Солнечные панели

Самарқандда қуёш электр станцияси қуриш учун президент қарори имзоланди

266
(Янгиланган 15:59 15.05.2020)
Франциянинг TOTAL Eren компанияси Ўзбекистондаги биринчи қуёш электр станциясини лойиҳалаштириш, қуриш ва 25 йил давомида эксплуатация қилиш билан шуғулланади.

ТОШКЕНТ, 15 май - Sputnik. Франция корхонаси Самарқандда қуёш электр станцияси қуради. Бу ҳақида президент қарори имзоланди. 

Умумий қуввати 100 МВт бўлган фотоэлектрстанция Франциянинг TOTAL Eren SA компанияси томнидан лойиҳалаштирилади, қурилади ва 25 йил давомида эксплуатация қилинади. Ўзбекистон Ҳукумати номидан ушбу лойиҳада Инвестициялар ва Ташқи савдо вазирлиги иштрок этади.

Хорижий инвестор томонидан лойиҳани амалга ошириш мақсадида Ўзбекистонда Tutly Solar МЧЖ аллақачон ташкил қилинган. Ушбу корхона дастлабки босқичда қуёш электр станцияси лойиҳасини ишлаб чиқади. 

Президент қарорида айтилишига кўра, қуёш электр станцияси томонидан ишлаб чиқилган энергия тўлиқ ҳажмда Ўзбекистон "Миллий электр тармоқлари" томонидан харид қилинади.

Эслатиб ўтамиз, қуёш электр станцияси қуриш ҳақидаги шартнома Ўзбекистон президенти Шавкат Мирзиёевинг 2019 йил кузида Францияга бўлган ташрифи давомида имзоланган эди. TOTAL Eren Ўзбекистондаги биринчи ФЭС лойиҳасига 150 млн евро инвестиция киритади.

 

266
Машина скорой помощи

Тез ёрдам автомобиллари импорт божхона божидан озод қилинди

60
Нодавлат тиббиёт ташкилотлари томонидан республика ҳудудига олиб кириладиган янги тез тиббий ёрдам автомобиллари 2022 йил 1 январгача бўлган муддатга импорт божхона божидан озод қилинди.

ТОШКЕНТ, 1 июн — Sputnik. Президент қарори билан тез ёрдам автомобиллари импорт божхона божидан озод қилинди.

Қарорга мувофиқ, нодавлат тиббиёт ташкилотлари томонидан ўз эҳтиёжлари учун республика ҳудудига олиб кириладиган янги тез тиббий ёрдам автомобиллари (ТИФ ТН коди 8703221010, 8703231930, 8703241010, 8703311010, 8703321910, 8703331910) 2022 йил 1 январгача бўлган муддатга импорт божхона божидан озод қилинди.

Ушбу имтиёз нодавлат тиббиёт ташкилотлари томонидан мазкур қарор эълон қилингунга қадар олиб кирилган “божхона омбори” режимида 6 ойдан кўп турган янги тез тиббий ёрдам автомобилларининг божхона расмийлаштирувида ҳам қўлланилади.

Автомобиллардан мақсадсиз фойдаланилган тақдирда, имтиёз берилиши муносабати билан тўланмаган импорт божхона божи суммаси молиявий санкцияларни қўллаган ҳолда Давлат бюджетига ундириб олинади.

60
Деньги

Доллар қимматлашишда давом этмоқда валюта курслари

193
(Янгиланган 11:05 01.06.2020)
Марказий банк хорижий валюталарнинг сўмга нисбатан янги қийматини белгилади. Доллар курси бу ҳафта ҳам 9,01 сўмга қимматлашди.

ТОШКЕНТ, 1 июн — Sputnik. Марказий банк хорижий валюталарнинг сўмга нисбатан 2 июндан бошлаб янги қийматини белгилади.

Доллар курси ўтган ҳафтага нисбатан 9,01 сўмга қимматлашиб, 10 148,31 сўм ташкил қилди.

Валюта курслари 02.06.2020 дан
Марказий банк матбуот хизмати
Валюта курслари 02.06.2020 дан

Евро эса бирданига 210,75 сўмга кўтарилди ва 11 262,59 сўмни ташкил қилди.

Россия рублида ҳам кўтарилиш кузатилган. Рубль 2,70 сўмга қимматлашиб, 144,05 cўмни ташкил қилди.

193
Зироат Мирзиёева поздравила детей Узбекистана с праздником

Биринчи хоним болаларни байрам билан табриклади

26
(Янгиланган 18:34 01.06.2020)
“Замин” фонди, жисмоний ҳолатидан қатъи назар, барча болажонларга қувонч улашишга тайёр. Зеро, сиз кўзимиз қувончи, бизнинг эртамиз ва ҳаётимиз мазмунисиз!”, - дейилган табрикда.

ТОШКЕНТ, 1 июн — Sputnik. Ўзбекистон биринчи хоними, “Замин” фонди васийлик кенгаши раиси Зироат Мирзиёева болаларни Халқаро болаларни ҳимоя қилиш куни муборакбод этди.

“Азиз болажонлар! Сизларни Халқаро болаларни ҳимоя қилиш куни билан табриклайман! Ўзбекистонимизнинг ҳар бир ўғил-қизи тинч-осуда юртда, ота-онаси бағрида, жисму жони саломат бўлиб улғайишини тилайман”, - дейилади табрикда.

Зироат Мирзиёева бугунги кунда дунё болалари катталар қатори асосий вақтини уйда ўтказишга мажбурлиги таъкидлаган. Айни ўйнаб, ҳаракат қиладиган ёшда бу осон эмас, албатта. Бироқ вазият шуни тақозо этмоқда.

“Ўғил-қизларим. Ташқи олам билан боғланиш имкони чекланган бўлсада, сизнинг имкониятингиз чекланмаган! Уйда ҳам бадиий асар мутолаа қилиб, орзу-ўйларингизни тасвир ёки мусиқада ифодалаб, қўшимча фанлар, хорижий тиллар, шунингдек, она Заминимизни ўрганишингиз, интернет орқали билим ва тафаккурингизни кенгайтиришингиз мумкин”, - дея қўшимча қилган Мирзиёева.

Қайд этилишича, “Замин” фонди Халқаро болаларни ҳимоя қилиш кунида эшитиш қобилияти заиф болалар учун таълимни ривожлантириш дастурини тақдим этмоқда. Лойиҳа доирасида махсус мактабларни замонавий ёрдамчи ускуналар билан жиҳозлаш, ўқитиш усулларини такомиллаштириш кўзда тутилган. Энг асосийси, мунтазам равишда жарроҳлик амалиёти йўли билан ўқувчиларнинг эшитиш қобилиятини тиклаш устида иш олиб борилади.

“Замин” фонди, жисмоний ҳолатидан қатъи назар, барча болажонларга қувонч улашишга тайёр. Зеро, сиз кўзимиз қувончи, бизнинг эртамиз ва ҳаётимиз мазмунисиз!”, - дея якунланган табрик.

1 июнь - Халқаро болаларни ҳимоя қилиш куни!

26