"Yashang, askarlar": Toshkentda 9-mayga bag‘ishlangan tadbirlar bo‘lib o‘tdi

Obuna bo‘lish
O‘zbekiston poytaxtida Xotira va qadrlash kuniga bag‘ishlangan navbatdagi aksiya o‘tkazildi. Tadbir haqida xabar topgan shaharliklar konsert dasturlari o‘tkaziladigan hududlarda to‘plandilar. Fuqarolarning kayfiyatlari a’lo edi. Ular oilaviy askarlar bilan suratga tushdilar va konsert davomida harbiylarni chapak chalib olqishladilar

O‘zbekiston Mudofaa vazirligi va O‘zbekiston Yoshlar ittifoqi Markaziy kengashi hamkorligida 9-may sanasiga bag‘ishlangan tadbir bo‘lib o‘tdi. Bugun 2-may kuni Ikkinchi jahon urushi yillaridagi harbiy texnikalarda o‘sha yillarning harbiy kiyimini kiygan harbiy orkestr ijodkorlari Toshkent ko‘chalari bo‘ylab harakatlandilar.

Belgilangan joylarda konsert dasturlari uyushtirildi.

Aksiya va konsert dasturlari Do‘mbirobod dahasi, Usmon Nosir ko‘chasidagi Shota Rustaveli haykali, Temuriylar tarixi davlat muzeyi, O‘zbekiston Yoshlar ittifoqi Markaziy kengashi binosi va "Yunusobod" bozori ro‘parasidagi avtobuslar bekati yonidagi maydonchalarda to‘xtadi.

Yangiliklar lentasi
0