Рабочие на строящемся объекте

Ким қаерда?: Ўзбекистонда Мигрантларнинг ягона базаси ишга туширилди

336
(Янгиланган 16:17 01.10.2019)
Ўлкасидан йироқда меҳнат қилаётган ўзбекистонликларга кўмаклашишни кўзда тутган янги тизим бугундан ўз ишини бошлади.

ТОШКЕНТ, 1 окт - Sputnik. Хорижда меҳнат қилаётган Ўзбекистон фуқаролари тўғрисидаги маълумотлар бугундан - 1 октябрдан – ишга тушди, деб хабар беради РИА Новости.

Янги тизим чет элда ишлаб туриб, мураккаб вазиятга тушиб қолган республика фуқароларига ёрдам бериши кутилмоқда.

Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлиги раҳбар ўринбосари Бахтиёр Турсунов сўзларига қараганда, бу тизим меҳнат миграциясидаги тадқиқотларни янада сифатли ўтказилишига имкон яратади.
Республикада илгари меҳнат мигрантлари статистикаси бўйича автоматик таҳлил ўтказилмас эди. Улар тўғрисидаги маълумотларни алоҳида муассаса ва хизматлар йиғиб борарди. Қайд этиш керакки, меҳнат миграцияси тўғрисидаги ушбу маълумотлардан фақат хизмат доирасида фойдаланиш учун қўлланиш мумкин эди.

Эндиликда, мазкур янги тизимда рўйхатга олинган, хорижда қийин аҳволга тушиб қолган меҳнат мигрантлари дистанцион шаклда (интернет орқали-таҳр.) агентликка - Labor-migration дастури орқали ёрдам учун мурожаат қилишлари мумкин бўлади”, - дейди Турсунов.

Маълум қилинишича, хорижда ишлашга истак билдирган фуқароларга онлайн-режимда - танланган мамлакат қонун-қоидалари, меҳнат, ижтимоий ва маиший шарт-шароитлар, уй-жой билан таъминлашга доир ҳамда хорижий иш берувчи билан меҳнат шартномаларини тузиш, ушбу давлат қонунчилигида назарда тутилган молиявий кўмак чоралари борасида маълумотлар бериб борилади.

"Давлат ушбу базадан фойдаланиш ҳисобига қўшимча солиқларни қўлга киритади, зеро, мигрантлар эндиликда “расмий” ишчи кучи тоифасига киритилади”, - дея мулоҳаза қилади, Central Asia Investments таҳлилчиси Илхат Тушев.

Мигрантларнинг ягона базаси Ўзбекистон президентининг августда имзолаган хорижда вақтинча меҳнат қилаётган мамлакат фуқароларининг ҳимояси билан боғлиқ кафолатларни оширишга йўналтирилган фармонига мувофиқ яратилди.

Ушбу фармонда “Меҳнатнинг ягона миллий тизими” ахборот тизимида сақланаётган ташқи меҳнат миграциясига доир маълумотларни сақловчи Labor-migration дастурининг ишга туширилиши белгиланганди.

336
Иностранные граждане проходят электронное тестирование на знание русского языка

Россияда ўзбекистонлик мигрантларни тил ва касбга ўргатиш қандай ташкил этилади

146
Россияда ўзбекистонлик мигрантлар кечки пайт (иш вақтидан кейин) касб-ҳунар ва рус тилини ўрганиши мумкин бўлади.

ТОШКЕНТ, 13 авг — Sputnik. Россияда меҳнат қилаётган Ўзбекистон фуқароларини Россия таълим муассасаларида касб-ҳунарга ва рус тилига ўқитишни ташкил этиш режалаштирилмоқда. Бу Шавкат Мирзиёев 11 август куни имзолаган қарорда белгилаб қўйилган.

Масъуллар ва тегишли вазирликларга уч ой муддатда Ўзбекистон фуқаролари кўпчиликни ташкил этган Россия ҳудудларида давлат ҳамда нодавлат таълим муассасалари ва марказлари билан музокаралар олиб бориш ва уларни касб-ҳунарга ва рус тилига, айниқса, кечки пайт (иш вақтидан кейин) ўқитишни ташкил этиш вазифаси топширилган.

Гап Москва, Санкт-Петербург, Қозон, Екатеринбург, Новосибирск ва бошқа шаҳарлар ҳақида бормоқда.

