Кореяга кетиш учун имтиҳонлар онлайн трансляция қилинмоқда

574
(Янгиланган 15:47 14.07.2019)
Меҳнат вазирлиги Кореяга кетиш учун ўтказўилаётган имтиҳонларни онлайн трансляция қилмоқда.

ТОШКЕНТ, 14 июл – Sputnik. Бугун Кореяга кетиш учун топшириладиган EPS-TOPIC имтиҳонларига кириш учун корейс тилини билиш бўйича саралаш тест синовлари ўтказилмоқда, деб хабар қилмоқда Меҳнат вазирлиги матбуот хизмати.

Саралаш тест имтиҳонларида жами 750 нафар номзоднинг иштирок этиши белгиланган. Улар тест синовига аввалдан шакллантирилган рўйхат асосида киритилади. Тест синовлари 14 июль куни соат 08:00 дан 20:00 га қадар бўлиб ўтади.

Имтиҳон жараёнининг шаффофлигини таъминлаш мақсадида тест ўтказилаётган бинога ва аудиторияга 30 дан ортиқ кузатув камералари, жараённи тўлиқ кузатиб бориш учун махсус айланма видеокамералар ўрнатилган. Шунингдек, имтиҳон жараёнларини реал вақт давомида кузатиб бориш учун Меҳнат вазирлиги сайтида онлайн намойиш узатилмоқда.

Маълумот учун, имтиҳонда корейс тилидан 40та савол тақдим этилади. Мазкур саволларнинг 20 таси матнли, 20 таси аудио вариант ҳисобланади. Тест саволларини бажариш учун 45 дақиқа ажратилган. Имтиҳон 100 балли тизимда баҳоланиб, ҳар бир тўғри жавоб учун 2.5 балл берилади.

Номзод тест саволларини бажариб бўлгач, тестни якунлаш тугмачасини босади ва шу заҳоти монитор орқали қанча балл тўплаганлигини билиб олади. Бундан ташқари, ҳар бир номзоднинг тест натижалари қоғозда чоп этилиб, номзодга тақдим этилади.

574
Рабочие на строительной площадке

Марказда мигрантлар тақдири: РФдаги ўзбекистонликлар масаласида Парламент сўрови юборилади

734
Россияда меҳнат фаолиятини олиб бораётган барча меҳнат мигрантларининг 25,4 фоизи тегишли патентни расмийлаштирмай ишламоқда. Яъни Россия қонунчилигига кўра ноқонуний фаолият олиб бормоқда.

ТОШКЕНТ, 8 авг - Sputnik. Олий Мажлис Сенатининг олтинчи ялпи мажлисида Россияда вақтинча меҳнат қилаётган Ўзбекистон фуқаролари ҳуқуқларини ҳимоя қилиш масаласи юзасидан Вазирлар Маҳкамасига парламент сўрови юбориш қарори қабул қилинди.

Парламент сўрови фуқароларнинг Ўзбекистон Олий Мажлиси палаталари, президент виртуал ҳамда халқ қабулхоналари, Омбудсман, ҳудудлардаги ҳокимликлар, Россиядаги Ўзбекистон дипломатик миссияларига юборилган мурожаатлар асосида шакллантирилган.   

Россияда вақтинча меҳнат фаолиятини амалга ошираётган Ўзбекистон фуқароларининг долзарб муаммоларини ҳал этиш масаласи Сенатнинг диққат марказида турганлиги, Ўзбекистон-Россия парламентлараро ҳамкорлик бўйича қўшма комиссияси фаолиятининг марказий мавзуларидан бири эканлиги таъкидланди.

Россия томони билан ташқи меҳнат миграцияси жараёнларини тартибга солиш тўғрисида иккита битим, меҳнат фаолиятини амалга ошириш учун фуқароларни ташкилий асосда қабул қилиш, уларнинг республикадан ташқаридаги иш жойига хавфсиз етиб боришини таъминлашнинг қулай шарт-шароитларини яратиш тўғрисида шартномалар тузилган бўлса-да, эришилган давлатлараро битимларни тегишли равишда бажариш билан боғлиқ жиддий муаммолар сақланиб қолмоқда.

Мисол учун, Москва шаҳридаги Ташқи меҳнат миграцияси агентлиги ваколатхонаси маълумотларига кўра, Россияда меҳнат фаолиятини олиб бораётган барча меҳнат мигрантларининг 25,4 %и тегишли патентни расмийлаштирмай, яъни РФ қонунчилигига кўра ноқонуний фаолият олиб бормоқда.

Икки томонлама битимлар борлигига қарамай, фуқароларни ишга ташкилий тарзда жойлаштириш кўрсаткичлари пастлигича колмоқда. Масалан, 2019 йилда Россияда Ташқи меҳнат миграцияси агентлиги ва хусусий агентликлар томонидан ташкилий тарзда қабул қилиш орқали 1425 киши ишга жойлаштирилган.

Тартибсиз меҳнат миграциясининг мавжудлиги, меҳнат мигрантларининг жамиятга мослашуви паст даражадалиги билан боғлиқ муаммолар ҳал этилмаганлиги, рус тилини, Россия Федерациясининг меҳнат ва миграция тўғрисидаги қонун ҳужжатларини суст даражада билиш Ўзбекистон фуқароларининг ҳуқуқларини таъминлашда кўплаб муаммоларни келтириб чиқармоқда.

