Chevrolet Lacettii

Ўзбек автомобиллари Россия бозорига яқин орада чиқмайди - ОАВ

457
(Янгиланган 12:06 07.05.2020)
Россияда Ўзбекистон автомобиллари сотилиши март ойида бошланиши керак эди, лекин коронавирус ва бошқа муаммолар туфайли ёз ўртасигача қолдирилди.

ТОШКЕНТ, 7 май - Sputnik. Россияда UzAuto автомобиллари ҳали бери сотувга чиқмайди, бунга сертификация қилишдаги муаммолар, коронавирус ва бошқа сабаблар бор деб ёзади Motor нашри.  

UzAuto ва General Motors март ойида Россияда Ravon автомобиллари ўрнига Ўзбекистонда ишлаб чиқилган Chevrolet Spark, Nexia ва Cobalt автомобиллари сотувга чиқарилиши керак эди. Лекин COVID-19 эпидемияси ва карантин чоралари туфайли UzAuto ўз вақтида автомобиллари Россияга етказиб бера олмади,- дейилган хабарда. 

Айни дамда Ўзбекистон автомобилларининг Россия бозорига чиқиши ёз ўртасигача қолдирилган, агар коронавирус билан боғлиқ вазият ўзгармаса Chevrolet автомобилларининг Россия бозорида пайдо бўлиши яна кечиктирилиши мумкин.

Ундан ташқари UzAutoнинг Россиядаги олдинги фаолиятидан қолган қарзлари ҳам фаолиятини қайта бошлашга халал бериши мумкин. 

"UzAutoнинг ўтган даврлардаги фаолиятида автомобил етказиб беришда доимий равишда муаммолар содир бўлгани сабабли россиялик дилерлар томонидан қўллаб қувватланмаяпти. Устига устак Ўзбекистон компаниясининг ўтган фаолиятидан бирмунча қарзлари ҳам қолган. Ушбу сабаблар Uzauto автомобилларининг Россия бозорига тез орада чиқишига тўсқинлик қилиши мумкин", - деб ёзади нашр. 

Эслатиб ўтамиз, Ўзбекистон автомобиллари Россия бозорида дастлаб Daewoo бренди остида сотувга чиқарилган ва ўзининг арзон нархи муаммосизлиги билан харидорлар ишончини қозонган эди. Кейинчалик автомобиллар Chevrolet бренди остида савдога чиқарилди. 2014 йилда Chevrolet Россия бозорини тарк этиши эълон қилганидан сўнг UzAuto автомобилларини Ravon бренди остида сотишга қарор қилган эди. Турли сабабларга кўра, Ravon бренди Россиялик харидорлар орасида оммавийлашишга муваффақ бўлмади. 2020 йилнинг март ойида UzAuto ва General Motors келишувига асосан ўзбек автомобиллари Россияда яна Chevrolet бренди остида сотувга чиқариладиган бўлди. 

457
Нефтяное месторождение

Ўзбекистон газ қазиб олишни камайтирди, нефтни эса кўпайтирди

354
Ўтган йили Ўзбекистонда нефт қазиб олиш 2019 йилга нисбатан 4,9 фоизга ўсиб, 733,6 минг тоннани ташкил этди.

ТОШКЕНТ, 21 янв — Sputnik. 2020 йилда Ўзбекистонда нефт қазиб олиш 2019 йилга нисбатан 4,9 фоизга ўсиб, 733,6 минг тоннани ташкил этди. Табиий газ қазиб олиш 17,8 фоизга камайиб, 49,739 миллиард кубометрга этди. Бу ҳақда республика Давлат статистика қўмитаси хабар қилди.

Республикада газ конденсати ишлаб чиқариш 1,33 бараварга камайди - 1,408 миллион тоннагача.

Йил давомида 1,016 миллион тонна бензин ишлаб чиқарилди, бу 2019 йилга нисбатан 0,9 фоизга кам, дизел ёқилғиси эса 933,1 минг тонна (минус 9,6 фоиз).

Ҳозирги кунда "Ўзбекнефтгаз" йилига 70 миллиард кубометр табиий газ ва саккиз миллион тонна суюқ углеводород ишлаб чиқариши қувватига эга. Бироқ, захираларнинг камайиши ва технологик йўқотишлар туфайли углеводород ишлаб чиқариш сўнгги 15 йил ичида сезиларли даражада камайди.

