Женщина в наручниках

Тошкентда 26 ёшли фуқарони рафиқаси шафқатсизларча ўлдирди

971
(Янгиланган 17:11 10.10.2019)
Хотин ўз эрини ўлдириш мақсадида қариндоши билан жиноий тил бириктирган. Эркак аввалига дазмол электр сими билан бўғилган. У ҳимояланиб, яқин қариндошларини ёрдамга чақира бошлаган вақтида хотини унга ташланиб, юзини ёстиқ билан босган.

ТОШКЕНТ, 10 окт – Sputnik. Бош прокуратура Камолон маҳалласида содир этилган қасддан одам ўлдириш жинояти юзасидан баёнот берди.

Хабарда ёзилишича, 05 октябрь куни соат тахминан 04:30ларда Шайхонтоҳур тумани, Киркий кўчасида жойлашган уйнинг ётоқхонасидан, шу хонадонда истиқомат қилиб келган Аббос А.нинг (1993 й.т., ХАТБ “Универсал банк” Тошкент филиали бўлим бошлиғи лавозимида ишлаган) мурдаси бўйин соҳасидан дазмол шнури билан бўғилган ҳолатда топилган.  

Суд тиббий экспертизасининг дастлабки хулосасига кўра, Аббос А.нинг ўлими бўйин аъзоларининг сиртмоқ билан бўғилишидан келиб чиққан механик асфикция натижасида юз берганлиги аниқланган.

Тезкор-тергов ҳаракатларида аниқланишича, Камола А. турмуш ўртоғи Аббос А. билан ўрталарида келиб чиққан ўзаро низо сабабли уни қасддан ўлдириш ҳақида қариндоши Отабек Х. билан жиноий тил бириктирган.  Отабек Х. 04 октябрь куни соат 19-00ларда Аббос А.нинг яшаш уйига келиб, хонадон меҳмонхонасидаги стол остига беркиниб олган ва Камола А. билан унинг турмуш ўртоғи Аббос А.ни ўлдириш учун қулай фурсат кутган.

05 октябрга ўтар кечаси соат 00-30ларда ётоқхонага кириб, Аббос А. уйғоқ бўлганлиги сабабли унинг устига чиқиб, юз қисмига чап қўли мушти билан бир неча зарбалар берган. Сўнгра олдиндан тайёрлаб қўйилган дазмол электр сими билан бўйин соҳасидан бўға бошлаган.

Натижада, Аббос А. ўзига нисбатан бўлаётган тажовуздан ҳимояланиб, яқин қариндошларини ёрдамга чақира бошлаган вақтида Камола А. ўз турмуш ўртоғининг юз қисмига ёстиқ билан босиб, унинг нафас йўлларини беркитиб, Аббос А.ни қасддан ўлдирган.

Сўнгра, Отабек Х. хонадонда бўлган марҳум Аббос А.га тегишли 2 та телефон, 500 доллар ва 110.000 сўм пулларини ҳамда жиноят изларини яшириш мақсадида шериги Камола А.га тегишли 1 дона телефон ва тилла тақинчоқларини қўлга киритиб, воқеа жойидан яширинган.

Камола А. эса жинояти фош этилишини олдини олиш ва жавобгарликдан қутилиб қолиш мақсадида шу кеча унга ва турмуш ўртоғига нисбатан номаълум шахслар томонидан босқинчилик содир этилганлигини айтиб, марҳумнинг ота-онасини ўйғотган.

Тергов давомида Отабек Х.нинг яшаш хонадонида ўтказилган тинтув давомида Аббос А.нинг уйидан олиб кетилган тилла буюмлар ертўлага яшириб қўйилганлиги аниқланиб, ашёвий далил сифатида олинган.

Иш бўйича Отабек Х. ва Камола А.лар жиноят ишида айбланувчи тариқасида иштирок этишга жалб қилиниб, уларга нисбатан ЖКнинг 97-моддаси 2-қисми “п” банди билан айблов эълон қилинган ва эҳтиёт чораси сифатида қамоқ қўлланилган.

971
Девушка в поле

Бухорода жанжаллашган қайнота ва куёвни ажратмоқчи бўлган аёл дўппосланди

211
Бухорода 30 ёшли қайнота куёви билан жанжаллашган. Қайнота уларни ажратиш учун келган аёлни дўппослаган.

ТОШКЕНТ, 7 июл — Sputnik. Бухорода қайнота ва куёвнинг жанжали жиноят иши очилиши билан якунланди. Бу ҳақда ИИВ ҳузуридаги Тергов департаменти хабар қилмоқда.

Ҳодиса 26 июнь куни Бухоро шаҳрида жойлашган Перинатал маркази олдида содир бўлган. 30 ёшли Н.Р. куёви Ж.С. билан жанжаллашган. Бунга ўзаро олдиндан бўлган келишмовчилик сабаб бўлган. Н.Р. уларни ажратиш учун келган аёлни дўппослаб, ўртача оғир тан жароҳати етказган.

