Флаги стран-участниц ЕАЭС

ЕОИИнинг 5 йиллик стратегияси - Путин асосий вазифалар ҳақида

558
(Янгиланган 17:44 19.05.2020)
Стратегия импорт ўрнини босувчи маҳсулотларни ишлар чиқариш жараёнларини фаоллаштириш, саноатни локализация қилиш ва юқори интеграцион таркибий қисмга эга қўшма ташаббусларни илгари суриш учун асос яратади.

ТОШКЕНТ, 19 май — Sputnik. Россия президенти Владимир Путин ЕвроОсиё иқтисодий интеграциясини 2025 йилгача ривожлантириш стратегиясининг асосий вазифаларини эълон қилди.

Россия етакчиси ЕвроОсиё иқтисодий Олий кенгашининг видеоконференция шаклида ўтган йиғилишда нутқ сўзлади.

“Лойиҳада товарлар, хизматлар, капитал ва ишчи кучининг умумий бозорини шакллантиришни ниҳоясига етказиш, божхона ва маъмурий тартибга солишни такомиллаштириш ва рақамли маконни яратиш бўйича комплекс вазифалар қўйилган. Шунингдек, унга иқтисодиётнинг юқори самарали тармоқларида қўшма кооператив лойиҳаларни бошқариш тизимини яратиш киради”, - деди Путин.

Унинг сўзларига кўра, стратегия импорт ўрнини босувчи маҳсулотларни ишлар чиқариш жараёнларини фаоллаштириш, саноатни маҳаллийлаштириш ва юқори интеграцион таркибий қисмга эга бўлган қўшма ташаббусларни илгари суриш учун асос яратади.

ЕОИИ давлатларида озиқ-овқат хавфсизлигини, биринчи галда зарур бўлган озиқ-овқат маҳсулотлари, бошқа ўта муҳим маҳсулотларини ишлаб чиқаришни таъминлайдиган янги ишлаб чиқариш қувватлари яратилиши керак.

Стратегия ЕОИИ давлатларининг илмий-техник ва гуманитар соҳаларда ҳамкорликни кенгайтиришни кўзда тутади. Касбий ва университет таълими, кадрларни тайёрлаш, академик ҳаракатчанликни ошириш ва кўп томонлама таълим дастурларини жорий этиш бўйича йирик қўшма лойиҳаларини амалга ошириш режалаштирилган.

“Умуман олганда, назаримизда, ЕвроОсиё иқтисодий иттифоқининг яқин ва ўрта муддатли истиқболга мўлжалланган курсини белгилаб берувчи кенг кўламли ҳужжат бўлди. Унинг қабул қилиниши интеграцияни чуқурлаштириш, иқтисодиётларимизни яқинлаштириш ва ҳамкорлик соҳаларини кенгайтириш учун мустаҳкам замин яратади”, - деб қўшимча қилди Россия президенти.

Эслатиб ўтамиз, Ўзбекистон президенти Шавкат Мирзиёев ўтган йилнинг кузида республиканинг ЕОИИга қўшилиш масаласини ишлаб чиқиш ҳақида топшириқ берганди.

Май бошида Ўзбекистон парламентининг юқори палатаси - сенатнинг тўртинчи ялпи мажлисида сенаторлар Ўзбекистоннинг ЕОИИда "кузатувчи давлат" мақомида иштирок этиш таклифини маъқуллашди. Мазкур масала бўйича Олий Мажлис Сенатининг тегишли қарори қабул қилинди.

ЕОИИ - 2015 йил 1 январдан бошлаб фаолият кўрсатувчи, халқаро интеграция иқтисодий бирлашма ҳисобланади. Иттифоқ таркибига Россия, Арманистон, Беларусь, Қозоғистон ва Қирғизистон киради.

558
Мавзу:
Ўзбекистон ва ЕОИИ – интеграция истиқболлари (51)
Партия автомобилей GM Uzbekistan

Ўзбекистон қайси мамлакатларга автомобил экспорт қилмоқда

404
Ўзбекистонда ишлаб чиқилган автомобилларнинг катта қисми Қозоғистонга экспорт қилинмоқда - йил бошидан буён 11 048 дона автомобил жўнатилган.

ТОШКЕНТ, 25 ноя — Sputnik. Ушбу йилда Ўзбекистондан енгил автомбиллар экспорти 1,7 бараварга ошди, деб хабар қилмоқда Давлат Статистика қўмитаси. 

2020 йилнинг январ-октябр ойида хорижий мамлакатларга 13 310 дона автомобил жўнатилган. Уларнинг умумий қиймати 127,2 миллион долларни ташкил қилган.  

Ўзбекистонда ишлаб чиқилган автомобилларнинг энг йирик импортёрлари:

  • Қозоғистон — 109,8 миллион $ (11 048 дона автом.);
  • Россия — 2,2 миллион $;
  • Таджикистан — 1,2 миллион $;
  • Украина — 6,4 миллион $;
  • Озарбайжон — 6,2 миллион $. 
  • Қолган мамлакатлар - 1,4 миллион $.