Сенаторлар томонидан хориждаги фуқароларнинг ҳуқуқ ва манфаатларини ҳимоя қилиш ҳукумат олдида турган устувор масалалар сирасига киришини таъкидлаб ўтилди.

Шундан келиб чиқиб, Олий Мажлис Сенати Ўзбекистон Республикаси Вазирлар Маҳкамасига парламент сўрови юбориш тўғрисида қарор қабул қилди.

734
Мавзу:
Мен - мигрантман. Янги лойиҳа
Вокзал Ташкент-Южный после реконструкции

Ўзбекистон фуқаролари Самара ва Оренбургдан поездларда қайтарила бошлади

282
(Янгиланган 09:33 07.08.2020)
Бугун Тошкент – Кинел – Тошкент йўналишидаги поезд 918 нафар йўловчилар билан тушдан сўнг Ўзбекистон томон ҳаракатланишни бошлайди.

ТОШКЕНТ, 7 авг - Sputnik. Ўзбекистон фуқаролари Россиянинг Самара ва Оренбург вилоятларидан йўловчи поездлар орқали қайтарилмоқда, деб хабар берди Транспорт вазирлиги ахборот хизмати.

Кеча, 6 август куни Ўзбекистон фуқароларини Россия – Қозоғистон давлат чегарасидан ўтказиш масаласи бўйича Республика махсус комиссияси ҳамда Россия ва Қозоғистон томони билан келишувга биноан, Ўзбекистон фуқароларини йўловчи поездлари орқали олиб келиш жараёни бошланди.

Тошкен – Бузулук – Тошкент йўналишидаги поезд 918 нафар йўловчи билан кеча тунда Ўзбекистон томон йўлга чиқди. Тошкент – Кинел – Тошкент йўналишидаги поезд эса бугун 918 нафар йўловчилар билан тушдан сўнг Ўзбекистон томон ҳаракатланишни бошлайди.

Ушбу рейс чипталари фақат Ўзбекистон фуқаролари учун Бузулук ва Кинел вокзалларида сотилди. Бузулук - Тошкент йўналишидаги чипталар нархи 1 287 000 сўм (9. 259 рубл), Кинел - Тошкент – 1 357 000 сўм (9. 761 рубл). Йўл давомида йўловчи поездлар фақат техник кўрик учун тўхтатилади, яъни станция-вокзалларда йўловчиларнинг платформага тушишига рухсат этилмайди.

Поездлар Ўзбекистон Миллий гвардияси, Ички ишлар вазирлиги ва Соғлиқни сақлаш вазирлиги ходимлари кузатуви остида олиб келинади.

Ушбу рейсларда олиб келинган йўловчилар поездлардан тушиши биланоқ Наманган ва Тошкент вилоятларининг карантин зоналарига юборилади. 

Эслатиб ўтамиз, кўрилаётган карантин чоралари сабабли, МДҲнинг қатор давлатларида мамлакатга кириш-чиқишга чекловлар Ўзбекистонда ҳам жорий этилган ва улар Ўзбекистон махсус комиссиясининг тегишли қарори билан бекор қилинмагунича амалдаги кучга эга.

Шу ўринда, ижтимоий тармоқлар ва интернет сайтларида мазкур йўналишда ташкил этилган поездларга чипталар турли хил корупцион схемалар орқали сотилиш ҳолатлари кузатилаётгани тўғрисида асоссиз хабарлар тарқалмоқда.

Транспорт вазирлиги йўловчилардан чипталарни ҳарид қилишда ноқонуний ҳатти-ҳаракатлар содир этилиши билан боғлиқ вазиятларга дуч келган тақдирда 1167 қисқа рақамли ишонч телефонига, шунингдек, "Ўзбекистон темир йўллари" АЖ (71) 299-94-50  ишонч телефонига мурожаат этишларини сўраб қолган.

282
Логотип Google

Россияда Google 1,5 миллион рубль жаримага тортилди

0
Россияда 2018 йил 1 октябрдан қидирув тизимлари маълумотлар тақиқланган ягона реестрга уланишлари ва ундаги сайтларни қидирув натижаларидан истисно қилишлари шарт.

ТОШКЕНТ, 10 авг — Sputnik. Россияда Google тақиқланган ҳаволаларни бергани учун бир ярим миллион рубль жаримага тортилди. Бу ҳақда РИА Новости хабар қилмоқда.

Таъкидланишича, компания такроран қоидабузарлик учун жавобгарликка тортилган. Суд ажрими қонуний кучга кирган, жавобгар жаримани ҳали тўламаган.

Россияда 2018 йил 1 октябрдан қидирув тизимлари маълумотлар тақиқланган ягона реестрга уланишлари ва ундаги сайтларни қидирув натижаларидан истисно қилишлари шарт.

Реестрга уланмаган Google аввал ҳам бир неча марта Россияда тақиқланган сайтларни қидирув натижаларидан етарлича истисно қилмагани учун жаримага тортилган.

0