Трудовые мигранты, архивное фото

Мигрантлар 9 йилда Россиядан қанча пул олиб кетгани маълум бўлди

956
(Янгиланган 16:15 22.01.2020)
Кўпинча Тожикистон, Ўзбекистон, Қирғизистон, Хитой, Арманистон ва Озарбайжон фуқаролари ўз оилалари ва қариндошларига пул жўнатишади.

ТОШКЕНТ, 22 янв – Sputnik. 2009 йилдан 2018 йилгача Марказий Осиёдан келган мигрантлар хориждаги пул жўнатиш тизимлари орқали Россиядан 141,4 миллиард долларни (5,64 трлн рубл) олиб чиқишди, дея хабар беради Lenta.ru FinExpertiza’га асосан.

Кўпинча, 2018 йилда Тожикистон, Ўзбекистон, Қирғизистон, Хитой, Арманистон, Озарбайжон, Қозоғистон, Туркия ва Украина фуқаролари ўз оилалари ва қариндошларига пул юборишган.

Шу билан бирга, Ўзбекистон чет элга чиқарилган маблағлар сони бўйича мутлақ етакчи ҳисобланади. Пул жўнатмаларининг 30 фоизи мамлакат ҳиссасига тўғри келади.

Ўз навбатида компания мутахассислари тўлов тизимлари мигрантлар орасида ўз ватанларига пул юборишнинг энг оммалашган усули эканлигини таъкидлашади. Шунингдек, улар мамлакатдан пулларни нақд пулда ёки тўлов топшириқномалари ёрдамида чиқарадилар.

Компания таъкидлашича, мигрантларга банклардан фойдаланиш ёқмайди ва уларда камдан-кам ҳолларда ҳисоб рақамларини очишади. Россиядан пул юбориш электрон каналларини ҳам унчалик ҳуш кўришмайди.

Эслатиб ўтамиз, Ўзбекистон Марказий банки ўтган йил 9 ойида халқаро пул ўтказмалари умумий ҳажми 5,2 миллиард  долларни ташкил қилгани ҳақида маълумот берганди.

956

Россияда мигрантларга ишлаш ҳуқуқини бериш мураккаблаштирилиши мумкин

338
Россияда меҳнат мигрантларига мамлакатга кириш ҳуқуқини бериш тартибини ўзгартириш таклиф қилинмоқда.

ТОШКЕНТ, 4 авг — Sputnik. Экспертлар уюшмаси Россияда мигрантларга ишлаш ҳуқуқини бериш жараёнини мураккаблаштириш имкониятини муҳокама қилмоқда, масалан, мигрантларнинг мамлакатга кириш тартибини ўзгартириш. Бу ҳақда Россия Хавфсизлик кенгаши раиси ўринбосари Дмитрий Медведев маълум қилди.

“Бу мавзуда экспертлар фаол иш олиб бормоқда, ҳатто меҳнат мигрантларига Россияга кириш ҳуқуқини бериш тартибини ўзгартириш таклиф қилинмоқда”, - деди у. Унинг сўзларидан РИА Новости иқтибос келтирган.

Медведевнинг сўзларига кўра, гап чет элликка, агар иш берувчидан аниқ уни ишга жойлаш тўғрисида маълумот олинган тақдирда, Россияга киришга рухсат бериш ҳақида бормоқда.

Россия Хавфсизлик кенгаши раиси ўринбосари ишга ёлланган хорижликнинг хатти-ҳаракати учун жавобгарликни иш берувчининг зиммасига юклаш имкониятини кўриш чиқиш мумкинлигини қўшимча қилди.

“Бу қатъий чора, бироқ уни муҳокама қилиш лозим”, - дея хулоса қилди Медведев.

338

Ўзбекистон Россиядаги меҳнат мигрантлари учун шароитлар яратишга рози

385
(Янгиланган 09:44 04.08.2020)
Ўзбекистон Миграция масалалари бўйича агентликда пандемия вақтида Россиядаги мигрантларни қўллаб-қувватлаш чоралари ҳақида маълумот берди

ТОШКЕНТ, 4 авг — Sputnik. Ўзбекистон меҳнат мигрантларига қулай шарт-шароитлар яратиш учун Россия билан ҳамкорлик қилишга тайёр, деди Россия Федерациясидаги республиканинг ташқи меҳнат миграцияси масалалари бўйича агентлик ваколатхона раҳбари Саиднумон Мансуров.

