Национальный банк Узбекистана

Келгуси йилда Ўзбекистон ЯИМи сезиларли ўсади - ЕТТБ

296
(Янгиланган 19:19 13.05.2020)
2020 йилда Марказий Осиёда иқтисодиётлар ўртача 1,2%ни йўқотади, аммо 2021 йилда 5,8% гача тикланади - ЕТТБ прогнози.

ТОШКЕНТ, 13 май - Sputnik. Европа тикланиш ва тараққиёт банки глобал иқтисодиётнинг келгуси йил учун янги прогнозини эълон қилди. Таъкидланишича, аксарият давлатларда иқтисодий кўрсаткичларнинг пасайиши кутилмоқда. Бироқ, истиснолар ҳам мавжуд - бу Ўзбекистон, Туркманистон ва Миср.

Ҳужжатда таъкидланганидек, Ўзбекистонда ЯИМ ўсиши 1,5% гача пасаяди, аммо 2021 йилда экспортнинг тикланиши ва ички талабнинг ўсиши фонида иқтисодиёт ўсиши 6,5% гача кўтарилиши кутилмоқда. Эслатиб ўтамиз 2019 йилда Ўзбекистон ЯИМи 5,6%га ўсган эди. 

Йилнинг биринчи чорагида ЯИМ 4,1 %га ўсди, аммо мутахассисларнинг фикрига кўра, карантин тадбирларининг таъсири кучайган иккинчи чоракда бу кўрсаткич пасайиши мумкин.

2020 йилнинг биринчи чорагида, Марказий Осиёнинг бошқа мамлакатларига қараганда товарлар ва бозорлар турлича бўлишига қарамай, экспорт ҳажми 11 %га камайди (ўтган йилнинг шу даврига нисбатан). 2019 йилда бутун экспортнинг қарийб 50 фоизи товарлар экспортига тўғри келди ва товарлар экспортининг ярмидан кўпи олтин ҳиссасига тўғри келди.

Таҳлилчиларга кўра, Хитой 2019 йилда Ўзбекистон учун асосий бозор бўлган, аммо унинг умумий экспортдаги улуши атиги 14 фоизни ташкил этган (асосан газ экспорти).

Хусусий секторни кредитлашдаги фаол ўсиш (2019 йилнинг декабрида ўтган йилнинг шу даврига нисбатан 26% га ўсиши) заифлик манбаи бўлиши мумкин, чунки ушбу иқтисодий таназзул даврида бизнес кредитларни қайтариш қобилиятини йўқотиши мумкин. Буларнинг барчаси банк тизимининг барқарорлигига салбий таъсир кўрсатади.

Россиядан пул ўтказмалари камаяди, бундан аҳолининг энг заиф қатламлари жабр кўради. Туризм ва меҳмондорчилик соҳалари ҳам коронавирус инқирози биринчи навбатда таъсир кўрсатган соҳалар қаторига тушди.

Ўрта ҳисобда, ЕТТБнинг шерик-давлатларида иқтисодий пасайиш 3,5% даражасида бўлади. Агар ижтимоий узоқлаштириш чоралари кутилганидан узоқроқ вақт давомида қўлланилса, турғунлик янада ёмонроқ кечиши мумкин ва кўрсаткичлар 2019 йил даражасигача кўтарилмайди, ва эҳтимол яна бир неча йил давомида.

Марказий Осиёда иқтисодиётлар ўртача 1,2% йўқотади, аммо 2021 йилда 5,8% гача тикланади.

Ўзбекистон ва Қозоғистон иқтисодиётни сезиларли даражада қўллаб-қувватлаш учун мавжуд манбалардан фойдаланмоқда. Бироқ, Қирғизистон, Монголия ва Тожикистон жиддий чекланган молиявий имкониятлардан ва катта қарзлардан азият чекмоқда.

Нефт ва газ экспортчилари (масалан, Ўзбекистон, Қозоғистон ва Туркманистон) иқтисодиётга карантин чораларининг салбий таъсирини юмшатиш учун катта молиявий кўмак ва халқаро маблағларга таяниши мумкин бўлса-да, ушбу мамлакатлар энергия манбаъларига талабнинг кескин пасайиши туфайли ўзларига босимни ҳис қилишади.

