Преступник за решеткой

Кореяга ишга юборишни ваъда қилган фирибгар қўлга тушди

157
Фуқаро уч кишини Кореяга ишга юборишни ваъда қилиб, “хизмати” эвазига катта миқдорда пул талаб қилган.

ТОШКЕНТ, 18 июн — Sputnik. Кореяга ишга юборишни ваъда қилган фирибгар қўлга тушди.

Тошкент шаҳар ИИББ матбуот хизматининг хабар қилишича, ўтган йилнинг март ойида 52 ёшли самарқандлик Мирравшан Х. таниши бўлган 49 ёшли фарғоналик Ҳусниддин С.га ўғли ва икки нафар жиянларини Корея Республикасига ишга юборишни ваъда қилган.

Ўз “хизматлари” эвазига жабрланувчидан 1500 долларни санаб олган. Аммо фирибгар ўз ваъдасида турмасдан пулларни ўз эҳтиёжига сарфлаб юборган.

Ушбу ҳолат бўйича жиноий иш қўзғатилди.

Аввалроқ Тошкентда 1,08 миллиард сўмни ўзлаштириб юборган тадбиркор қўлга олингани хабар қилинган эди.

157
Массаж

Тошкентда спа салонни фоҳишахонага айлантирган шахс аниқланди

269
Жиноят қидирув ходимлари 52 ёшли Абдуғани Х. 600 минг сўм эвазига спа салонда ишрат учун жой ажратиб берганини аниқлашди.

ТОШКЕНТ, 30 сен — Sputnik. Тошкентда спа салонда интим хизмат кўрсатиш билан боғлиқ ҳолат аниқланди. Бу ҳақда пойтахт ИИББ матбуот хизмати хабар қилмоқда.

26 сентябрь куни соат 22:5 да Учтепа туманида профилактик тадбир ўтказилган. Унда жиноят қидирув ходимлари 52 ёшли Абдуғани Х. 600 минг сўм эвазига спа салонда ишрат учун жой ажратиб берганини аниқлашган.

Мазкур ҳолат юзасидан Ўзбекистон Жиноят кодексининг 131 моддаси 2 қисми (Қўшмачилик қилиш ёки фоҳишахона сақлаш) билан жиноий иш қўзғатилган.

Ҳозирда тергов ҳаракатлари олиб борилмоқда.

269
Новорожденный. Архивное фото

Термизда янги туғилган чақалоқ меҳрибонлик уйи дарвозаси тагига ташлаб кетилди

135
Чақалоқ 27 сентябрь куни Термиз шаҳридаги 12-меҳрибонлик уйининг дарвозаси тагига ташлаб кетилган. Ҳозирча уни ким ташлаб кетгани маълум эмас.

ТОШКЕНТ, 29 сен — Sputnik. Сурхондарё вилояти Термиз шаҳрида пост-патруль хизмати ходими кўчага ташлаб кетилган янги туғилган чақалоқ (қиз)ни топиб олди. Бу ҳақда “Замон” дастурида маълум қилинди.

Маълум бўлишича, чақалоқ 27 сентябрь куни Термиз шаҳридаги 12-меҳрибонлик уйининг дарвозаси тагига ташлаб кетилган. Шу ҳудуддаги ички ишлар ходими эрталаб соат 06:00 ларда дарвоза тагидаги қопдан чақалоқни топиб олади ва дарҳол тез тиббий ёрдамга хабар беради.

Шундан сўнг тез ёрдам ходимлари келиб, чақалоқни вилоят перинатал марказига олиб кетишган. Ҳозирда унинг аҳволи яхши экани айтилмоқда.

Пост-патруль хизмати ходимининг сўзларига кўра, ҳозирча чақалоқни ким ташлаб кетгани маълум эмас.

“Чақалоқни ким ташлаб кетгани бўйича жиноят иши қўзғатилиб, ҳозирда тергов ҳаракатлари олиб борилмоқда”, – дейди ППХ ходими Сарвар Қурбонов.

135
Ракетные установки Азербайджана ударили по Нагорному Карабаху

Қорабоғдаги зиддийлашув ва дронни қўллашдаги "сурия" тажрибаси

127
Тоғли Қорабоғдаги ҳарбий ҳаракатлар можаро томонларининг технологик жиҳатдан сезиларли тараққий этганини намоён қилмоқда, деб ёзади ҳарбий шарҳловчи Александр Хроленко

Озарбайжон ва Арманистон қўшинлари разведка ва зарба учувчисиз учиш қурилмалари (УУҚ)дан - "сурия тажрибаси"ни ҳисобга олган ҳолда фаол фойдаланишмоқда. Бу табиийки жонли куч ва техникада йўқотишлар сони ортишини келтириб чиқармоқда.

