Экспертно-криминалистическая лаборатория

Санкт-Петербург портида Эквадордан келган 400 кило кокаин топилди

248
(Янгиланган 19:17 11.06.2019)
Контейнер ичида балиқ консервалари билан бирга 400 кило кокаин моддаси ҳам борлиги аниқланди.

ТОШКЕНТ, 11 июн – Sputnik. Санкт-Петербург портида божхоначилар Эквадордан келган контейнерни божхона кўригидан ўтказишди. Кўрик натижасида контейнер ичида балиқ консервалари билан бирга 400 кило кокаин ҳам борлиги аниқланди.

“Ноқонуний муомаладан 2,5 миллион наркотик дозага мўлжалланган, уларнинг умумий қиймати 4,5 миллиард рубл ташкил қилади”, - дейилган хабарда.

Контейнер очилганда балиқ консерсалар орасида наркотик солинган қоплар топилди. Кимёвий тадқиқот натижаларига кўра, бу кокаин моддаси эканлигини кўрсатди.

Ҳозирги вақтда божхона ва полиция ходимлари контрабанда схемасида ким иштирок этганини аниқлашмоқда.

248
Абзалова Фотима Махмуджон кизи, 2002 года рождения

Тошкентда бедарак йўқолган 18 ёшли қиз қидирилмоқда

678
(Янгиланган 19:16 22.10.2020)
Бедарак йўқолган 18 ёшли Абзалова Фотима Маҳмуджон қизи қидирилмоқда - Тошкент ИИББ матбуот хизмати.

ТОШКЕНТ, 22 окт — Sputnik. Тошкентда бедарак йўқолган Абзалова Фотима Маҳмуджон қизи қидирилмоқда, деб хабар қилди пойтахт ИИББ матбуот хизмати.

Хабарда айтилишича, Абзалова Фотима Маҳмуджон қизи, 2002 йилда туғилган, шу йил 14 август куни Олмазор тумани, Шифонур кўчаси, 71 уй манзили бўйича жойлашган уйидан чиқиб кетиб, қайтиб келмаган.

Белгилари: бўйи 170-175 см., қадди-қомати ўртача, сочлари узун оч жигар ранг, кўзлари тўқ қора, лаблари, қулоқлари ўртача, ияги тўғри.

Кийимлари: оқ-қора хол-хол гулли кўйлак, қора шиппак.

Қидирувга фойдали бўлиши мумкин бўлган маълумотни тақдим этиш учун рақамлар: Олмазор тумани ИИО ФМБ 71-230-50-85, 71-230-50-86 ёки 102, 71-232-30-40, 71-232-40-50.

678
Девушка сидит с телефоном

Тошкентда 18 ёшли қизни шантаж қилишди

610
20 ёшли фуқаро Д.ни шахсий маълумотларини тарқатиш билан қўрқитган ва ундан 300 доллар талаб қилган.

ТОШКЕНТ, 22 окт — Sputnik. Тошкентда товламачиликда гумонланувчи қиз қўлга олинди. Бу ҳақда пойтахт ИИББ матбуот хизмати хабар қилмоқда.

Маълум қилинишича, октябрь ойи бошида ички ишлар органларига 18 ёшли Д.О. мурожаат қилиб, ундан 300 долларни товламачилик қилиб олмоқчи бўлган 20 ёшли У.А.га нисбатан чора кўришни сўраган. Фуқаро Д.ни шахсий маълумотларини тарқатиш билан қўрқитган.

19 октябрь куни соат 18.00 да У. пул олиш вақтида жиноят қидирув хизмати ходимлари томонидан қўлга олинган.

Ҳолат юзасидан Ўзбекистон ЖКнинг 165 моддаси (“Товламачилик”) билан жиноий иш қўзғатилган.

Тергов ҳаракатлари олиб борилмоқда.

610
Мясо на рынке в Ташкенте

Булунғурда озиқ-овқат маҳсулотларни арзонлаштириш бўйича чоралари қабул қилинди

0
(Янгиланган 13:18 24.10.2020)
Айни вақтда Булунғур туман ҳокимлиги мажлислар залида Халқ депутатлари Булунғур тумани Кенгашининг ўн бешинчи сессияси ўз ишини бошлади.