354
Теглар:
Тошкент, нефть, газ, Ўзбекистон

2020 йилда Ўзбекистон ташқи савдо айланмаси камайди

86
(Янгиланган 17:55 21.01.2021)
2020 йилда Ўзбекистон ташқи савдо ҳажми қисқарган бўлса-да, сармоялари миқдори ўсган. Бу келажакда иқтисод тезроқ тикланишига умид беради.

ТОШКЕНТ, 21 янв — Sputnik. 2020 йилнинг январь – декабрь ойларида Ўзбекистон ташқи савдо обороти 36,29 миллиарда долларни ташкил қилди. Бу 2019 йилга нисбатан 13,1%га паст, деб хабар қилмоқда Давлат Статистика қўмитаси.

“2020 йил якунларига кўра Ўзбекистон Республикасининг ташқи савдо айланмаси 26,299 миллиард долларни ташкил қилди. Бу 2019 йилга қараганда 5,452 миллиарда долларга кам”, -  дейилган хабарда.

Статистика қўмитаси шунингдек Ўзбекистоннинг энг йирик ташқи савдо ҳамкорларини санаб ўтган:

  1. Хитой - умуммий ташқи савдо ҳажмидан 17,7%
  2. Россия - 15,5%;
  3. Қозоғистон - 8,3%;
  4. Жанубий Корея  - 5,9%;
  5. Туркия - 5,8%.

Ўтган 2020 йилда Ўзбекистон экспортининг асосий маҳсулотлари – олтин ва қиматбаҳо металлар (38,3%), сановат маҳсулотлари (19,2%), хизматлар (13,2%) ва озиқ-овқат маҳсулотлари (8,5%) бўлган.

Асисий импорт маҳсулотлари эса - машины ва ускуналар (37,6%), саноат моллари (16,9%), кимё саноати маҳсулотлари ва пластмасса (6,8%), озиқ-овқат (8,7%) ва хизматлар (5,7%).

Бироз олдин Стастистика қўмитаси Республикага киритилган инвестициялар миқдорини ҳам эълон қилган эди. Келтирилган маълумотларда айтилишига кўра 2020 йилда сармоялар миқдори – 6,6 миллиард  долларни ташкил қилган ва 2019 йилган нисбатан 101,5%га ўсган.

2021 йилда кутилаётган инвестициялар миқдори 10,5 миллиард долларни ташкил қилмоқда. Ундан 7,6 миллиарди – тўғридан-тўғри киритиладиган хорижий инвестициялардир. 

86
Новоизбранный премьер-министр Садыр Жапаров (в центре)

Жапаров кортеж ва зиёфатдан воз кечди - инаугурация камтарона ўтказилади

19
Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

ТОШКЕНТ, 22 янв — Sputnik. Қирғизистоннинг сайланган президенти Садир Жапаров инаугурация муносабати билан махсус кортеж бўлмаслиги, зиёфат ва бошқа тадбирлар ўтказилмаслигини маълум қилди.

21 январ, пайшанба куни пойтахтининг марказида транспорт ҳаракати тўсиб қўйилди: мамлакат раҳбарининг махсус автокарвони ўтиши учун репетиция ўтказилди.

Sputnik Қирғизистон ёзишича, тадбирга 15 миллион сўм сарфлаш режалаштирилгани ҳақида хабар берилган. Шундан сўнг, қирғизистонликлар ижтимоий тармоқларда йўлларнинг ёпилиши, маросим харажатларини танқид қилишди.

22-январ, жума куни Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

"Мен катта миқдордаги молиявий харажатларни келтириб чиқарадиган махсус кортежи, зиёфат ва бошқа ташкилий тадбирлардан воз кечиш тўғрисида қарор қабул қилдим. Президентлик лавозимига киришиш учун фақат қонунда белгиланган мажбурий тартибларни ҳисобга олиб, амалга оширилади", - деди Жапаров.

Унга кўра, ҳозирда ҳукумат бюджет маблағларини халқ ва уларнинг эҳтиёжлари учун ишлатишга қаратиши керак. Инаугурация ташкилий қўмитаси тадбир учун янги сценарий тузиши керак.

Инаугурация 28 январ куни Миллий филармониянинг катта залида бўлиб ўтади.

19