Ўзбекистонга автомобил импорти ҳам ошиб бормоқда. Ушбу йилнинг январ ойидан буён республикага 22 228 дона енгил автомобил олиб келинган. Уларнинг умумий қиймати 392,8 млн. долларни ташкил қилган. Бу ўтган йилга нисбатан ов 34,7%га кўп. 

Эслатиб ўтамиз, UzAuto Motors компанияси ушбу йилда ишлаб чиқариш ҳажми ошганини хабар қилган эди. Бунга ички ва ташқи талабнинг ошиши сабаб бўлган. Лекин ҚҚС ва солиқ имтиёзлари бекор қилингани туфайли корхона соф даромади миқдори 2 баравар камайган. 

404
Подпись документов

Тадбиркорликни ривожлантиришда сусткашлик қилган туман ҳокимлари ишдан бўшатилади

94
(Янгиланган 10:29 25.11.2020)
Тадбиркорликни ривожлантириш учун катта эътибор ва кредитлар ажратилаётгани, ҳокимлар ва сектор раҳбарлари томонидан "бизнес-патронаж" ташкил қилиш таклиф этилди.

ТОШКЕНТ, 25 ноя - Sputnik. Президент Шавкат Мирзиёев ҳузурида тадбиркорликни ривожлантириш бўйича туман ҳокимлари ҳисоботлари тинглашда давом этилмоқда.

Эслатиб ўтамиз, йил бошида ҳар бир вилоят, туман ҳокимлари ва сектор раҳбарлари олдида тадбиркорликни ривожлантириш ва янги иш ўринлари яратиш вазифаси қўйилган эди.  

Кеча, 24 ноябр куни бўлиб ўтган видеоселектор йиғилишида туман ҳокимлари ҳисоботлари тингланди. Уларда қайд этилишига кўра, Сирдарё вилоятида 10 ойда 12 мингта доимий иш ўрни ташкил этилган. Натижада “темир дафтар”га киритилган ишсиз фуқароларнинг қарийб 90 % бандлиги таъминланган.

Қашқадарё вилоятининг Қарши шаҳри ва Китоб тумани, Навоий вилоятининг Қизилтепа, Учқудуқ, Навбаҳор туманлари ва Зарафшон шаҳрида кўп иш ўрни яратилгани қайд этилди.

Шу билан бирга, Ёзёвон, Учтепа, Шофиркон ва Бекобод туманларида фаол тадбиркорликни ривожлантириш бўйича ишлар танқид қилинди.

Иш ўринлари ташкил этиш, тадбиркорлар муаммоларини ҳал қилиш ва уларни қўллаб-қувватлаш борасида ўзибўларчиликка йўл қўйган Бухоро, Жондор ва Сирдарё туман ҳокимларини лавозимидан озод этиш масаласи қўйилди.

Шу билан бирга, республика бўйича тадбиркорлик учун яратилган имтиёзлар натижасида 10 ойда 78 мингта корхона ташкил этилгани ва пандемия даврида вақтинча ишламай турган 96 мингта корхона ўз фаолиятини тиклагани ҳам қайд этилди.

Шунингдек, жойларда инфратузилмани яхшилаш масаласига алоҳида эътибор қаратилди. Ривожланишдан орқада қолаётган 22 та туман учун инвестиция дастури доирасида 264 миллиард сўм, бошқа ҳудудлар учун қўшимча 736 миллиард сўм йўналтирилиши қайд этилди.

94
Работа автосалонов в Омске

Тошкентда “автошина олиб келишни” ваъда қилган фирибгарга жиноят иши очилди

46
Автомобиль шиналарини олиб келишни ваъда қилиб, ваъдасида турмаган шахсга нисбатан жиноий иш қўзғатилди.

ТОШКЕНТ, 25 ноя — Sputnik. Тошкентда автомобил шиналарини олиб келишни ваъда қилган фирибгарга жиноят иши очилди, деб хабар қилди пойтахт ИИББ матбуот хизмати.

Хабарда айтилишича, Шайхонтоҳур тумани ИИО ФМБга 27 ёшли Асрол К. мурожаат қилиб, 2019 йилнинг ноябрь ойида унга Польшадан автомобиль шиналарини олиб келишини ваъда қилган ва “хизмати” учун 40.000 АҚШ доллари олган 46 ёшли Алишер Ш.га нисбатан чора кўришни сўради.

Алишер Ш. ваъдасига хилоф тарзда пулларни ўз эҳтиёжига сарфлаб юборган.

Мазкур факт асосида Ўзбекистон Жиноят кодексининг 168 моддаси 4 қисми (“Фирибгарлик”) бўйича жиноий иш қўзғатилди.

46