Монитор, на котором демонстрируется график

Жанубий Корея Ўзбекистонга иқтисодиётни рақамлаштиришда беғараз ёрдам беришга тайёр

90
Тошкент шаҳрида Электрон ҳукумат бўйича ҳамкорлик илмий-тадқиқот маркази ишини ташкил этиш масалалари муҳокама қилинди. Бунга Корея беғараз асосда 2 миллион доллар ажратади.

ТОШКЕНТ, 16 июн - Sputnik. Инчеон шаҳридаги Жанубий Корея – Ўзбекистон бизнес марказида Ўзбекистон Ахборот технологиялари ва коммуникацияларини ривожлантириш вазирлиги билан Корея Давлат бошқаруви ва хавфсизлиги вазирлигининг масъул ходимлари ўртасида музокаралар бўлиб ўтди. Бу ҳақда “Дунё” АА хабар қилмоқда.

Музокараларда Тошкент шаҳрида Электрон ҳукумат бўйича ҳамкорлик илмий-тадқиқот маркази ишини ташкил этиш масалалари муҳокама қилинди.

Жанубий Корея вакилларининг таъкидлашича, олдинги келишувларга мувофиқ ушбу лойиҳани амалга ошириш учун беғараз асосда 2 миллион доллар ажратиш, шунингдек, электрон ҳукумат ва рақамли иқтисодиёт бўйича учта юқори малакали мутахассисларни юбориш режалаштирилган.

Томонлар икки мамлакат тегишли вазирликлари ўртасида Ўзбекистон пойтахти Тошкент шаҳрида Электрон ҳукумат бўйича ҳамкорликни ўрганиш маркази ташкил этиш тўғрисида янгиланган келишувни имзолаш масаласини имкон қадар тезроқ ҳал қилишга келишиб олди. Музокараларни ишчи гуруҳ даражасида, жумладан видеоконференциялар орқали давом эттириш муҳимлиги таъкидланди.

Жанубий Корея томони лойиҳанинг асосий кўрсаткичлари келишилганидан сўнг тадқиқот марказида амалда иш бошлаш учун мутахассисларни Ўзбекистонга юборишга тайёрлигини билдирди.

Эслатиб ўтамиз, 2017 йилда Шавкат Мирзиёев “Ахборот-коммуникация технологиялари соҳасида лойиҳаларни бошқариш тизимини янада такомиллаштириш чора-тадбирлари тўғрисида” қарорни имзолаган эди.

Ҳужжатга асосан ягона интегратор электрон сектор тизими ва иқтисодиёт тармоқларида ахборот технологиялари учун дастурий маҳсулотларни ишлаб чиқади ва тадбиқ этади. Шу билан бирга, аҳолига ва тадбиркорлик субъектларига электрон давлат хизматлари кўрсатилишини назорат қилиш ва такомиллаштириш ишларини ҳам амалга оширади.

90
Ходжамахмад Умаров, эксперт Института экономики и демографии АН РТ

Ўзбекистон ва Тожикистон қандай қилиб ўзаро товар айланмасини 1 млрд $ га етказиши мумкин

102
Тожикистон Фанлар академияси Иқтисодиёт ва демография институти бўлим мудири, иқтисод фанлари номзоди Ҳожамаҳмуд Умаров икки республика ўртасида ўзаро товар айланмасини ошириш имкониятлари хусусида сўзлаб берди.

Экспертнинг фикрига кўра, Ўзбекистон ва Тожикистон ўртасида ўзаро товар айланмасини ошириш салоҳияти юқори даражада.

Мутахассис Совет Иттифоқи парчаланиб кетгандан сўнг Тожикистонда Ўзбекистон ҳукуматининг майли йўқлиги туфайли республика билан ҳамкорлик қилиш кайфияти кескин пасайиб кетганини қайд этди. Аммо ҳокимият тепасига янги президент келгандан сўнг ҳар икки томон ўз муносабатларини ривожлантиришга астойдил бел боғлашди.

“Ўзбекистон Тожикистонга катта ҳажмда табиий газ етказиб бериши мумкин, бунинг устига ҳозир Хоразм ва Қорақалпоғистонда янги газ конлари очилди”, - дейди Умаров.

Мутахассиснинг таъкидлашича, Ўзбекистон Тожикистонга турли қишлоқ хўжалиги маҳсулотларини етказиб бериш ҳамда қўшни республикага темир йўлларни модернизация қилишга ёрдам бериш имкониятига эга.

