Российский паспорт

ИИВ Ўзбекистон фуқаролари иккинчи давлат паспортини олиши ҳолатида қонунбузарлик кўрмади

1532
(Янгиланган 20:18 12.01.2021)
Ўзбекистон Республикаси фуқаролиги тўғрисидаги қонунга асосан, чет элга чиқиб кетган Ўзбекистон фуқароси мамлакатга фуқароликдан чиқмаган ҳолда Россия ёки бошқа давлат паспорти билан кириб келса, у Ўзбекистон фуқароси сифатида тан олинади

ТОШКЕНТ, 12 янв - Sputnik, Дилшода Раҳматова. Ўзбекистон ИИВ Миграция ва фуқароликни расмийлаштириш бош бошқармаси бошлиғи ўринбосари Дилшодбек Муродбеков Ўзбекистондан чет давлатга вақтинчалик ёки доимий яшашга чиқиб кетган ва Ўзбекистон паспортидан воз кечмаган ҳолда чет давлат паспортини олган фуқаролар борасида изоҳ берди.

Муродбеков ушбу ҳолатга тўхталар экан, Ўзбекистон фуқаролари ичида чет элга вақтинча ёки доимий яшашга кетганлар жуда кўплигини таъкидлаб, улар орасида чет давлат фуқаролигини қабул қилганлар ҳам бор, дея қўшимча қилди.

Аниқлик киритилишича, бундай фуқаролар нафақат Россия Федерацияси, балки Қозоғистон, Исроил, Германия сингари давлатларда ҳам кўп.

ИИВ вакили статистик маълумотларни келтирмади. Аммо Ўзбекистонда битта фуқаролик тан олинишини қайд этди.

"Ўзбекистон Республикаси фуқаролиги тўғрисидаги қонунга асосан чет элга чиқиб кетган Ўзбекистон фуқароси мамлакатга фуқароликдан чиқмаган ҳолда Россия паспорти билан кириб келса ёки бошқа чет эл паспорти билан кириб келса у Ўзбекистон фуқароси сифатида тан олинади. Яъни рўйхатга олишда ҳам хорижга кетган фуқаронинг паспорти амал қилиш муддати тугаган ёки йўқолган бўлса унга янги Ўзбекистон фуқароси паспорти, ҳозирги кунда эса ID-карта расмийлаштириб берилади. Фуқаро хоҳишига кўра хорижга чиқиш паспорти ҳам расмийлаштирилади", - дея тушунтирди Муродбеков.

Миграция ва фуқароликни расмийлаштириш бош бошқармаси бошлиғи ўринбосарининг айтишича, бу ерда ҳеч қанақа қонунбузарлик ёки бир салбий ҳолат йўқ.

"Агар Ўзбекистон фуқаролигидан чиққан бўлса у вақтинча рўйхатга олиниб, келгусида доимий яшашга рухсатнома ҳам берилиши мумкин", - деди у.

1532
Теглар:
Ўзбекистон фуқаролиги, Ўзбекистон фуқароси, Россия фуқаролиги, чет эл фуқаролари, фуқаролик, фуқаро, ноқонуний миграция, мигрантлар, Россия паспорти, паспорт
Мавзу:
Миграция (88)
Рабочие на строительстве жилого комплекса

Россияда меҳнат мигрантларини олиб келиш бўйича махсус механизм йўлга қўйилди

221
(Янгиланган 15:43 22.01.2021)
Тожикистон, Ўзбекистон, Қозоғистон ва Туркиядан меҳнат мигрантларини олиб келиш бўйича махсус механизм йўлга қўйилди.

ТОШКЕНТ, 22 янв — Sputnik. Россияда меҳнат мигрантларини олиб келиш бўйича махсус механизм йўлга қўйилди.

Бу ерда Тожикистон, Ўзбекистон, Қозоғистон ва Туркиядан келган қурилиш соҳасидаги ишчилар ҳақида гап кетмоқда.

Қурилиш ва уй-жой коммунал хизмат кўрсатиш вазири Ирек Файзуллин сўзларига кўра, механизм "қўлда бошқариш режимида" ишламоқда.

Россия қурилиш компаниялари ёки ҳудудлар энди маълум бир объект учун мигрантларни олиб келиш тўғрисида қурилиш вазирлигига мурожаат қилишлари мумкин. Келишув тахминан уч ҳафта давом этади.

Чегаралар очилгандан кейин Россияга хорижий ишчиларни киритишнинг янги механизми яратилади.

Аввалроқ Россия президенти Владимир Путин эпидемиологик талабларга риоя қилган ҳолда меҳнат мигрантларини қурилиш майдонларига жалб қилишни 1 мартга қадар соддалаштириш бўйича ҳукуматга кўрсатма берганди.