Яқин ўтмишда рўй берган худди шу сингари жанговар ҳаракатлардан фарқли ўлароқ, Қорабоғдаги ҳозирги оғир аслаҳалар қўлланилаётган зиддият жанг майдонида олинган видео билан кечаётганига гувоҳ бўлмоқдамиз. Бу кадрларда Озарбайжон ва Арманистоннинг ҳавода мунтазам кузатилаётган разведка ва зарба дронларини кўриш мумкин.

Арманистон ҳарбий идораси маълумотларига кўра, озарбайжон қўшинлари 29 сентябрь куни арман ҳудуди Варденис шаҳрида жойлашган ҳарбий қисм бўйлаб туркияда ишлаб чиқарилган дрон ёрдамида авиазарба беришди. Сал олдин Озарбайжон Мудофаа вазирлиги Арманистон қуролли кучлари Қорабоғ билан чегаратуташув жойида аҳоли пунктлари Арманистон ҳарбий кучлари томонидан ўққа тутилгани ҳақида баёнот берган эди.

Позиция жанглари давом этмоқда, рақиблар бир-бирига алоҳида (нуқтали) зарба беришмоқда. Можаро ҳудудидан қочоқлар сезиларли оқимининг йўқлиги ҳам жанговар ҳаракатларнинг нисбатан босиқ характеридан далолат бермоқда.

Қайноқ осмон

Айни вақтда экспертлар ҳамжамияти фақатгина АР ва ОР ҳарбий идораларининг расмий маълумотига таянишлари мумкин. Қорабоғ кучлари гўёки 49та озарбайжон дронларини уриб туширган, ўз навбатида, арман армияси 18та УУҚдан жудо бўлган. Тахминимча, рақамлар ўта бўрттирилган.

Таққослаш учун, ўтган ўн йил мобайнида Тоғли Қорабоғда йигирмага яқин озарбайжон ва арман УУҚлари уриб туширилган эди. Аммо ҳар нега қарамай, минтақадаги дронлар уруши - бу ҳақиқат. Сурия тажрибаси эса шуни кўрсатмоқдаки, замонавий қуролли можароларда учувчисиз комплекслар аҳамияти мунтазам ортиб бормоқда.

Яқин келажакда жанговар ҳаракатлар стратегияси ва тактикаси кўп ҳолларда сунъий онгга эга бўлган разведка олиб бориш ва зарба бериш, юз ва ҳатто минглаб километрлардаги нишонларга "қўли етадиган" автоном учар аппаратлари томонидан белгиланади. Шу бугуннинг ўзида ҳам ЎЎҚлар томонидан жанговар ҳаракатлар зоналарида суткасига 24 соатлик назорат таъминланмоқда.

© Sputnik / Виталий Тимкив

Қорабоғ зиддиятида Боку асосан Исроилда ишлаб чиқарилган, 50 килогача юк кўтаришга қодир ва ҳаракат масофаси 250 км гача бўлган Aerostar, Hermes, Heron ва Harop дронларидан фойдаланмоқда. Бундай аппаратларни разведкада, ўт зарбасини тўғирлашда ҳамда рақибнинг жонли кучи ҳамда енгил зирҳланган техникасига қарши курашда бошқарилувчи жанговар захира сифатида қўллаш мумкин.

ЎЎҚ қимматбаҳо, ва Ҳаводан ҳужумга қарши мудофаа тизимлари воситалари учун етарлича сезилишга эга. Масалан, Hermes 20 миллион долларга яқин туради, аммо уни нишонга сари йўлда уриб туширишлари мумкин. Ҳаражатларни оптималлаштириш учун Озарбайжон исроилнинг Aeronautics Defense компанияси ишлаб чиқарадиган дрон-камикадзе "Орбитер-1К" Systemsнинг хилларидан бирига ўхшаш, ўз-ўзидан тўғирланадиган, кўринувчан ва инфрақизил диапазонларда кузатув оптик-электр тизимига эга, осмонни қўриқловчи "Зарба" жанговар захираларини лицензион ишлаб чиқарилишини йўлга қўйди.

Каттагина маблағга эга бўлмаган ҳолда, Ереван ўз мудофаа саноати имкониятларига таянмоқда. Арманистон "Крунк" типидаги енгил (20 килогача юк кўтариш ва ҳаракат масофаси 150 км бўлган) ҳамда тоғли жойлар учун арзон ва самарали бўлган ўта кичик "Базе" разведка ва зарба аппаратларини ишлаб чиқармоқда ва қўлламоқда. Арман армиясининг 95%дан ортиқ дронлари - маҳаллий ишлаб-чиқарувчилар маҳсулотидир.

Жанубий Кавказ барқарор дунё учун қайноқ нуқта ва юқори технологик қурол учун анча тор бўлиб қолмоқда. Бундай юқоритехнологик қурол борган сари кўпаймоқда. Аммо жанг майдонида томонларнинг бирининг тотал устуворлиги ҳозирча кузатилмаяпти.

127