Эслатиб ўтамиз, ЕТТБ раҳбари COVID-19 билан боғлиқ карантин чоралари жорий қилинишидан олдин Ўзбекистонга ташриф буюрган эди. Март ойи бошида у Шавкат Мирзиёев билан учрашди. Учрашувда томонлар узоқ муддатли ҳамкорликнинг устувор йўналишларини муҳокама қилдилар.

Сума Чакрабарти ЕТТБ Ўзбекистонда олиб борилаётган ислоҳотлар дастурини ҳар томонлама қўллаб-қувватлашга ва ҳамкорлик портфелини тубдан кенгайтиришга тайёрлигини тасдиқлади.

Алоҳида эътибор инфратузилмани модернизация қилиш бўйича устувор лойиҳаларни тайёрлаш ва амалга оширишга, банк сектори ривожланиши, тўқимачилик ва саноатнинг бошқа соҳаларини, кичик бизнес ташаббусларига алоҳида эътибор қаратилмоқда.

296
Машина скорой помощи

Тез ёрдам автомобиллари импорт божхона божидан озод қилинди

58
Нодавлат тиббиёт ташкилотлари томонидан республика ҳудудига олиб кириладиган янги тез тиббий ёрдам автомобиллари 2022 йил 1 январгача бўлган муддатга импорт божхона божидан озод қилинди.

ТОШКЕНТ, 1 июн — Sputnik. Президент қарори билан тез ёрдам автомобиллари импорт божхона божидан озод қилинди.

Қарорга мувофиқ, нодавлат тиббиёт ташкилотлари томонидан ўз эҳтиёжлари учун республика ҳудудига олиб кириладиган янги тез тиббий ёрдам автомобиллари (ТИФ ТН коди 8703221010, 8703231930, 8703241010, 8703311010, 8703321910, 8703331910) 2022 йил 1 январгача бўлган муддатга импорт божхона божидан озод қилинди.

Ушбу имтиёз нодавлат тиббиёт ташкилотлари томонидан мазкур қарор эълон қилингунга қадар олиб кирилган “божхона омбори” режимида 6 ойдан кўп турган янги тез тиббий ёрдам автомобилларининг божхона расмийлаштирувида ҳам қўлланилади.

Автомобиллардан мақсадсиз фойдаланилган тақдирда, имтиёз берилиши муносабати билан тўланмаган импорт божхона божи суммаси молиявий санкцияларни қўллаган ҳолда Давлат бюджетига ундириб олинади.

58
Деньги

Доллар қимматлашишда давом этмоқда валюта курслари

190
(Янгиланган 11:05 01.06.2020)
Марказий банк хорижий валюталарнинг сўмга нисбатан янги қийматини белгилади. Доллар курси бу ҳафта ҳам 9,01 сўмга қимматлашди.

ТОШКЕНТ, 1 июн — Sputnik. Марказий банк хорижий валюталарнинг сўмга нисбатан 2 июндан бошлаб янги қийматини белгилади.

Доллар курси ўтган ҳафтага нисбатан 9,01 сўмга қимматлашиб, 10 148,31 сўм ташкил қилди.

Валюта курслари 02.06.2020 дан
Марказий банк матбуот хизмати
Валюта курслари 02.06.2020 дан

Евро эса бирданига 210,75 сўмга кўтарилди ва 11 262,59 сўмни ташкил қилди.

Россия рублида ҳам кўтарилиш кузатилган. Рубль 2,70 сўмга қимматлашиб, 144,05 cўмни ташкил қилди.

190

АҚШда ҳайдовчи бензовозни намойишчилар устига ҳайдаб борди

0
АҚШдаги тартибсизликлар Миннеаполисда полиция томонидан қўлга олинган афро-америкалик Жорж Флойд ўлимидан сўнг бошланди. Тартибсизликлар вақтида ҳайдовчи бензовозни намойишчилар устига ҳайдаб борди.

Видеода намойишчилар юк машинани ўраб олгани ва унинг ичига киришмоқчи бўлгани акс этган.

ОАВлар маълумотларига кўра, намойишчилар ҳайдовчини машинадан чиқариб, уни калтаклашди.

Айни вақтда ҳайдовчи ҳибсга олинган, унга айблов эълон қилинган.

Минниаполис ва АҚШнинг бошқа шаҳарларига бир неча кундан бери намойишлар давом этмоқда.

0