O‘zbekistonda yana uch kamerunlik firibgarlikda gumonlanmoqda

TOShKENT, 9 okt - Sputnik. O‘zbekiston IIV huzuridagi Tergov tepartamenti firibgarlikda gumon qilinayotgan yana uch nafar Kamerun fuqarolari suratlarini e’lon qildi.

Hozirda ular jinoyat sodir etishda gumon qilinib, tergovga jalb qilingan.

Suratlardagi shaxslarning jinoiy xatti-harakatlaridan jabr ko‘rgan fuqarolar yaqin bo‘lgan ichki ishlar bo‘limlariga yoki 102 telefon raqamiga, shuningdek, Tergov departamentining (71) 231-30-97, (71) 231-36-22, (71) 233-65-34 hamda Jinoyat qidiruv bosh boshqarmasining (71) 231-34-33 telefon raqamlariga murojaat qilishlari mumkin.

Eslatib o‘tamiz, avvalroq to‘rt nafar Kamerun fuqarolariga nisbatan qo‘zg‘atilgan jinoyat ishi bo‘yicha dastlabki tergov harakatlari olib borilayotgani haqida xabar bergan edik.