ТОШКЕНТ, 24 окт — Sputnik. Булунғурда Халқ депутатлари Булунғур тумани Кенгаши озиқ-овқат нархини ушлаб туриш учун кўрилаётган чоралар кўриб чиқилди.

Сессияда туман ҳокими Баходир Бахрамов, Олий Мажлис сенати аъзоси Фарход Боқиев, Халқ депутатлари Самарқанд вилоят Кенгаши депутати Бахтиёр Абдуллаев, туман ҳокими ўринбосарлари, тегишли корхона ва ташкилот раҳбарлари иштирок этди.

Сессия кун тартибида 4 та масала кўриб чиқилиши тасдиқлаб олинди.

Сессия кун тартибидаги биринчи масалага мувофиқ, Ўзбекистон президенти Шавкат Мирзиёев раислигида 16 октябрь куни озиқ-овқат хавфсизлигини таъминлаш ва ички бозорда нарх-наво барқарорлигини сақлаш чора-тадбирлари юзасидан ўтказилган видеоселектор йиғилишида берилган топшириқлар ижросини таъминлаш мақсадида “Булунғур туманида озиқ-овқат хавфсизлигини таъминлаш жамғармасини ташкил этиш тўғрисида” Булунғур туман ҳокимининг қарори қабул қилинди.

Туман аҳолисининг асосий турдаги озиқ-овқат маҳсулотларига бўлган 6 ойлик талабини тиббиёт меъёрлари бўйича ойма-ой ҳисоблаб чиқилди.

Гўштга 3 минг 968 тонна талаб бўлса ишлаб чиқариш 6 минг 77 тонна, талабга нисбатан 1 минг 54 тонна кўп ишлаб чиқарилади.

Жумладан, мол гўштига 1 минг 761 тонна талаб бўлса ишлаб чиқариш 2 минг 431 тонна, талабга нисбатан 670 тонна кўп, қўй гўштига 848 тонна талаб бўлса ишлаб чиқариш 1 минг 215 тонна, талабга нисбатан 368 тонна кўп ва товуқ гўштига 1 минг 360 тонна талаб бўлса ишлаб чиқариш 2 минг 431 тонна, талабга нисбатан 1 минг 71 тонна ишлаб чиқарилади.

Тухумга 20 млн 120 минг дона талаб бўлса ишлаб чиқариш 24 млн 550 минг дона талабга нисбатан 2 млн 215 минг дона кўп ишлаб чиқарилади.

Картошкага 4 минг 844 тонна талаб, ишлаб чиқариш 51 минг 556 тонна талабга нисбатан 23 минг 356 тонна кўп ишлаб чиқарилади.

Пиёзга 1 минг 863 тонна талаб, ишлаб чиқариш 15 минг 271 тонна талабга нисбатан 6 минг 704 тонна кўп ишлаб чиқарилади.

Сабзига 2 минг 422 тонна талаб, ишлаб чиқариш 8 минг 461 тонна талабга нисбатан 3 минг 19 тонна кўпроқ ишлаб чиқарилади.

Гуруч 913 тонна талаб қилинади ушбу маҳсулотни Хоразм вилоятидан деҳқон бозорида фаолият юритаётган тадбиркорлар томонидан хар хафтада бир мартта 30 тонна олиб келиниб кунлик ўртача 4-5 тонна атрофида сотиб келинмоқда.

Ун 7 минг 200 тонна талаб этилади тумандаги 23 та чакана савдо корхоналари томонидан аҳолига узлуксиз етказиб берилмоқда.

Ўсимлик ёғи 848 тонна талаб этилади ушбу маҳсулотни тумандаги савдо ташкилотлари томонидан Каттақўрғон ёғ мой заводидан ва Самарқанд шаҳардаги ёғ базаларидан олиб келинмоқда.

Шакарга 1 минг 25 тонна талаб этилиб Хоразм вилояти ва Украина давлатидан тумандаги савдо корхоналари томонидан узлуксиз олиб келиниши таъминланади.

0