Пациенты, иллюстративное фото

Элчихона вакиллари шифохонага тушган 69 нафар фуқародан хабар олди

431
(Янгиланган 11:55 21.07.2019)
Элчихона вакиллари Самарада заҳарланиб касалхонага ётқизилган 69 нафар Ўзбекистон фуқароларининг ҳолидан хабар олди.  

ТОШКЕНТ, 21 июл - Sputnik. Қозон шаҳридаги Ўзбекистон бош консули Фариддин Насриев ҳамда Москвада жойлашган Ташқи меҳнат миграцияси вакили Саиднумон Мансуров Самара вилоятига ташриф буюриб заҳарланиш ташҳиси билан касалхонага ётқизилган ўзбекистон фуқароларининг ҳолидан хабар олди, деб хабар қилмоқда ТИВ матбуот хизмати.

Элчихона вакиллари Самара вилоят клиник шифохонаси ҳамда Тольятти шаҳар 1-сонли клиник шифохонасига ташриф буюриб ушбу шифохоналарда даволанаётган Ўзбекистон фуқароларининг  ҳолидан хабар олишди.

Маълум бўлишича, шифохонага ётқизилган фуқаролар сони 69 киши экан. Уларнинг орасида бир нафар ёш бола ҳам бор. Улардан 3 нафари реанимацияда оғир аҳволда. Айни дамда заҳарланиш сабабини аниқлаш бўйича текширув ўтказилмоқда.

Ташриф давомида Ўзбекистон элчихонаси вакиллари ҳудуд раҳбарияти, соғлиқни сақлаш муассасалари раҳбарлари ҳамда “Кошелевский посад” корхонасининг директори билан учрашишди.

Ушбу учрашувлар якунига кўра, қуйидаги келишувларга эришилди:

  • даволаниш билан боғлиқ барча харажатлар иш берувчи томонидан қопланади;
  • меҳнат мигрантларининг паспортлари уларнинг ўз қўлига топширилади;
  • уларнинг яшаш ва овқатланиш шароитларини яхшилаш бўйича чоралар кўрилади;
  • уларнинг маошларини ошириш масаласи кўриб чиқлади;

Ўзбекистоннинг Қозондаги Бош консулхонаси ушбу вазиятни назорат остига олган.

Эслатиб ўтамиз, бир неча кун олдин Самара вилоятида қишлоқ хўжалиги соҳасида фаолият юрутувчи “Кошелевский посад” корхонасининг 70 га яқин ишчилари заҳарланиш ташҳиси билан касалхонага ётқизилган эди. Маълум бўлишича меҳнат мигрантлари алоҳида уйда яшаган ва ўзлари учун ўзлари овқат пиширган. 

431
Папка с документами

Ўзбекистон МДҲда меҳнат миграциясини тартибга солиш тўғрисидаги ҳужжатга қўшилди

219
(Янгиланган 19:00 14.08.2020)
Ушбу қадамнинг мақсади Ҳамдўстлик мамлакатлари ҳудудида меҳнат миграцияси соҳасида ҳамкорликни янада ривожлантиришдир.

ТОШКЕНТ, 14 авг - Sputnik. Ўзбекистон МДҲ мамлакатларида меҳнат, миграция ва аҳолини ижтимоий ҳимоя қилиш бўйича маслаҳат кенгашини тузиш тўғрисидаги битимга ўзгартишлар киритиш тўғрисидаги протоколга қўшилди. Республика раҳбари Шавкат Мирзиёевнинг тегишли қарори Norma.uz сайтида жойлаштирилди.

Маслаҳат кенгаши тўғрисидаги битим 1992 йил ноябр ойида имзоланган, ўзгартиришлар киритиш ҳақида протокол 2016 йил 28 октябрда Минск шаҳрида бўлиб ўтган МДҲга аъзо давлатлар раҳбарларининг учрашувидан сўнг имзоланган.

"МДҲга аъзо давлатлар меҳнат, миграция ва аҳолини ижтимоий ҳимоя қилиш бўйича маслаҳат кенгашини тузиш тўғрисидаги битимга ўзгартириш киритиш тўғрисида протоколга қўшилсин", - дейилади ҳужжатда.

Фармонга мувофиқ битимнинг бажарилиши Ўзбекистон Республикаси Бандлик ва меҳнат муносабатлари вазирлиги зиммасига юклатилди.

Битимга киритилган ўзгартириш ва қўшимчаларнинг мақсади МДҲ ҳудудида меҳнат миграцияси соҳасида ҳамкорликни янада ривожлантиришдир, деб изоҳлашди РИА Новости-га Бандлик вазирлигида.