"Ўзбекистон қулай иш шароитларини яратиш, энг муҳими Россия ҳудудида ватандошларнинг қонуний бўлиб туриши учун биргаликдаги ҳамкорликка тайёр", - деди Мансуров.

Унинг айтишича, Агентлик Россия ИИВ билан биргаликда ўзбекистонлик меҳнат мигрантлари орасида қонунларга риоя қилиниши бўйича тушунтириш бўйича мунтазам равишда тадбирлар ўтказади.

"Шу ўринда бизнинг ИИВ Миграция масалалари бўйича бош бошқармаси раҳбарияти билан яхши йўлга қўйилган алоқаларимизни таъкидлаш муҳим", - дея аниқлик киритди Мансуров.

Агентлик вакилининг таъкидлашича, Ўзбекистон фуқаролари Россиядаги бўш иш ўринлари тўғрисида кунлик янгиланадиган маълумотлар базасидан фойдаланишлари мумкин.

"Натижа сифатида, пандемия пайтида ишидан айрилганларнинг кўплари чекловлар олиб ташланганидан кейин аллақачон янги иш жойларини топганлигини айтиш мумкин", деди у.

Мансуровнинг сўзларига кўра, пандемия вақтида Ўзбекистон томони бошпанасиз қолган меҳнат мигрантларига хостелларда яшаш учун имконият яратди. Бундан ташқари, ватандошларга тезкор молиявий ёрдам кўрсатиш учун birgamiz.com онлайн-платформаси яратилган.

"Энг асосийси - деярли барча фуқароларимиз Россияга ишлаш учун келганликларини ва можарога бундай ўрин йўқлигини тушунадилар", - деган у.

Расмий маълумотларга кўра, айни пайтда 2 миллионга яқин киши ишлаш учун Ўзбекистондан ташқарига чиқиб кетган, улардан 1,5 миллионга яқини Россияда меҳнат қилади.

385

Россияда болалар учун COVID-19 вакцинаси синови Янги йилдан кейин бошланиши мумкин

14
(Янгиланган 15:57 04.08.2020)
Болаларда COVID-19га қарши вакцина тадқиқотларини келаси йилнинг январь-февраль ойларида бошлаш режалаштирилмоқда.

ТОШКЕНТ, 4 авг - Sputnik. Гамалея номидаги Миллий тадқиқотлар маркази болаларда COVID-19га қарши вакцина тадқиқотларини келаси йилнинг январь-февраль ойларида бошлашни режалаштирмоқда, дея хабар беради РИА Новости.

"Биз ҳозирда ушбу ҳужжатлар тўплами билан ишлашни бошладик, чунки институт ҳеч қачон болаларда синовлар ўтказмаган. <...> Педиатрлар бу хусусиятларни билишади ва улар билан биргаликда биз Соғлиқни сақлаш вазирлигига синовларни болаларда амалга ошириш учун тақдим этиладиган ҳужжатлар тўпламини ёзмоқдамиз, аммо бу синовларни биз катталар бўйича барча тадқиқотларни тугатганимиздан кейингина амалга оширамиз", - деди марказ директори Александр Гинцбург.

Унинг сўзларига кўра, синов қишда бошланади, чунки катталарда коронавирус вакцинаси синовларининг учинчи босқичига тахминан беш ой кетади. Унда икки мингга яқин бемор иштирок этади.

Россиянинг коронавирусга қарши вакциналари синовлари

Аввалроқ Россия соғлиқни сақлаш вазири Михаил Мурашко Гамалея номидаги Эпидемиология ва микробиология миллий илмий тадқиқот маркази томонидан ишлаб чиқилган вакцинанинг клиник синовлари якунланганини маълум қилган эди.

Унинг таъкидлашича, ҳукумат октябрь ойида оммавий эмлашни режалаштирмоқда. Аввало коронавирус қарши шифокорлар ва ўқитувчиларга эмланади.

Мутахассислар препаратни Мудофаа вазирлиги билан биргаликда ишлаб чиқишди. Июль охирида госпиталдан 20 нафар кўнгиллилардан иборат иккинчи гуруҳ чиқарилди. Уларнинг ҳар бирида иммун ҳосил бўлди, ножўя таъсирлар ёки асоратлар аниқланмади.

Ўз вакцинасинининг клиник синовларини “Вектор” Маркази ҳам амалга оширишни бошлади, у ишлаб чиқаришни ноябрь ойида бошлашни режалаштирмоқда.

14