Посетитель в многофункциональном миграционном центре Москвы близ деревни Сахарово

Россияда мигрантларнинг рекорд сони қайд этилди

694
(Янгиланган 18:11 08.10.2019)
Мамлакатга келаётганлар орасида қурувчилик, хизмат кўрсатиш, таъмирлаш, уй-жой коммунал хўжалиги, автомобил йўллар қурилиши каби соҳалар ҳали-ҳануз актуал бўлиб қолмоқда.

ТОШКЕНТ, 8 окт — Sputnik. Россия 2019 йилда рекорд миқдордаги меҳнат мигрантларини қабул килади, деб маълум қилди Плеханов номидаги Россия иқтисодиёт университети лаборатория мудири Елена Егорова.

Жорий йил январь-июль ойларида мигрантлар сони ўтган йилга нисбатан икки бараварга ошганлиги ва 153 минг 912 кишини ташкил қилгани аниқланди.

“Бу сўнгги беш йилда энг юксак кўрсаткич”, - дея таъкидлади тадқиқотчи.

Унинг фикрича, 2019 йил бўйича хулоса бир йиллик кўрсаткичларнинг таққосланиши асосида қилинган. Эҳтимол қилинишича, қолган ойларда миграция ўсиш суръатлари аввалги ҳолида қолади. 

Меҳнат мигрантлари сонининг ўсиш сабаблари қаторида статистик ҳисоботларнинг янги шакллари киритилгани ва мигрантларнинг вақтинча рўйхатга туришга имкониятлари пайдо бўлганлиги қайд этилди. Қолаверса, 2018 йил январь-июль ойларига солиштирганда, бу йилги кўрсаткич бўйича юртларига қайтиб кетаётганлар (4%дан кам) сони камайиб, келаётганларники (19%га кўп) эса ошмоқда.

Е.Егорованинг сўзларига қараганда, мигрантлар орасида МДҲ аъзо-давлатлари – Ўзбекистон, Тожикистон, Украина ва Армения фуқаролари кўпчиликни ташкил этади.

Россиянинг қайси минтақасида мигрантлар учун энг қиммат патент жорий этилган? 

“Бошқа давлатлардан келаётганлар ўрганилганда, кўпроқ Хитой, Сербия ва Сириядан хоҳловчилар талайгина эканлиги аниқланди”, - деди Егорова.

Россияга келаётганлар орасида қурувчилик, хизмат кўрсатиш, таъмирлаш, уй-жой коммунал хўжалиги, автомобил йўллар қурилиши каби соҳалар ҳали-ҳануз актуал бўлиб қолмоқда.

“Бунга қарама-қарши ўлароқ, киритилган санкция ва таъқиқлар туфайли, Европа ва ривожланган дунё мамлакатларидан юқори малакали чет эл фуқароларининг Россияга келишида пасайиш кузатилмоқда”, – қўшимча қилди эксперт.

Бирмунча вақт илгари, РФ ҳукумат аппарати раҳбари муовини Сергей Приходько Россияга ҳар йили 2,5 миллион ўзбекистонлик кириб келаётганлиги тўғрисида маълумот берганди. Россия Федерацияси субъектида ишлаш учун Ўзбекистон фуқароси Россия ИИВнинг ҳудудий бўлинмасида меҳнат қилиш ҳуқуқини берувчи махсус патентни расмийлаштириши кифоя қилади.

694

Путин Россия мигрантлар оқимига муҳтожлигини айтди

1427
Россия президенти Владимир Путин мамлакатга таълим олишга тайёр ёки муайян малака ёхуд касбга эга бўлган ёшлар кераклигини алоҳида таъкидлади

ТОШКЕНТ, 4 июл — Sputnik. Россия иқтисодий ривожланиш учун мигрантлар оқимига эҳтиёж сезади, деб баёнот қилди президент Владимир Путин РФ Конституциясига киритиладиган тузатишларларни тайёрлаш бўйича ишчи гуруҳи аъзолари билан учрашувда.

"Россия мигрантлар оқимидан манфаатдор, аммо мамлакатга зарур бўлган оқимдан. <...> Россия янги фуқаролар оқимига муҳтож, чет давлатлардан одамларни жалб қилишга эҳтиёжи бор. <...> Иқтисодга тўхталадиган бўлсак, шу нарса аёнки, иқтисод ривожланиши билан - бизда ишчи кучи етишмай қолади: бу ҳолат тез кунда сезилади - ишчи кучи зарур", - деб айтган Россия етакчиси.

Путин ишчи кучи етишмаслигини мамлакат иқтисодий тараққиётига тўсиқ бўладиган объектив сабаб ҳамда жиддий муаммоларнинг бири сифатида кўрсатган.

