Paxta neft zavodi

Ўзбекистон стратегик объектларининг бирида навбатдаги талон-тарожлик

423
Ўтказилган текширувлар натижасида истеъмолчиларга етказиб берилган нефть маҳсулотларини автотарози орқали харидор ҳақидан уриб қолиш, нефть маҳсулотларини ўзлаштириш, қатор камомад ва ортиқчалик ҳолатлари аниқланди.

ТОШКЕНТ, 8 нояб - Sputnik. “Ўзнефтгазинспекция” томонидан республика бўйлаб назорат тадбирлари ўтказилиши давом эттирилмоқда, хабар бермоқда Энергетика вазирлиги матбуот хизмати.

Навбатдаги текширув ишлари Пахта нефть базасида бўлиб, ушбу жамият томонидан нефть маҳсулотларини қабул қилиш, сақлаш, тарқатиш, кирим-чиқиш ҳисобининг юритилиши ўрганилганда жами 2,7 млрд. сўмлик манбаалар аниқланди.

Жумладан, нефть маҳсулотлари сиғимларидаги маҳсулотнинг ҳақиқий қолдиғи билан ҳисобхона қолдиғи таққосланганда жами 300,0 млн. сўмлик 32,0 тонна камомад ҳамда 0,476 млн сўмлик 0,083 тонна ортиқчалик мавжудлиги аниқланди.

Жорий йил мартдан-октябрга қадар истеъмолчиларга етказиб берилган нефть маҳсулотларини автотарози орқали харидор ҳақидан уриб қолиш ҳисобига 1 млрд 614 млн сўмлик 222,5 тонна нефть маҳсулотлари ўзлаштирилганлиги маълум бўлди. (Маҳсулот қиймати 2019 йил 10 октябрь ҳолатига бўлган ўртача биржа котировкалари асосида ҳисобланган).

Шу билан бирга берилган баёнотга кўра, жамиятдаги 26-сиғимда сақланаётган 111 468 кг миқдордаги  мойнинг сифати ГОСТ 8581-78 талабига мувофиқ эмас, яъни маҳсулот сифатсиз деб топилган. (Маҳсулот қиймати 2019 йил 7-11 октябрь ҳолатига бўлган ўртача биржа котировкалари бўйича 828,8 млн сўмни ташкил қилади).        

Аҳолига хизмат кўрсатиш ва савдо билан боғлиқ ҳолатларда ҳам камчиликлар қайд этилди. Текширув давомида нефть маҳсулотларининг истеъмолчиларга етказиб берилмаганлиги қайд этилди. Ҳудудга кираверишдаги автомобиль тарозилари қасддан ўзгартириб қўйилган ҳамда автоцистерналар оғирлиги 140 килограммгача камайтириб кўрсатилган.

Натижада, сўнгги ярим йил ичида қарийб 222,5 тонна турли хилдаги нефть маҳсулотлари истеъмолчиларга етказиб берилмай ўзлаштирилгани аниқланди.

Айни пайтда пахта нефть базасининг фаолиятини текшириш ҳуқуқни муҳофаза қилувчи органлар иштирокида давом этмоқда. Текширув натижасида ҳужжатлар тегишли органларга топширилди.

423
На месте столкновения грузовых автомобилей на трассе “Ташкент-Ош”

Намангандаги мудҳиш ЙТҲда уч юк машина ҳайдовчиси қурбон бўлди

261
ЙТҲга “Самс” машинасининг тормоз тизими ишламай қолиши сабаб бўлган. У иккита “Isuzu” машинасини уриб юборган ва ағдарилиб ёниб кетган.

ТОШКЕНТ, 4 июн — Sputnik. Наманган вилоятида учта юк машинаси иштирокида йирик йўл-транспорт ҳодисаси содир бўлди.

ИИВ ҳузуридаги Тергов департаменти хабарига кўра, ҳодиса 4 июнь куни Поп тумани “Кўшминор” МФЙ ҳудудидан ўтувчи “Тошкент-Ош” автомобиль йўлининг 227 километрида содир бўлган. 63 ёшли “Самс” ҳайдовчиси йўлнинг четида тўхтаб турган 26 ёшли А.Ғ.нинг бошқарувида бўлган “Isuzu” юк автомашинага ва 26 ёшли Н.Р.нинг бошқарувида бўлган иккинчи “Isuzu” юк автомашинанинг орқа қисмига урилиб ағдарилган.