Вазирлик вакилининг сўзларига кўра, ҳужжат Ҳамдўстлик идораларининг ҳамкорлик бўйича ваколатларини тақсимланишини ва миграция соҳасидаги вазифаларнинг такрорланишини бартараф этишни таъминлайди.

Эслатиб ўтамиз, Ўзбекистон 2020 йил 1 январдан бошлаб МДҲга раислик қилмоқда.

219

Россия меҳнат мигрантлари учун ишчи визасини жорий этиши мумкин

297
Медведевнинг таъкидлашича, янги қоидаларга кўра, меҳнат мигранти иш берувчи унинг иш жойини тасдиқлаган тақдирда Россияга кириши мумкин бўлади.

ТОШКЕНТ, 14 авг - Sputnik. Яқинда Россия Хавфсизлик кенгаши раиси ўринбосари Дмитрий Медведев мамлакатнинг бир қатор субъектларида мигрантлар орасида жиноятчилик ўсаётгани ва бу ҳолатларнинг олдини олиш мақсадида ҳудудий раҳбарлар қўшимча чоралар кўриши лозимлигини маълум қилган эди.

Шу муносабат билан Superjob тадқиқотлар маркази мамлакат аҳолиси ўртасида сўровнома ўтказди ва унда иштирок этганларнинг қарийб 60 фоизи меҳнат мигрантлари учун ишчи визаларини бериш тартибини мураккаблаштириш таклифини қўллаб-қувватлаган.

Медведевнинг таъкидлашича, янги қоидаларга кўра, меҳнат мигранти иш берувчи унинг иш жойини тасдиқлаган тақдирда Россияга кириши мумкин бўлади. Коронавирус пандемияси даврида меҳнат мигрантларининг 40 фоизи ишсиз қолган ва бу Россияда жиноятчиликнинг ўсишига сабаб бўлиши мумкин.

297
Возобновление движения общественного транспорта в Ташкенте

Бугундан Тошкентда жамоат транспорти тўлиқ тикланди

10
Йўловчиларнинг автобус салонига чиқишда ва автобус ичида тиббий ниқобда бўлишлари талаб этилади, тиббий ниқобсиз йўловчилар автобус ва микроавтобуслар салонига чиқарилмайди.

ТОШКЕНТ, 15 авг - Sputnik. 15 августдан Тошкентда жамоат транспорти, автобуслар ва микроавтобуслар ҳаракатланиши тўлиқ тикланади, деб хабар бермоқда Транспорт вазирлиги.

Хабарда айтилишича, 132 та йуналишда 1 105 та автобус йўналишларга чиқарилади. Шунингдек, "Тошшаҳартрансхизмат" АЖ тизимидаги хусусий корхоналар ва 98 та йўналишда 800 дан ортиқ йўналишли таксилар йўловчиларга хизмат кўрсатишни бошлайди.

Йўловчиларнинг автобус салонига чиқишда ва автобус ичида тиббий ниқобда бўлишлари талаб этилади, тиббий ниқобсиз йўловчилар автобус ва микроавтобуслар салонига чиқарилмайди.

Транспорт воситаси доимий равишда ҳар қатновга чиқишдан олдин тўлиқ дезинфекциядан ўтказилади.

Эслатиб ўтамиз, сал олдин 15 августдан бошлаб Ўзбекистонда карантин чоралари юмшатилиши эълон қилинган эди. Куни кеча ушбу муносабат билан махсус комиссия мурожаати эълон қилинди.

Махсус комиссия унда мамлакатдаги барча фуқароларга 2020 йил 10 июлдан буён жорий этилган карантин чекловларига қатъий ва интизомли равишда риоя этганлари учун ўз миннатдорчилигини билдирган.

"Бу коронавирус инфекциясининг тарқалиши билан боғлиқ ҳолатни барқарорлаштириш имконини яратди", - дея таъкидланган баёнотда.

Карантин қоидаларини юмшатиш уни бекор қилишни англатмайди. Касалланишлар сони кўпайишининг олдини олиш мақсадида, Комиссия фуқаролар томонидан шахсий ҳимоя чораларига қатъий риоя қилишни давом эттиришларини сўрайди.

Шу жумладан: жамоат жойларида ниқоб тақиб юриш; ижтимоий масофани сақлаш; қўлларни мунтазам ювиш ва антисептик гигиена воситаларидан доимий фойдаланиш.

Ушбу қоидаларга амал қилинмай, касаллик қайта авж олса қаттиқ карантин чоралари такроран кучга киритилиши мумкин.

10
Мавзу:
COVID-19 умумжаҳон пандемияси