Сотрудник следственного изолятора

Ўзбекистон ИИВ кореялик "ишбилармондан" жабр кўрган фуқароларни қидирмоқда

250
Айни вақтда Корея Республикаси фуқароси Kang Namkyu ушбу жиноий ишда гумонланувчи сифатида жалб қилинган.

ТОШКЕНТ, 8 ноя - Sputnik. Ўзбекистон Ички ишлар вазирлиги Корея Республикаси фуқароси ҳаракатларидан жабр кўрган ўзбекистонликларга мурожаат қилди, деб хабар бермоқда Sputnik Ўзбекистон мухбири.

Илгарироқ, "Korean and Migration xususiy bandlik agentligi" МЧЖ раҳбарларига нисбатан ИИВ қошидаги Тергов департаменти томонидан жиноий иш қўзғатилгани ҳақида хабар берилган эди.

Хусусан, "Кун.уз" хабарига кўра, "Korean and Migration xususiy bandlik agentligi" хорижда ишга жойлаштиришга кўмаклашиш ниқоби остида ташкил этилиб, жамиятга мурожаат қилган 645 нафардан зиёд фуқароларнинг ҳар биридан 27 миллион сўмдан 32 миллион сўмгача - жами 12 миллиард сўмдан ортиқ пулни қўлга киритган ва ушбу маблағлар МЧЖ раҳбарлари томонидан шахсий манфаатлар йўлида сарфлаб юборилган.

Айни вақтда Корея Республикаси фуқароси Kang Namkyu ушбу жиноий ишда гумонланувчи сифатида жалб қилинган.

ИИВ Корея фуқаросидан жабр кўрган шахслар бўлса, Тергов департаментининг қуйида келтирилган телефон рақамлари орқали мурожаат қилишни сўрамоқда.

250
На месте столкновения грузовых автомобилей на трассе “Ташкент-Ош”

Намангандаги мудҳиш ЙТҲда уч юк машина ҳайдовчиси қурбон бўлди

294
ЙТҲга “Самс” машинасининг тормоз тизими ишламай қолиши сабаб бўлган. У иккита “Isuzu” машинасини уриб юборган ва ағдарилиб ёниб кетган.

ТОШКЕНТ, 4 июн — Sputnik. Наманган вилоятида учта юк машинаси иштирокида йирик йўл-транспорт ҳодисаси содир бўлди.

ИИВ ҳузуридаги Тергов департаменти хабарига кўра, ҳодиса 4 июнь куни Поп тумани “Кўшминор” МФЙ ҳудудидан ўтувчи “Тошкент-Ош” автомобиль йўлининг 227 километрида содир бўлган. 63 ёшли “Самс” ҳайдовчиси йўлнинг четида тўхтаб турган 26 ёшли А.Ғ.нинг бошқарувида бўлган “Isuzu” юк автомашинага ва 26 ёшли Н.Р.нинг бошқарувида бўлган иккинчи “Isuzu” юк автомашинанинг орқа қисмига урилиб ағдарилган.

На месте столкновения грузовых автомобилей на трассе “Ташкент-Ош”
На месте столкновения грузовых автомобилей на трассе “Ташкент-Ош”

Бунга тормоз тизими ишламай қолиши сабаб бўлган. Ағдарилган “Самс” юк автоавтомашинанинг кабина қисмида ёнғин юзага келган.

На месте столкновения грузовых автомобилей на трассе “Ташкент-Ош”
На месте столкновения грузовых автомобилей на трассе “Ташкент-Ош”

Натижада “Самс” юк машина ҳайдовчиси А.Р. ва “Isuzu” юк автомашинадан бирининг ҳайдовчиси А.Ғ.лар ҳодиса жойида вафот этганлар, иккинчи “Isuzu” ҳайдовчиси Н.Р. шифохонага олиб кетилаётган вақтида вафот этган.

Мазкур ҳолат юзасидан Жиноят кодексининг 266-моддаси 3-қисми “а” банди (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.

Ҳозирда дастлабки тергов ҳаракатлари олиб борилмоқда.

294
Подготовка школ к новому учебному году в Казани

Синфни таъмирлашда “қобилиятни” ишга солишга чорлаган директор ўринбосари ишдан кетди

258
(Янгиланган 16:34 04.06.2020)
Наманган вилоятида мактаб таъмири билан ҳолат ўрганилди. Натижада мактаб директори вазифасини вақтинча бажарувчиси - маънавий-маърифий ишлар бўйича директор ўринбосари ишдан ҳайдалди.

