Заместитель председателя Совбеза РФ Дмитрий Медведев

Миграция соҳасидаги вазият хавотир уйғотмоқда Медведев

739
Россия Хавфсизлик кенгаши раиси ўринбосари COVID-19 эпидемияси туфайли кўплаб мигрантлар пул топиш имконисиз қолгани ва бу ҳолат жиноятчилик кўрсаткичларига салбий таъсир кўрсатиши мумкинлигини маълум қилди.

ТОШКЕНТ, 4 авг - Sputnik. Миграция соҳасидаги вазият жиддий ташвиш солмоқда. Бу ҳақда Россия Хавфсизлик кенгаши раиси ўринбосари Дмитрий Медведев маълум қилди.

“Миграция соҳасидаги вазият ҳам жиддий ташвишларга сабаб бўлмоқда... Маълумки, кўпчилик мигрантлар, жуда оғир ҳаётий вазиятга тушиб қолдилар, яшашга пули қолмади”, - деди у "Коронавирус эпидемиясининг оқибатларига барҳам бериш даврида жамоат тартибини таъминлашнинг долзарб масалалари" бўйича ўтказилган йиғилишда. Унинг сўзларидан РИА Новости иқтибос келтирган.

Медведевнинг таъкидлашича, Россия Халқ хўжалиги ва давлат бошқаруви академиясини ўтказган тадқиқотга кўра, 40 фоиз атрофида - деярли ҳар иккинчи мигрант ишсиз қолди. Унинг сўзларига кўра, бу вазият "ушбу соҳада эҳтимолий жиноятчиликнинг ўсиши учун жуда қулай шароит яратади".

Шунингдек, у Россиянинг айрим ҳудудларида чет эл фуқаролари учун вақтинча сақлаш марказларида жой етишмаётганини таъкидлади. Бу Россияда жиноят содир этган мигрантларни депортация қилишда қийинчиликларни туғдирмоқда, деди у.

Бундан ташқари, Россия Хавфсизлик кенгаши раҳбарининг ўринбосари эслатди: Ички ишлар вазирлигининг маълумотларига кўра, июль ойида Москва, Санкт-Петербург, Екатеринбург, Мурманск ва Амур вилоятларида Россияда ишлаётган чет элликлар томонидан жамоат тартибини бузиш ҳолатлари қайд этилган.

Медведев Бу минтақалар раҳбарлари қўшимча чоралар кўришлари шартлигини қайд этди.

Эслатиб ўтамиз, июль ойи охирида Россия ИИВ чет эллик ишчиларга қарши оммавий тартибсизликлар ва безорилик бўйича жиноий ишлар қўзғатилганини маълум қилди. Матбуот хизматининг хабарига кўра, баъзи ҳолатларда ҳуқуқбузарлар ўзлари ишлаган корхонанинг мулкига зарар етказган, товар-моддий бойликларни ўғирлаб, ишчиларга тан жароҳати етказган. Таъкидланишича, можароли вазиятларнинг сабаблари таҳлили шундан далолат берадики, уларнинг аксарияти ишчи ва иш берувчилар ўртасидаги муносабатлар, шартнома мажбуриятларини бажаришда меҳнатга ҳақ тўлаш ва меҳнатни ташкил қилиш билан боғлиқ.

739

РФдан Ўзбекистонга Қозоғистон орқали қайтишни ҳозирча режалаштирманг - ТИВ

237
Ташқи ишлар вазирлиги расмий ахборотига кўра, Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолмоқда

ТОШКЕНТ, 29 сен - Sputnik. Ўзбекистон ТИВ сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳақида тарқатилаётган хабарларга ишонмасликка чақирмоқда.