“Ҳозирда Тошкент ва Бухоро ўртасида ҳаракатланаётган тезюрар поездлар келажакда Душанбе шаҳригача ҳам ҳаракатланишни бошлайди”, - дея фикр билдирди эксперт.

Ҳожамаҳмуд Умаровнинг сўзларига кўра, Тожикистон ўз навбатида кўплаб маҳсулот турларини ўзбек бозорига етказиб беришни кўпайтириши мумкин.

“Ўзбекистонда юқори сифатли цемент танқис. Тожикистон бу борзорга уч миллион тоннадан зиёд цемент етказиб бериш имкониятига эга. Бундан ташқари, Тожикистонда электр энергияси керагидан ортиқча ишлаб чиқарилади. Ёз мавсумида Ўзбекистонга уч миллиард киловатт-соатгача электр энергиясини узатишимиз мумкин”, - дея таъкидлади Умаров.

У келажакда ҳар икки мамлакат меҳнат миграцияси соҳасида ҳам ҳамкорликни йўлга қўйиши зарур деб ҳисоблайди. Чунки ҳозирда юқори малакали ишчи кучига доимий талаб мавжуд.

Эскпертнинг тўлиқ изоҳини қуйидаги подкастда рус тилида тинглашингиз мумкин.

Как Узбекистан и Таджикистан смогут увеличить продажи до $1 млрд — эксперт
102
Кроссовер KIA Seltos

Жиззахда ишлаб чиқариладиган KIA автомобиллари нархи маълум бўлди

757
Ўзбекистон бозорида Seltos кроссовери нархи 230 млн сўмдан, K5 седани эса 250 млн сўмдан бошланмоқда.

ТОШКЕНТ, 30 сен — Sputnik. Жиззахдаги заводда йиғиладиган KIA автомобиллари — Seltos ва К5 моделларининг нархлари эълон қилинди.

Seltos кроссовери учта комплектацияда тақдим қилинади:

  • Luxe — 229 900 000 сўмдан;
  • Style — 252 900 000 сўмдан;
  • Prestige — 279 900 000 сўмдан.

K5 седани эса бешта комплектацияда таклиф қилинмоқда:

  • Comfort — 249 900 000 сўмдан;
  • Luxe — 269 900 000 сўмдан;
  • Prestige — 293 900 000 сўмдан;
  • Style — 343 900 000 сўмдан;
  • GT Line — 369 900 000 сўмдан.

Аввалроқ “Жиззах” эркин иқтисодиёт зонасидаги ADM-Jizzakh заводи ноябрь ойидан бошлаб энг янги моделлардан бўлган — KIA Seltos ва KIA К5 автомобилларини йиғишни бошлаши ҳақида хабар қилинган эди.

Биринчи босқичда заводнинг ишлаб чиқариш қуввати йилига 25 минг донани ташкил этади. Кейинчалик ушбу кўрсаткич 100 мингтага етказилади..

757
Ракетные установки Азербайджана ударили по Нагорному Карабаху

Қорабоғдаги зиддийлашув ва дронни қўллашдаги "сурия" тажрибаси

144
Тоғли Қорабоғдаги ҳарбий ҳаракатлар можаро томонларининг технологик жиҳатдан сезиларли тараққий этганини намоён қилмоқда, деб ёзади ҳарбий шарҳловчи Александр Хроленко

Озарбайжон ва Арманистон қўшинлари разведка ва зарба учувчисиз учиш қурилмалари (УУҚ)дан - "сурия тажрибаси"ни ҳисобга олган ҳолда фаол фойдаланишмоқда. Бу табиийки жонли куч ва техникада йўқотишлар сони ортишини келтириб чиқармоқда.

Яқин ўтмишда рўй берган худди шу сингари жанговар ҳаракатлардан фарқли ўлароқ, Қорабоғдаги ҳозирги оғир аслаҳалар қўлланилаётган зиддият жанг майдонида олинган видео билан кечаётганига гувоҳ бўлмоқдамиз. Бу кадрларда Озарбайжон ва Арманистоннинг ҳавода мунтазам кузатилаётган разведка ва зарба дронларини кўриш мумкин.