ТОШКЕНТ, 4 июн — Sputnik. Наманган вилояти Тўрақўрғон туманидаги мактаблардан бирининг таъмири билан боғлиқ ҳолат ўрганиб чиқилди ва тегишли ҳуқуқий баҳо берилди. Бу ҳақда вилоят халқ таълими бошқармаси ахборот хизмати хабар қилди.

Аввалроқ ижтимоий тармоқларда “Салом лаёқатли, қобилиятли синф раҳбарлари!” номли хабар ёритилган эди. Унда Тўрақўрғон туманида ўқув йили якунланиши муносабати билан умумтаълим мактаблари таъмири билан боғлиқ вазиятга оид эътироз ўз ифодасини топган. Хусусан, хабарда синф раҳбарлари ва фан ўқитувчиларига мурожаат қилингани ва синф хонаси таъмирини бошлашлари мумкинлиги айтилган.

Жумладан шундай дейилган интернетда тарқалган хабарда: “... Ўқувчидан ремонтга деб пул сўраманг, ҳомийни қаердан топаман, деб биздан ҳам сўраманг. Лаёқатингизни ва қобилиятингизни ишга солинг!”

Бу хабар вилоят халқ таълими бошқармаси ҳамда Тўрақўрғон тумани халқ таълими бўлими томонидан ишчи гуруҳ тузилиб, ўрганилди.

Ўтказилган суриштирув натижаларига кўра, ушбу хабарни тумандаги 36- умумий ўрта таълим мактаби директори вазифасини вақтинча бажарувчиси - маънавий-маърифий ишлар бўйича директор ўринбосари Б.Н. шахсий телефони орқали телеграм тармоғи орқали ўқитувчиларга етказганлиги аниқланди.

У муассасада ишловчи ходимларни таълим муассасасини таъмирлаш учун хомий топишга жалб қилган.

Ўрганиш натижасига кўра, Б.Н. вилоят халқ таълими бошқармаси бошлиғининг буйруғи билан эгаллаб турган лавозимидан озод этилган.

258
Виза в паспорте

Авиакомпаниялар Ўзбекистонга келувчи йўловчилар ҳақида ДХХга олдиндан хабар қилади

53
(Янгиланган 11:06 05.06.2020)
Ушбу йилнинг 1 июлидан бошлаб брча хорижий авиакомпаниялар йўловчилар паспорт маълумотларини ДХХ Чегара қўшинларига олдиндан хабар қилиш тартиби ўрнатилади.

ТОШКЕНТ, 5 июн - Sputnik. Ўзбекистонга учаётган хорижий мамлакатлар ҳаво кемалари ўз йўловчилари бўйича дастлабки маълумотни тақдим этиш тартиби белгиланди деб хабар қилмоқда Ўзбекистон Туризмни ривожлантириш қўмитаси.

Янги тартибга кўра, 1 июлдан бошлаб хорижий авиакомпаниялар йўловчилар тўғрисидаги дастлабки маълумотларни Ўзбекистон ДХХнинг Чегара қўшинларига тақдим этиши шарт. 

"2020 йилнинг 1 июль кунидан бошлаб Ўзбекистон Республикасига парвозларни амалга ошираётган хорижий мамлакатлар ҳаво кемаларининг барча эксплуатантлари томонидан йўловчилар тўғрисидаги дастлабки маълумотлар ИКАОнинг стандарт форматида Давлат хавфсизлик хизматининг Чегара қўшинларига тақдим этилади", - дейилган хабарда.

Ушбу тартибни жорий этиш Ўзбекистон Вазирлар Маҳкамасининг 2020 йил 19 майдаги “Ўзбекистон Республикаси Давлат хавфсизлик хизматининг Чегара қўшинлари бўлинмаларига хорижий мамлакатларнинг ҳаво кемалари эксплуатантлари томонидан йўловчилар бўйича дастлабки маълумот тақдим этилиши тартиби тўғрисидаги низомни тасдиқлаш ҳақида”ги 293-сонли Қарорида белгиланган.

Хабарда айтилишига кўра, мазкур тартибнинг жорий этилиши хорижий туристларнинг мамлакатга келишлари, бўлишлари ва республика ҳудудидан чиқиб кетишларида қўшимча қулайликлар яратишга хизмат қилади.

 

53