Полицейский патруль

Москвада мигрантлар иштирокида содир бўлган оммавий муштлашувда бир киши ҳалок бўлди

781
(Янгиланган 16:54 19.06.2019)
Оммавий муштлашувда бир киши ўлдирилди, яна уч киши турли даражадаги тан жароҳати олди.

ТОШКЕНТ, 19 июн - Sputnik. Москва шаҳрида “Электрозаводская” станция метроси яқинида оммавий муштлашув содир бўлди. Бу ҳақда “МК” нашри хабар қилмоқда.

Маълум қилинишича, пичоқбозлик оқибатида Ўрта Осиё миллатига мансуб мигрант ҳалок бўлган.

Ҳуқуқни муҳофаза қилувчи орган ходимларининг хабар қилишича, мигрантлар маст ҳолатда ўзаро жанжаллашишган.

Муштлашувда 4 киши иштирок этгани тахмин қилинмоқда. Улардан уч нафари турли жароҳатлари билан шифохонага ётқизилган, яна бири эса олган жароҳатлари туфайли вафот этган.

Терговчилар ҳодиса жойини кўздан кечириб, жанжалнинг барча иштирокчиларини аниқлашмоқда.

Ҳодиса юзасидан жиноят иши қўзғатилган.

781
Знак аварийной остановки

Тошкентдаги ЙТҲда 20 ёшли қиз қурбон бўлди

146
Яккасарой туманида “Cobalt” машинаси бетон тўсиққа бориб урилди. ЙТҲда уч киши жароҳатланди, бир киши эса қурбон бўлди.

ТОШКЕНТ, 13 авг — Sputnik. Тошкент шаҳридаги йўл-транспорт ҳодисаси оқибатида 20 ёшли қиз қурбон бўлди. Бу ҳақда пойтахт ИИББ матбуот хизмати хабар қилмоқда.

Хабарда ёзилишича, 11 август куни Қушбеги массивида 19 ёшли Д.М. “Cobalt” русумли автомобилни бошқариш давомида бошқарувни йўқотиб, бетон тўсиққа бориб урилган. 

ЙТҲ натижасида ҳайдовчи ва унинг уч нафар йўловчилари – 20 ёшли Н.Б., Д.Ш. ва А.К.лар тан жароҳати олган ва шифохонага олиб борилган. Тиббиёт ходимларининг саъй-ҳаракатларига қарамасдан А.К. шифохонада вафот этди.

Ҳодиса сабаблари аниқланмоқда.

Ҳолат юзасидан Ўзбекистон Жиноят кодексининг 266 моддаси 2 қисми билан жиноий иш очилган.

146
Наручники на двери клетки

Журналист Бобомурод Абдуллаев Қирғизистонда ҳибсга олинди

212
Журналист Бобомурод Абдуллаев Бишкекда Ўзбекистон сўровига асосан қўлга олинди. Ҳозирда унинг экстрадицияси масаласи ҳал қилинмоқда.

ТОШКЕНТ, 13 авг — Sputnik. Ўзбекистон фуқароси, журналист Бобомурод Абдуллаев Қирғизистонда ҳибсга олинди. Бу ҳақда Бош прокуратура матбуот хизмати хабар қилди.

“Ўзбекистон Республикасининг сўровига асосан, 22.01.1993 йилдаги “Фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар тўғрисида”ги Минск Конвенциясига мувофиқ, Б.Абдуллаев Қирғизистон Республикаси ҳуқуқ-тартибот идоралари томонидан қўлга олинган”, - дейилади хабарда.

Ҳозирги кунда унинг Ўзбекистонга экстрадиция қилиниши масаласи ҳал қилинмоқда.

2018 йилда Тошкент шаҳар суди “Усмон Ҳақназар” тахаллуси остида мақолалар чоп этиб келган журналист Бобомурод Абдуллаевни Ўзбекистон конституциявий тузумига тажовуз қилганлик учун уч йил ахлоқ тузатиш ишларига маҳкум қилган ва суд залида озод қилган эди. Ушбу жиноий иш бўйича айбланган яна уч кишига қўйилган айблар олиб ташланган ва улар суд залида озодликка чиқарилган эди.

212

Энди шимол томондан: Россия қирувчиси АҚШ самолётини тўхтатди

426
(Янгиланган 22:20 13.08.2020)
Россия МиГ-31бм қирувчи самолёти Баренц денгизи устида чегарага яқинлашиб келаётган АҚШ разведка самолётини тўхтатиб қолди.

ТОШКЕНТ, 13 авг — Sputnik. Россия қирувчилари Баренц денгизи осмонидан АҚШ самолётини тўхтатди. Бу ҳақда РИА Новости Россия Федерациясининг Миллий мудофаа назорати марказига асосан хабар қилди.

13 август куни Россиянинг Баренц денгизидаги нейтрал сувлар устидан фазовий назорат қилиш мосламалари Россия Федерациясининг давлат чегарасига яқинлашаётган нишонни пайқаб қолди. Нишонни аниқлаш учун Шимолий флотнинг ҳаво мудофаа кучлари навбатчиликда бўлган МиГ-31бм қирувчи самолёт ҳавога кўтарилди.

Россия қирувчи экипажи хавфсиз масофада АҚШнинг Р-8А "Посейдон" самолётини аниқлади.

Америка самолёти Россия Федерациясининг давлат чегарасидан бурилгандан сўнг, Россия қирувчиси аэродромга қайтди. Россиянинг МиГ-31бм қирувчи самолётининг парвози ҳаво майдонларидан фойдаланиш бўйича халқаро қоидаларга қатъий мувофиқ амалга оширилди.

Америка ҳарбий самолётига Россия Федерациясининг давлат чегарасини бузишга йўл қўйилмади.

АҚШ ва НАТО самолётлари Россия чегараси яқинида мунтазам равишда разведкани амалга оширадилар. Улар кўпинча Қрим ва Краснодар ҳудуди яқинида, Болтиқ денгизи устида ва Суриядаги Россия Мудофаа вазирлигининг базалар атрофида қайд этилган.

426