya vazirligiga qo‘shilgan qiymat solig‘i stavkasini amaldagi 20 foizdan 15 foizgacha tushirish to‘g‘risidagi prezident qarori loyihasini kiritish bo‘yicha topshiriq bergan.
Dastlabki hisob-kitoblarga ko‘ra, QQS stavkasini 5 foizga kamaytirish Davlat budjetiga tushumlarni taxminan yiliga 10 trln. so‘mga yoki Yalpi ichki mahsulotga nisbatan 2 foizga kamayishiga olib keladi.
Soliq yuki kamaytirilsa ham budjetga tushumlar 1,5 baravar oshdi
Eslatib o‘tamiz, avvalroq Shavkat Mirziyoyev boshchiligida kichik biznes va xususiy tadbirkorlikni yanada rivojlantirish, ularning faoliyati samaradorligini oshirish, shuningdek, Davlat budjetiga tushumlarni kafolatli ta’minlash masalalariga bag‘ishlangan videoselektor yig‘ilishi bo‘lib o‘tgani xabar qilingan edi. Moliya vazirligiga qo‘shilgan qiymat solig‘i stavkasini kamaytirish bo‘yicha aniq asoslangan taklif kiritish topshirilgan.