"Ўзбекистоннинг Россиядаги дипломатик ваколатоналари хабар беришича, сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси жорий йилнинг 1-октябридан очилиши ҳамда Россиядаги Ўзбекистон фуқаролари Қозоғистон ҳудуди орқали Ўзбекистонга қайтишлари мумкинлиги ҳақидаги ёлғон хабарлар тарқалмоқда. Бундан ташқари, йўловчи ташиш билан шуғулланадиган айрим шахслар шахсий автомобил воситаларида Ўзбекистонга қайтиш тўғрисида турли эълонлар тарқатмоқдалар. Ҳамюртларимиздан бу каби ёлғон хабарларга ишонмасликларини сўраймиз. Россия ва Қозоғистон ўртасидаги автомобил чегаралари томонлар ушбу масала бўйича махсус қарор қабул қилгунга қадар чет эл фуқаролари учун ёпиқ қолиши ҳақида маълум қиламиз", - дейилади хабарда.

Ҳозирда ватанга қайтишни истагидаги Ўзбекистон фуқаролари учун авиа, темир йўл ва автобус чартер қатновлари ташкил этилмоқда. Ушбу рейсларга чипталар онлайн тарзда сотилмоқда.

Шунингдек, ТИВ 29-сентябр ҳолатига кўра Самара вилоятининг "Кинел", Ростов вилоятининг "Первомайская" ва "Лихая" темир йўл станциялари яқинида Ўзбекистон фуқароларининг тўпланиши кузатилмаётгани ҳақида қўшимча маълумот тақдим этган.

"Коронавирус инфекцияси пандемияси тарқалаётган бир пайтда фуқароларнинг бир жойда тўпланиши уларнинг вирус билан касалланиш эҳтимолини кескин оширади. Бундай ҳолат айниқса қариялар, беморлар, сурункали касаллиги бор фуқаролар учун ниҳоятда хавфлидир.

Россия ҳудудида бўлган ватандошларимиздан жойларда тўпланмаслик, барча карантин талабларига қатъий риоя қилиш ҳамда ўзлари ва яқинлари саломатлигини хавф остига қўймасликларини яна бир бор сўраймиз", - дейилади ТИВ мурожаатида.

237
Мавзу:
Миграция
Иностранные граждане проходят электронное тестирование на знание русского языка

Петербургда мигрантларни мослаштириш маркази очилди

48
(Янгиланган 10:28 29.09.2020)
Марказ ҳуқуқий ва психологик ёрдам кўрсатиш, чет тилларни ўрганиш курсларини ташкил этиш, Россияда вақтинча меҳнат фаолиятини амалга ошираётган Ўзбекистон фуқаролари ҳуқуқларини ҳимоя қилиш, турли тадбир ва семинарлар ўтказишга мўлжалланган

ТОШКЕНТ, 29 сен — Sputnik. Россиянинг Санкт-Петербург шаҳрида Ўзбекистондан вақтинчалик меҳнат фаолиятини амалга ошириш учун борган фуқароларни мослаштириш маркази очилди. Бу ҳақда Ташқи меҳнат миграцияси агентлиги хабар қилмоқда.

Маълум қилинишича, Россия ва Ўзбекистон ўртасида меҳнат миграцияси соҳасида бир қатор масалалар юзасидан музокаралар ўтказиш ва аниқ келишувларга эришиш мақсадида Вазирлар Маҳкамаси ҳузуридаги Хорижда вақтинчалик меҳнат фаолиятини амалга ошираётган Ўзбекистон фуқаролари ҳуқуқларини ҳимоя қилиш ва халқаро иқтисодий ҳамкорлик масалалари департаменти, Бандлик ва меҳнат муносабатлари вазирлиги ва Ташқи меҳнат миграцияси агентлиги вакилларидан иборат делегация аъзолари Россияда бўлиб турибди.

Делегация аъзолари Санкт-Петербург шаҳридаги Ташқи меҳнат миграцияси агентлиги ваколатхонасининг ҳамда “Ишга марҳамат” мономарказининг мослаштириш маркази тантанали очилиш маросимида иштирок этди.

