TOShKENT, 10 mar — Sputnik. O‘zbekiston Markaziy bankining Bank nazorati qo‘mitasi raqamli bank “ANOR BANK” AJni tashkil etishga dastlabki ruxsatnoma berdi.
Markaziy bank xabariga ko‘ra, qaror 9-mart kuni qabul qilingan va raqamli bank Toshkentda tashkil etiladi.
Ta’kidlanishicha, dastlabki ruxsatnoma olti oy muddatga beriladi. Ushbu davr mobaynida muassis tomonidan bank faoliyatini amalga oshirish huquqini beruvchi litsenziya olish uchun tegishli tashkiliy-texnik tadbirlar amalga oshirilishi va bank ustav kapitali shakllantirilishi lozim.
Eslatib o‘tamiz, avvalroq TBC Bank Toshkentda bank tashkil etishga ruxsatnoma olgan edi.