221
Теглар:
Қурилиш вазирлиги, қурилиш, Владимир Путин, Қозоғистон, Туркия, Тожикистон, Ўзбекистон, Россия, мигрантлар
Иностранные рабочие

Ўзбекистонда фуқароларни Москвага ишга жалб қилиш фаол олиб борилмоқда 

336
(Янгиланган 11:39 22.01.2021)
Январ охирига қадар 4000 мингга яқин кишини ишга қабул қилиш режалаштирилган, айни дамда 500 киши суҳбатдан ўтган. 

ТОШКЕНТ, 22 янв - Sputnik. Шу кунларда Россия қурилиш компаниялари Ўзбекистонда фуқароларни Москва ва Москва вилоятида ишга жалб қилиш билан фаол шуғулланмоқда. 

Россиянинг йирик қурилиш компаниялари январ ойининг охирига қадар 4 минг нафар Ўзбекистон фуқаролари билан шартнома тузишни режалаштирган, деб хабар қилмоқда Ташқи меҳнат миграцияси агентлиги.

Хусусан, "ПИК-Индустрия" ва "ТехСтрой" компанияси вакиллари Ташқи меҳнат миграцияси агентлиги ходимлари билан биргаликда Москве ва Москва вилоятининг қурилиш объектларида ишлаш учун мутахассисларни жалб қилмоқда. Айни дамда 500 киши суҳбатдан ўтган, ой охиригача 4 минг киши билан шартнома тузиш режалаштирилган.

Эслатиб ўтамиз, Россия расмийлари Москва қурилиш объектларида ишчи кучи етишмаётгани туфайли ишлар тўхтаб қолгани ҳақида Россия расмийлари бир неча бор айтиб ўтишган эди. Айни дамда Ўзбекистон ва Тожикистондан керакли мутахассисликка эга бўлган ишчиларни ташкиллаштирилган тартибда ишга ёллаш кампанияси бошлаб юборилган. 

Маълум бўлишича қурилиш компаниялари 14 мингга яқин ишчи ёллашни режалаштирган. Уларга асосан монтажчи-сантехниклар, электропайвандчилар, электромонтажчилар, ғишт терувчилар, арматурачилар, бетон қуювчилар ва бошқа қурилиш мутахассислари керак. 

Номзодлар билан суҳбат Фарғона, Самарқанд ва Урганч шаҳарларидаги бандлик марказларида ўтказилмоқда. Номзодлар ёши 21-50 орасида бўлиши, рус тилини билиши ва камида 1 йиллик иш стажига эга бўлиши талаб қилинади. Ишга қабул қилинганларга 60-100 минг атрофида маош, ётоқхона, махсус кийим-кечак билан таъминланади.

336
Новоизбранный премьер-министр Садыр Жапаров (в центре)

Жапаров кортеж ва зиёфатдан воз кечди - инаугурация камтарона ўтказилади

69
(Янгиланган 17:40 22.01.2021)
Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

ТОШКЕНТ, 22 янв — Sputnik. Қирғизистон сайланган президенти Садир Жапаров инаугурация муносабати билан махсус кортеж, зиёфат ва бошқа тадбирлар ўтказилмаслигини маълум қилди.

21 январь куни пойтахтининг марказида транспорт ҳаракати тўсиб қўйилди: мамлакат раҳбарининг махсус автокарвони ўтиши учун репетиция ўтказилди.

Sputnik Қирғизистон ёзишича, тадбирга 10 миллион қирғиз сўмини сарфлаш режалаштирилгани ҳақида хабар берилган. Шундан сўнг, қирғизистонликлар ижтимоий тармоқларда йўлларнинг ёпилиши, маросим харажатларини танқид қилишди.

Бугун Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

"Мен катта миқдордаги молиявий харажатларни келтириб чиқарадиган махсус кортежи, зиёфат ва бошқа ташкилий тадбирлардан воз кечиш тўғрисида қарор қабул қилдим. Президентлик лавозимига киришиш учун фақат қонунда белгиланган мажбурий тартибларни ҳисобга олиб, амалга оширилади", - деди Жапаров.

Унга кўра, ҳозирда ҳукумат бюджет маблағларини халқ ва уларнинг эҳтиёжлари учун ишлатишга қаратиши керак. Инаугурация ташкилий қўмитаси тадбир учун янги сценарий тузиши керак.

Инаугурация 28 январ куни Миллий филармониянинг катта залида бўлиб ўтади.

69
Теглар:
интернет, инаугурация, инаугурация маросими, сайлов, Садир Жапаров, Бишкек, Қирғизистон
Мавзу бўйича
Шавкат Мирзиёев Садир Жапаровни ғалаба билан табриклади
Садир Жапаровнинг рафиқаси ҳақида 9та қизиқарли факт
“Қамоқдан президентликка”: Садир Жапаровга ўхшаган етакчилар кўп бўлганми?
Мирзиёев Садир Жапаров билан қўнғироқлашди. Нима ҳақда гаплашишди?