Мазкур ҳолат юзасидан Жиноят кодексининг 277-моддаси 3-қисми “г” банди (Безорилик) билан жиноят иши қўзғатилган.

Тергов ҳаракатлари олиб борилмоқда.

211
Теглар:
ҳодиса, Бухоро

"Карантин баҳонасида": Наманганда мансабдорлар катта миқдорда давлат маблағларини ўмарди

383
Хабарга кўра, ҳолат Бош прокуратура ҳузуридаги Департаментнинг Наманган вилоят бошқармаси томонидан ўтказилган терговга қадар текшируви давомида аниқланган.

ТОШКЕНТ, 7 июл - Sputnik. Наманганда санитария-эпидемиология осойишталик марказидаги талон-тарожликлар фош этилди, деб хабар берди Бош прокуратура матбуот-хизмати.

Ҳолат Бош прокуратура ҳузуридаги Департаментнинг Наманган вилоят бошқармаси томонидан ўтказилган терговга қадар текшируви давомида аниқланган.

Наманган вилояти Санитария-эпидемиология осойишталик маркази мансабдор шахслари "F.B.", "A.T." ва "H.S." МЧЖлар билан тузилган шартномага мувофиқ, 275,9 млн сўм бўлган "гипохлорид калций" дезинфекцияловчи воситаларни 524,8 млн сўмга, яъни ўртача бозор нархидан 248,9 млн сўмга қиммат нархларда сотиб олиб, жуда кўп миқдордаги бюджет маблағларини талон-торож қилганликлари аниқланган.

Мазкур ҳолат юзасидан марказнинг мансабдор шахсларига нисбатан Жиноят кодексининг 167-моддаси 3-қисми билан жиноят иши қўзғатилиб, тергов ҳаракатлари ўтказилмоқда.

383
Мавзу:
COVID-19 умумжаҳон пандемияси
Ведущий научный сотрудник Центра Корейских исследований Института Дальнего Востока РАН Евгений Ким

Ўзбекистон ва Жанубий Корея ўзаро савдони 5 миллиард $гача етказиши мумкинми - эксперт

152
(Янгиланган 21:33 07.07.2020)
Россия Фанлар академиясининг Узоқ Шарқ институти Корейс тадқиқотлари марказининг етакчи илмий ходими Евгений Ким икки республиканинг ўзаро ташқи савдосини амалга оширишга нима тўсқинлик қилиши мумкинлиги юзасидан ўз фикрларини айтди.

6 июль куни Сеулда Ўзбекистон бош вазир ўринбосари - Инвестициялар ва ташқи савдо вазири Сардор Умурзоқов ва Жанубий Корея савдо, саноат ва энергетика департаменти раҳбари Сонг Юн Мо музокаралар ўтказди. Учрашув давомида, 2019 йил охирида мамлакатлар ўртасидаги савдо ҳажми 27 фоизга ўсиб, 2,7 миллиард долларни ташкил этгани қайд этилди - бу сўнгги беш йил ичидаги энг юқори кўрсаткич. Томонлар 2023 йилга қадар ўзаро савдо ҳажмини 5 миллиард долларга етказиш учун барча шарт-шароитлар мавжуд, деб ҳисоблашмоқда.

Россия Фанлар академиясининг Узоқ Шарқ институти Корейс тадқиқотлари марказининг катта илмий ходими Евгений Кимнинг таъкидлашича, беш миллиард доллар - Жанубий Кореянинг ташқи савдо айланмасининг 0,35 фоизини ташкил этади.

Унинг сўзларига кўра, савдо ҳажмини ушбу кўрсаткичга етказиш режалари, айниқса Жанубий Корея Ўзбекистон билан ҳамкорлик қилиш йиллари давомида 3 миллиард долларга яқин сармоя киритганини ҳисобга олсак, жуда яхши.

Бироқ, экспертнинг фикрига кўра, ҳамма нарса пандемиядан кейин икки мамлакат иқтисодиёти қанчалик тез тикланишига боғлиқ бўлади.

"Масалан, Жанубий Корея ва Хитой ўртасидаги муносабатлар қандай ривожланиши муҳим. Бу йил коронавирусдан олдин бўлган савдо ҳажмини тиклай олмасликлари эҳтимолидан холи эмас. Бу баъзи бир, Ўзбекистон Жанубий Кореяга етказиб бера оладиган маҳсулотларга талабнинг пасайишига олиб келиши мумкин, чунки Ўзбекистон юқори технологияли саноат маҳсулотларини етказиб берувчиси эмас, балки хом ашёни етказиб беради. Жанубий Кореядан экспорт ҳажми камайса, хом ашёга бўлган талаб ҳам пасаяди", - деди Евгений Ким.

Экспертнинг тўлиқ изоҳини Sputnik подкастида тинглашингиз мумкин.

Смогут ли Узбекистан и Южная Корея довести объем торговли до $5 млрд — мнение эксперта
152