Евгений Бобров

Эксперт мигрантларни рўйхатдан ўтказиш муаммосини қандай ҳал қилиш кераклигини айтди

363
Россиялик ҳуқуқшунос, Фуқаролик жамияти ва инсон ҳуқуқларини ривожлантириш бўйича Россия Федерацияси президенти ҳузуридаги кенгаш раисининг ўринбосари Евгений Бобров мигратларни рўйхатдан ўтказиш муаммоларини қандай ҳал қилиш кераклиги борасида фикрларини билдирди.

Евгений Бобровнинг сўзларига кўра, мигрантларни рўйхатдан ўтказиш тизимида иккита асосий муаммо мавжуд. Бу сохта ҳужжатлар ва “резина уйлар” ҳисобланади.  Бундай уйлар участка нозирлари томонидан мунтазам равишда текшириб турилади ва улар устидан тез-тез шикоят келиб тушади.

Эксперт: Марказий Осиё мигрантлари учун қоидаларни бир хил қилиш вақти келди

“Давлат томонидан ҳеч қандай мажбурий рўйхатга олиш механизми кўзда тутилмаган,  шунинг учун ижарага олувчи ҳамиша четда қолиб кетади”, деди эксперт Sputnik Ўзбекистонга берган интервьюсида.

Унинг маълум қилдишича, хусусан, резина уйлар билан бўлган ҳолатлар кўп ижтимоий гуруҳларнинг рўйхатдан ўтказиш учун зарур бўлган талабларга жавоб бермаслиги билан боғлиқдир. Улар орасида руслар чет элликларга қараганда кўпроқ.

Иқтисодчи: Россияда меҳнат миграцияси ўсишига фақат қонунлар тўсқинлик қилмоқда

Шунинг учун иш жойи бўйича рўйхатдан ўтказиш масаласини кўриб чиқиш лозим. Ушбу ташаббусдаги асосий нарса бу унинг рўйхатга олиш ҳисобининг асосий мезонларига мос келишидир. Статистик жиҳатдан ҳам минтақада қанча киши яшаётганини аниқлаш осон бўлади. Шунингдек, ижтимоий ва транспорт хизматларини тўғри ташкил этишга кўмаклашади.

363

РФдан Ўзбекистонга Қозоғистон орқали қайтишни ҳозирча режалаштирманг - ТИВ

339
Ташқи ишлар вазирлиги расмий ахборотига кўра, Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолмоқда

ТОШКЕНТ, 29 сен - Sputnik. Ўзбекистон ТИВ сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳақида тарқатилаётган хабарларга ишонмасликка чақирмоқда.

"Ўзбекистоннинг Россиядаги дипломатик ваколатоналари хабар беришича, сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳамда Россиядаги Ўзбекистон фуқаролари Қозоғистон ҳудуди орқали Ўзбекистонга қайтишлари мумкинлиги ҳақидаги ёлғон хабарлар тарқалмоқда. Бундан ташқари, йўловчи ташиш билан шуғулланадиган айрим шахслар шахсий автомобил воситаларида Ўзбекистонга қайтиш тўғрисида турли эълонлар тарқатмоқдалар. Ҳамюртларимиздан бу каби ёлғон хабарларга ишонмасликларини сўраймиз. Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолиши ҳақида маълум қиламиз", - дейилади хабарда.

Ҳозирда ватанга қайтишни истагидаги Ўзбекистон фуқаролари учун авиа, темир йўл ва автобус чартер қатновлари ташкил этилмоқда. Ушбу рейсларга чипталар онлайн тарзда сотилмоқда.

Шунингдек, ТИВ 29-сентябр ҳолатига кўра Самара вилоятининг "Кинел", Ростов вилоятининг "Первомайская" ва "Лихая" темир йўл станциялари яқинида Ўзбекистон фуқароларининг тўпланиши кузатилмаётгани ҳақида қўшимча маълумот тақдим этган.

"Коронавирус инфекцияси пандемияси тарқалаётган бир пайтда фуқароларнинг бир жойда тўпланиши уларнинг вирус билан касалланиш эҳтимолини кескин оширади. Бундай ҳолат айниқса қариялар, беморлар, сурункали касаллиги бор фуқаролар учун ниҳоятда хавфлидир.