Россия президенти мамлакатга таълим олишга тайёр ёки муайян малака ёхуд касбга эга ёшлар кераклигини таъкидлаган.

Шу билан бирга, президент, жалб этилаётган мигрантлар оқими Россия фуқаролари ҳуқуқларини бузмаслиги ёки чекламаслиги зарурлигини қайд этган.

Путин шунингдек, Россия рус тили ва маданияти ташувчилари оқимига уч карра муҳтожлигини қўшимча қилган.

1427
Профессор Государственного университета управления Владимир Волох

Мигрантларни иш билан таъминлашда хусусий агентликларни фаол жалб қилиш керак - эксперт

171
ГУУ профессори, Россия Ички ишлар вазирлиги Миграция Бош бошқармаси қошидаги эксперт-маслаҳат кенгаши аъзоси Владимир Волох, коронавирус пандемияси РФда миграция ҳолатида қандай заиф томонларини аниқлаганини айтиб берди.

Россиядаги чет элликлар учун қонунчилик базасини такомиллаштириш керак, деди Давлат бошқарув университети (ГУУ) профессори, Россия Ички ишлар вазирлиги Миграция Бош бошқармаси қошидаги эксперт-маслаҳат кенгаши аъзоси Владимир Волох.

“Менимча, вақтинча яшашга рухсатнома каби институт аллақачон эскириб бўлди. Бу ерда тегишли ўзгартиришлар киритилиши керак”, - деди Волох Россиядаги меҳнат мигрантлари билан боғлиқ вазиятга бағишланган онлайн-конференцияда.

Унинг қўшимча қилишича, Россия Федерациясида меҳнат мигрантларига бўлган эҳтиёж қолаверади, деб ёзади Sputnik Тожикистон.

“Москва вилояти қурилиш ташкилотлари чет эллик ишчиларини жалб қилишдан манфаатдор, бу каби ҳолат уй-жой коммунал хўжалигида ҳам кузатилмоқда”, - деди профессор.

Аммо, унинг фикрича, кўп жиҳатдан, келиб чиқиш мамлакатларда қандай ишларни амалга ошириш мумкинлигини аниқлаш керак, мигрантларни ташкиллаштирилган ҳолда ёллашга эътибор қаратиш керак. Шунда чет элликлар қаерга кетаётганликларини ва уларни қандай шароитлар кутишини олдиндан билишади. Ўз навбатида, иш берувчилар уларга ким келишини тушунишади.

Волохнинг сўзларига кўра, бунинг учун хусусий бандлик агентликларини (ХБА) фаолроқ жалб қилиш керак.

“Улар қарорларни тезроқ қабул қиладилар, маълум амалий тажрибага эга. ХБАларнинг салоҳияти жуда катта”, - деб ҳисоблайди профессор.

Тафсилотларни аудиофайлда тингланг.

Волох: надо совершенствовать правовое поле России в отношении мигрантов
171
Двое задержаны при приготовлении наркотическо средства

Қабристон ёнида гиёҳванд моддасини тайёрлаган икки йигит қўлга тушди

119
Икки йигит Юқори Чирчиқ туманидаги қабристон ёнида наша ўсимлигига ўхшаш гиёҳвандлик моддасини қозонда қовураётган вақтда ушланди.

ТОШКЕНТ, 5 июл — Sputnik. Тошкент вилоятида гиёҳванд моддасини тайёрлаган икки йигит қўлга тушди.

ИИВ ҳузуридаги Тергов департаменти хабарига кўра, 27 июнь куни Юқори Чирчиқ тумани ИИБ ходимлари “Қора дори-2020” тадбирини ўтказган. Унда 22 ёшли Б.Ш. ва С.И.лар Юқори Чирчиқ тумани Балиқчи маҳалласидаги қабристон ёнида жойлашган дала майдонида наша ўсимлигига ўхшаш гиёҳвандлик моддасини қозонда қовураётгани аниқланган.

Судга оид кимёвий экспертизаси хулосасига кўра, олинган  модда гиёҳвандлик воситаси. У вазни 1506 грамм бўлган марихуана. 

Тергов ҳаракатлари давомида Б.Ш. ва С.И.лар ушбу  гиёҳвандлик воситасини ўзлари бир ҳафта давомида истеъмол қилишлари учун тайёрлаётганликлари аниқланган.

Жиноят кодексининг 276-моддаси 2-қисми “а” банди билан жиноят иши қўзғатилган.

Тергов ҳаракатлари олиб борилмоқда.

119
Теглар:
гиёҳванд моддалар, Тошкент вилояти