TOShKENT, 21 yanv - Sputnik. Rossiya Favqulodda vaziyatlar vazirligi 21-yanvar kuni Tomsk viloyati Asinov tumanida sodir yong‘in joyida olingan fotosuratlarni chop etdi.
Ayni damda mazkur holat yuzasidan voqea joyida xuquqni muhofaza qiluvchi organlari tomonidan tergovoldi surishtiruv ishlari olib borilmoqda. Shuningdek, O‘zbekiston Respublikasi FVV, TIV, IIV hamda hududiy konsullik xizmatlari bilan hamkorlikda halok bo‘lganlarning shaxsiga aniqlik kiritish va ularni vataniga olib kelish bo‘yicha tashkiliy ishlar olib borilmoqda.
Eslatib o‘tamiz, o‘tgan tunda o‘rmon kesish bilan shug‘ullanuvchi OOO "Grinvud" kompaniyasi ishchilari yashayotgan yog‘och uy yonib ketishi oqibatida 11 kishi qurbon bo‘lgan edi.Rossiya FVV dastlabki xabariga ko‘ra ishchilarning barchasi O‘zbekiston fuqarolari bo‘lishi mumkin.
Yog‘och uy ichida bo‘lgan 2 nafar ishchi yong‘indan qutilib qolishga muvaffaq bo‘lishgan. Ayni damda ular tuman shifoxonasida davolanmoqda.