Россия ҳудудида бўлган ватандошларимиздан жойларда тўпланмаслик, барча карантин талабларига қатъий риоя қилиш ҳамда ўзлари ва яқинлари саломатлигини хавф остига қўймасликларини яна бир бор сўраймиз", - дейилади ТИВ мурожаатида.

339
Мавзу:
Миграция
Иностранные граждане проходят электронное тестирование на знание русского языка

Петербургда мигрантларни мослаштириш маркази очилди

67
(Янгиланган 10:28 29.09.2020)
Марказ ҳуқуқий ва психологик ёрдам кўрсатиш, чет тилларни ўрганиш курсларини ташкил этиш, Россияда вақтинча меҳнат фаолиятини амалга ошираётган Ўзбекистон фуқаролари ҳуқуқларини ҳимоя қилиш, турли тадбир ва семинарлар ўтказишга мўлжалланган

ТОШКЕНТ, 29 сен — Sputnik. Россиянинг Санкт-Петербург шаҳрида Ўзбекистондан вақтинчалик меҳнат фаолиятини амалга ошириш учун борган фуқароларни мослаштириш маркази очилди. Бу ҳақда Ташқи меҳнат миграцияси агентлиги хабар қилмоқда.

Маълум қилинишича, Россия ва Ўзбекистон ўртасида меҳнат миграцияси соҳасида бир қатор масалалар юзасидан музокаралар ўтказиш ва аниқ келишувларга эришиш мақсадида Вазирлар Маҳкамаси ҳузуридаги Хорижда вақтинчалик меҳнат фаолиятини амалга ошираётган Ўзбекистон фуқаролари ҳуқуқларини ҳимоя қилиш ва халқаро иқтисодий ҳамкорлик масалалари департаменти, Бандлик ва меҳнат муносабатлари вазирлиги ва Ташқи меҳнат миграцияси агентлиги вакилларидан иборат делегация аъзолари Россияда бўлиб турибди.

Делегация аъзолари Санкт-Петербург шаҳридаги Ташқи меҳнат миграцияси агентлиги ваколатхонасининг ҳамда “Ишга марҳамат” мономарказининг мослаштириш маркази тантанали очилиш маросимида иштирок этди.

Агентлик хабарига кўра, марказ ҳуқуқий ва психологик ёрдам кўрсатиш, чет тилларни ўрганиш курсларини ташкил этиш, Россияда вақтинча меҳнат фаолиятини амалга ошираётган Ўзбекистон фуқаролари ҳуқуқларини ҳимоя қилиш, турли тадбир ва семинарлар ўтказишга мўлжалланган.

Эслатиб ўтамиз, аввалроқ Москвада мигрантлар учун касб-ҳунар курслари бошлангани хабар қилинган эди.

67
Российский телекомментатор, президент Ассоциации спортивной прессы Санкт-Петербурга Геннадий Орлов

Россиялик шарҳловчи Шомуродовнинг “Женоа”га ўтиши борасида фикр билдирди

0
Элдор Шомуродов Италиянинг “Женоа” клуби асосий таркибида мустаҳкам ўрин ололишига телешарҳловчи Геннадий Орловнинг ишончи комил.

ТОШКЕНТ, 1 окт — Sputnik. Элдор Шомуродов Италиянинг “Женоа” клуби асосий таркибида мустаҳкам ўрин ололади ва мухлисларни  ўйини билан мафтун қилолади. Бунга россиялик телешарҳловчи Геннадий Орловнинг ишончи комил.

“Ўзбек замини футбол истеъдодларини ҳам дунёга келтирмоқда. Элдор қаерда бўлмасин Самарқандда ёки Тошкентда Европага ўйнашга кетадиган ўйинчи бўлиб етишиш мумкинлигини англаш учун энг яхши мисол. Бу бошқа спортчилар учун стимул”, - деди у Sputnik нашрига берган интервьюсида.

Эслатиб ўтамиз, ўзбекистонлик футболчи тўп сураётган “Ростов” клуби Италиянинг “Женоа” клуби билан ҳужумчи трансфери борасида келишувга эришгани хабар қилинган эди.

0