Hugo Boss

Hugo Boss костюмлари эндиликда Наманганда тикилади

309
(Янгиланган 18:01 08.11.2019)
Маҳсулотлар “Hugo Boss” орқали Европа Иттифоқи мамлакатларига, шунингдек Россия ва Қозоғистонга экспорт қилиниши режалаштирилган.

ТОШКЕНТ, 8 нояб - Sputnik. Шу кунларда Ўзбекистоннинг Наманган вилоятида Германиянинг таниқли “Hugo Boss” компанияси делегацияси ташриф билан бўлиб турибди.

Компания вакиллари иштирокида Наманган вилоят ҳокимлигида бўлиб ўтган учрашувда маълум қилинишича, йиллик 3 млрд АҚШ доллардан зиёд айланмага эга бўлган “Hugo Boss” компанияси ушбу бренд остидаги костюмларини Наманганда ишлаб чиқарилишини йўлга қўйди.

Учрашув давомида Наманган вилоят ҳоқими томонидан Ўзбекистонда мажбурий меҳнатга тўла барҳам берилиши натижасида ўзбек пахтасидан тикилган маҳсулотларга жаҳон бозорида кенг йўл берилгани, машҳур брендларнинг Ўзбекистон билан ҳамкорликка интилаётгани маълум қилинди.

Hugo Boss в Намангане
"Hugo Boss” компанияси вакиллари Константин Соер ва Семиҳ Демир

“Hugo Boss” компанияси ўзига вилоятдаги кўплаб текстиль корхоналари орасидан ҳамкор сифатида танлаб олган “Lyuks plyus servis” масъулияти чекланган жамияти бу йўналишда ўз фаолиятини ривожлантириш учун янги ишлаб чиқариш линиясини ҳам ишга тушириши маълум қилинди.

“Vakkoni” маркаси остида ишлаб чиқараётган либослари билан кенг танилган “Lyuks plyus servis” МЧЖ томонидан ишга тушириладиган янги линия лойиҳасининг умумий қиймати 10 млн АҚШ долларини ташкил этади. Корхонанинг 5 млн АҚШ долларлик маблағи ҳисобидан амалга ошириладиган биринчи босқичнинг ўзида 800 та янги иш ўрни яратилиши кутилмоқда.

Маҳсулотлар “Hugo Boss” орқали Европа Иттифоқи мамлакатларига, шунингдек Россия ва Қозоғистонга экспорт қилиниши режалаштирилган.

309
Денежные купюры

“Ҳар бир оила тадбиркор” дастури учун қўшимча 98 млн доллар ажратилди

176
Маблағ пандемия шароитида турмуш шароити оғирлашган оилаларнинг бандлигини таъминлаш орқали уларга даромад манбаини яратиш мақсадида ажратилган.

ТОШКЕНТ, 14 июл — Sputnik. “Ҳар бир оила – тадбиркор” дастурини ҳамда Наманган вилоятидаги кичик саноат зоналарини ривожлантиришни молиялаштиришга доир қўшимча чора-тадбирлар тўғрисида” президент қарори қабул қилинди.

Қарорга мувофиқ, коронавирус пандемияси шароитида ижтимоий аҳволи ва турмуш шароити оғирлашган оилаларнинг бандлигини таъминлаш орқали уларга даромад манбаини яратиш мақсадида Тикланиш ва тараққиёт жамғармасидан “Ҳар бир оила – тадбиркор” дастури учун қўшимча равишда 98 миллион АҚШ доллари:

- “Агробанк” АТБга – 40 миллион АҚШ доллари;

- АТ Халқ банкига – 30 миллион АҚШ доллари;

- “Микрокредитбанк” АТБга – 28 миллион АҚШ доллари эквивалентида маблағлар ажратилиши белгиланди.

Шунингдек, қарор билан микромолиявий хизматлар кўрсатувчи ташкилотлар ҳамда нодавлат нотижорат ташкилотларига ёшлар ва хотин-қизларни кичик тадбиркорликка жалб қилиш лойиҳаларини қўллаб-қувватлашга – 2 миллион АҚШ доллари;

Наманган вилоятидаги кичик саноат зоналари фаолиятини янада ривожлантириш учун Наманган вилояти ҳокимлигига – 50 миллион АҚШ доллари ажратилади.

176
Национальная валюта Узбекистана — сум

Ўзбекистонга жўнатилаётган пул ўтказмалар ҳажми тиклана бошлади

206
Коронавирус пандемияси туфайли қулаган пул ўтказмалари ҳажми ўса бошлади. Июнь ойида Ўзбекистонга 621 млн доллар юборилган.

ТОШКЕНТ, 14 июл — Sputnik. Март ва апрель ойида қулаган трансчегаравий пул ўтказмалари ҳажми тиклана бошлади. Бундан Ўзбекистон Марказий банки маълумотлари дарак бермоқда.

Қайд этилишича, йил бошидан бери мамлакатда қабул қилинган пул ўтказмалари ҳажми 2,4 млрд долларни ташкил этди. Бу ўтган йилнинг шу даврига нисбатан 156 млн долларга ёки 6 фоизга кам.

Январь ойида Ўзбекистонга 400 млн доллар, февраль ойида эса 385 млн доллар жўнатилган. Пандемия бошланиши билан ўтказмалар ҳажми кескин қисқарган: март ойида пул ўтказмалари 296 млн долларгача, апрелда 250 млн долларчага камайди.

Май ойида эса пул ўтказмалари ҳажми тиклана бошлади - 485 млн доллар юборилган. Июнда Ўзбекистонга 621 млн доллар юборилган

Худди шу даврда 427 млн доллар чет элга юборилган. Бу ўз навбатида 2019 йилнинг биринчи ярмидан 40 млн доллар ёки 9 фоизга кам.

206
Мэр Москвы С. Собянин осмотрел ход строительства ЖК ЗИЛАРТ

Москвада қурилиш ишчилари ўртасида оммавий муштлашув юз берди видео

753
(Янгиланган 20:23 14.07.2020)
Москвада “Северное Чертаново” микрорайонида жойлашган қурилиш майдонида ишчилар ўртасида оммавий муштлашув юз берди.

ТОШКЕНТ, 14 июл — Sputnik. Москвада “Северное Чертаново” микрорайонида жойлашган қурилиш майдонида ишчилар ўртасида оммавий муштлашув юз берди.

Ҳодиса 14 июль куни кундуз куни Балаклава шоҳ кўчасидаги қурилиш майдончасида юз берди.

Видеода муштлашувда иштирок этган баъзи кишилар таёқ, белкурак ва ҳатто ғишт олаётганини кўриш мумкин.

Оммавий жанжал нима сабаб бўлганлиги номаълум.

Гувоҳларнинг сўзларига кўра, воқеа жойига ҳуқуқ-тартибот идоралари ходимлари, шу жумладан, ОМОН ходимлари ҳам келган.

Жабрланганлар ҳақида расмий маълумот йўқ, аммо гувоҳларнинг айтишича, бир неча киши жароҳатланди.

753