На месте столкновения грузовых автомобилей на трассе “Ташкент-Ош”
На месте столкновения грузовых автомобилей на трассе “Ташкент-Ош”

Бунга тормоз тизими ишламай қолиши сабаб бўлган. Ағдарилган “Самс” юк автоавтомашинанинг кабина қисмида ёнғин юзага келган.

На месте столкновения грузовых автомобилей на трассе “Ташкент-Ош”
На месте столкновения грузовых автомобилей на трассе “Ташкент-Ош”

Натижада “Самс” юк машина ҳайдовчиси А.Р. ва “Isuzu” юк автомашинадан бирининг ҳайдовчиси А.Ғ.лар ҳодиса жойида вафот этганлар, иккинчи “Isuzu” ҳайдовчиси Н.Р. шифохонага олиб кетилаётган вақтида вафот этган.

Мазкур ҳолат юзасидан Жиноят кодексининг 266-моддаси 3-қисми “а” банди (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.

Ҳозирда дастлабки тергов ҳаракатлари олиб борилмоқда.

261
Подготовка школ к новому учебному году в Казани

Синфни таъмирлашда “қобилиятни” ишга солишга чорлаган директор ўринбосари ишдан кетди

244
(Янгиланган 16:34 04.06.2020)
Наманган вилоятида мактаб таъмири билан ҳолат ўрганилди. Натижада мактаб директори вазифасини вақтинча бажарувчиси - маънавий-маърифий ишлар бўйича директор ўринбосари ишдан ҳайдалди.

ТОШКЕНТ, 4 июн — Sputnik. Наманган вилояти Тўрақўрғон туманидаги мактаблардан бирининг таъмири билан боғлиқ ҳолат ўрганиб чиқилди ва тегишли ҳуқуқий баҳо берилди. Бу ҳақда вилоят халқ таълими бошқармаси ахборот хизмати хабар қилди.

Аввалроқ ижтимоий тармоқларда “Салом лаёқатли, қобилиятли синф раҳбарлари!” номли хабар ёритилган эди. Унда Тўрақўрғон туманида ўқув йили якунланиши муносабати билан умумтаълим мактаблари таъмири билан боғлиқ вазиятга оид эътироз ўз ифодасини топган. Хусусан, хабарда синф раҳбарлари ва фан ўқитувчиларига мурожаат қилингани ва синф хонаси таъмирини бошлашлари мумкинлиги айтилган.

Жумладан шундай дейилган интернетда тарқалган хабарда: “... Ўқувчидан ремонтга деб пул сўраманг, ҳомийни қаердан топаман, деб биздан ҳам сўраманг. Лаёқатингизни ва қобилиятингизни ишга солинг!”

Бу хабар вилоят халқ таълими бошқармаси ҳамда Тўрақўрғон тумани халқ таълими бўлими томонидан ишчи гуруҳ тузилиб, ўрганилди.

Ўтказилган суриштирув натижаларига кўра, ушбу хабарни тумандаги 36- умумий ўрта таълим мактаби директори вазифасини вақтинча бажарувчиси - маънавий-маърифий ишлар бўйича директор ўринбосари Б.Н. шахсий телефони орқали телеграм тармоғи орқали ўқитувчиларга етказганлиги аниқланди.

У муассасада ишловчи ходимларни таълим муассасасини таъмирлаш учун хомий топишга жалб қилган.

Ўрганиш натижасига кўра, Б.Н. вилоят халқ таълими бошқармаси бошлиғининг буйруғи билан эгаллаб турган лавозимидан озод этилган.

244

Мирзиёев Фарғонага жўнаб кетди

40
Президент Шавкат Мирзиёев аҳоли ҳаёти, ижтимоий-иқтисодий ислоҳотларнинг бориши билан танишиш мақсадида Фарғона вилоятига жўнаб кетди.

ТОШКЕНТ, 5 июн - Sputnik. Президент Шавкат Мирзиёев Фарғонага жўнаб кетди, деб хабар бермоқда давлат раҳбари матбуот-хизмати.

"Президент Шавкат Мирзиёев аҳоли ҳаёти, ижтимоий-иқтисодий ислоҳотларнинг бориши билан танишиш мақсадида Фарғона вилоятига жўнаб кетди", - дейилади хабарда. 

Сафар давомида тўқимачилик, ҳунармандчилик, ахборот технологиялари, қишлоқ хўжалиги корхоналари бориб кўрилади, бунёдкорлик ишлари кўздан кечирилади.

40