Бундан ташқари, Россия халқлар дўстлиги университети (РУДН) ва “Молодые профессионалы (WorldSkills Russia)” иттифоқи билан бу борада ҳамкорлик ўрнатиш чораларини кўриш белгиланган.

Харажатлар Бандлик ва меҳнат муносабатлари вазирлиги ҳузуридаги Хорижда меҳнат фаолиятини амалга оширувчи фуқароларни қўллаб-қувватлаш жамғармаси маблағлари ҳисобидан қопланади.

146

Самарада мигрантларнинг чегара олдида тўпланмаслигини ЙПХ назорат қилади

160
(Янгиланган 17:38 12.08.2020)
Россия-Қозоғистон чегарасида тўпланган меҳнат мигрантлар ватанига қайтарилди. Бироқ минтақа ҳукумати шунга ўхшаш ҳолат яна қайтарилмаслиги учун чора кўрмоқда.

ТОШКЕНТ, 12 авг — Sputnik. Россия чегаралари ва Самара вилоятидан 7 август ҳолатига кўра жами икки мингдан зиёд Ўзбекистон ҳамда юзга яқин Тожикистон фуқаролари олиб кетилди. Бу ҳақда Sputnik Тожикистон нашрига Самара вилояти Инсон ҳуқуқлари бўйича вакили Ольга Гальцова маълум қилди.

Чет эл фуқароларини олиб кетиш босқичма-босқич амалга оширилган. Шунингдек, улар учун барча зарурий шароитларга эга бўлган чодирли лагерь ташкил этилган.

Тожикистон фуқаролари Қозондан 28 июль куни самолётда, Ўзбекистон фуқароларининг сўнгги гуруҳи 7 август куни ватанига жўнатилган.

Лекин шундай эҳтимол борки, мигрантлар фирибгарлик тузоғига илиниб, яна Россия чегаралари яқинига келишга уринишади.

“Самара вилояти Большая Черниговка тумани ҳудудида чет эл фуқаролари тўпланишининг олдини олиш ҳамда уларнинг Оренбург вилояти ҳудудига ўтиш уринишини олдини олиш мақсадида ЙПХ (ДПС) қўйилган”, - дейилган хабарда.

Эслатиб ўтамиз, аввалроқ Россия-Қозоғистон чегарасида тўпланган жами 1850 нафар Ўзбекистон фуқаролари қайтарилган эди. Уларнинг 920 нафари Оренбург вилоятининг “Бузулук”, 930 нафари эса Самара вилоятининг “Кинел” станциясидан поездларда ватанга олиб келинди.

160
Сергей Лавров и Абдулазиз Камилов

Ўзбекистон ва Россия ТИВ раҳбарлари ҳамкорлик истиқболларини муҳокама қилдилар

32
(Янгиланган 09:50 14.08.2020)
Ташқи сиёсат идоралари раҳбарлари Ўзбекистоннинг МДҲга раислиги доирасида кўзда тутилган тадбирларни амалга ошириш бўйича фикр алмашдилар

ТОШКЕНТ, 14 авг - Sputnik. Ўзбекистон Ташқи ишлар вазири Абдулазиз Камилов Россия Федерацияси Ташқи ишлар вазири Сергей Лавров билан телефон орқали мулоқот қилди, деб хабар бермоқда ТИВ матбуот-хизмати.

Суҳбат чоғида сиёсий, савдо-иқтисодий, инвестиция ва маданий-гуманитар жабҳалардаги Ўзбекистон-Россия ҳамкорлигининг ҳозирги ҳолати ва истиқболлари муҳокама қилинди.

Вазирлар дунёда коронавирус атрофида кузатилаётган вазиятни ҳам муҳокама қилиб, савдо-иқтисодий алоқаларга пандемиянинг салбий таъсирини қисқартириш учун яқин ҳамкорликни давом эттиришнинг зарурлигини қайд этдилар.

Турли даражалардаги ҳамда Мустақил Давлатлар Ҳамдўстлиги доирасидаги бўлажак қўшма тадбирларнинг жадвали, кун тартиби ва уларга тайёргарлик кўришнинг ташкилий жиҳатлари кўриб чиқилди.

Ташқи сиёсат идоралари раҳбарлари Ўзбекистоннинг МДҲга раислиги доирасида кўзда тутилган тадбирларни амалга ошириш бўйича фикр алмашдилар.

Телефон орқали мулоқот чоғида халқаро ва минтақавий сиёсатнинг алоҳида мавзулари ҳам кўриб чиқилди.

32