Агентлик хабарига кўра, марказ ҳуқуқий ва психологик ёрдам кўрсатиш, чет тилларни ўрганиш курсларини ташкил этиш, Россияда вақтинча меҳнат фаолиятини амалга ошираётган Ўзбекистон фуқаролари ҳуқуқларини ҳимоя қилиш, турли тадбир ва семинарлар ўтказишга мўлжалланган.

Эслатиб ўтамиз, аввалроқ Москвада мигрантлар учун касб-ҳунар курслари бошлангани хабар қилинган эди.

48

COVID-19  билан такроран касалланиш эҳтимоли кам Нурмат Отабеков

0
Одам хотирасидан кўп нарса чиқиб кетиши мумкин, лекин иммун тизими хотирасидан ҳеч қачон ҳеч нарса чиқиб кетмайди - Отабеков.

ТОШКЕНТ, 29 сен – Sputnik. Сўнгги вақтларда аҳоли орасида коронавирус билан қайтадан касалланиш мумкинми деган савол пайдо бўлмоқда. Ушбу саволга Коронавирусга қарши курашиш штаби аъзоси Нурмат Отабеков жавоб берди.

Отабеков айтишига қараганда, бугунги кунда дунё миқёсида коронавирусга такроран чалиниш ҳолатлари жуда кам учрайди. Учраган тақдирда ҳам улар қандай аниқландигеном даражасида аниқ ва мукаммал текширишни талаб қилади.

Лекин инсоният коронавирус билан танишганидан сўнг, салкам бир йил вақт ичида, касалликнинг аниқланган жиҳати шуки 10-кунидан бошлаб вирусга қарши иммунитет пайдо бўла бошлайди.

“Бугунги кунда аниқ айтишимиз мумкинки, касалликнинг ўнинчи кунидан бошлаб беморда COVID-19га қарши мукаммал иммун тизими шакллана бошлайди. Ўз тасдиғини топган яна бир жиҳат шуки, касалликни оғирроқ бошдан кечирган инсонда шаклланган иммун тизими анча мустаҳкамроқ бўлади”, - деди Отабеков.

COVID-19 янги касаллик бўлгани учун, уни ўрганиш ҳалигача давом этомоқда. Коронавирусга чалинган киши бироз вақт ўтиб ушбу вируснинг янги мутациясига дуч келса ҳам, унинг иммун тизими унга қарши кураша олади.

“Одам хотирасидан кўп нарса чиқиб кетиши мумкин, лекин иммун тизими хотирасидан ҳеч қачон ҳеч нарса чиқиб кетмайди. Ҳатто касалликдан кейин хосил бўлган антитаначалар титри кам бўлса ҳам, улар касаллик билан кураша олади”, - дейди шифокор.

Агар шу касалликнинг мутацияга учраган вируси билан ёки айнан COVID-19 билан узоқ муддатдан кейин яна рўбарў келадиган бўлсак ҳам, бизнинг иммун тизимимиз хотирасида ушбу касалликка антитаначалар ишлаб чиқарганлигимиз ҳақида ахборот мавжуд бўлади.

Ушбу антитаначалар касаллик билан кураша олади. Демак, одамда COVID-19 иккинчи марта ҳатто қайд этилса ҳам, у жуда енгил кечиши мумкин. Яъни иммун тизими хотирасида антитаначалар ишлаб чиқарилгани ҳақида ахборотнинг борлиги касалликдан тезда соғайиб кетиш эҳтимолини юзага келтиради.

“Одам хотирасидан кўп нарса чиқиб кетиши мумкин, лекин иммун тизими хотирасидан ҳеч қачон ҳеч нарса чиқиб кетмайди. Ҳатто касалликдан кейин хосил бўлган антитаначалар титри кам бўлса ҳам, улар касаллик билан кураша олади”, - дейди шифокор.

Шунингдек, COVID-19 бир одамда узоқ муддат сақланиб қолиш эҳтимоли ҳам йўқ эмас.Шу сабабли баъзи беморлар қайта касалландим деб ўйлаган бўлиши мумкин.

0