Арманистон ҳарбий идораси маълумотларига кўра, озарбайжон қўшинлари 29 сентябрь куни арман ҳудуди Варденис шаҳрида жойлашган ҳарбий қисм бўйлаб туркияда ишлаб чиқарилган дрон ёрдамида авиазарба беришди. Сал олдин Озарбайжон Мудофаа вазирлиги Арманистон қуролли кучлари Қорабоғ билан чегаратуташув жойида аҳоли пунктлари Арманистон ҳарбий кучлари томонидан ўққа тутилгани ҳақида баёнот берган эди.

Позиция жанглари давом этмоқда, рақиблар бир-бирига алоҳида (нуқтали) зарба беришмоқда. Можаро ҳудудидан қочоқлар сезиларли оқимининг йўқлиги ҳам жанговар ҳаракатларнинг нисбатан босиқ характеридан далолат бермоқда.

Қайноқ осмон

Айни вақтда экспертлар ҳамжамияти фақатгина АР ва ОР ҳарбий идораларининг расмий маълумотига таянишлари мумкин. Қорабоғ кучлари гўёки 49та озарбайжон дронларини уриб туширган, ўз навбатида, арман армияси 18та УУҚдан жудо бўлган. Тахминимча, рақамлар ўта бўрттирилган.

Таққослаш учун, ўтган ўн йил мобайнида Тоғли Қорабоғда йигирмага яқин озарбайжон ва арман УУҚлари уриб туширилган эди. Аммо ҳар нега қарамай, минтақадаги дронлар уруши - бу ҳақиқат. Сурия тажрибаси эса шуни кўрсатмоқдаки, замонавий қуролли можароларда учувчисиз комплекслар аҳамияти мунтазам ортиб бормоқда.

Яқин келажакда жанговар ҳаракатлар стратегияси ва тактикаси кўп ҳолларда сунъий онгга эга бўлган разведка олиб бориш ва зарба бериш, юз ва ҳатто минглаб километрлардаги нишонларга "қўли етадиган" автоном учар аппаратлари томонидан белгиланади. Шу бугуннинг ўзида ҳам ЎЎҚлар томонидан жанговар ҳаракатлар зоналарида суткасига 24 соатлик назорат таъминланмоқда.

© Sputnik / Виталий Тимкив

Қорабоғ зиддиятида Боку асосан Исроилда ишлаб чиқарилган, 50 килогача юк кўтаришга қодир ва ҳаракат масофаси 250 км гача бўлган Aerostar, Hermes, Heron ва Harop дронларидан фойдаланмоқда. Бундай аппаратларни разведкада, ўт зарбасини тўғирлашда ҳамда рақибнинг жонли кучи ҳамда енгил зирҳланган техникасига қарши курашда бошқарилувчи жанговар захира сифатида қўллаш мумкин.

ЎЎҚ қимматбаҳо, ва Ҳаводан ҳужумга қарши мудофаа тизимлари воситалари учун етарлича сезилишга эга. Масалан, Hermes 20 миллион долларга яқин туради, аммо уни нишонга сари йўлда уриб туширишлари мумкин. Ҳаражатларни оптималлаштириш учун Озарбайжон исроилнинг Aeronautics Defense компанияси ишлаб чиқарадиган дрон-камикадзе "Орбитер-1К" Systemsнинг хилларидан бирига ўхшаш, ўз-ўзидан тўғирланадиган, кўринувчан ва инфрақизил диапазонларда кузатув оптик-электр тизимига эга, осмонни қўриқловчи "Зарба" жанговар захираларини лицензион ишлаб чиқарилишини йўлга қўйди.

Каттагина маблағга эга бўлмаган ҳолда, Ереван ўз мудофаа саноати имкониятларига таянмоқда. Арманистон "Крунк" типидаги енгил (20 килогача юк кўтариш ва ҳаракат масофаси 150 км бўлган) ҳамда тоғли жойлар учун арзон ва самарали бўлган ўта кичик "Базе" разведка ва зарба аппаратларини ишлаб чиқармоқда ва қўлламоқда. Арман армиясининг 95%дан ортиқ дронлари - маҳаллий ишлаб-чиқарувчилар маҳсулотидир.

Жанубий Кавказ барқарор дунё учун қайноқ нуқта ва юқори технологик қурол учун анча тор бўлиб қолмоқда. Бундай юқоритехнологик қурол борган сари кўпаймоқда. Аммо жанг майдонида томонларнинг бирининг тотал устуворлиги ҳозирча кузатилмаяпти.

144