TOShKENT, 30 mar — Sputnik. Odnoklassniki ijtimoiy tarmog‘i internet-do‘konlar va brendlarning mahsulotlari va xizmatlari namoyish etilgan ko‘rgazma maydonchalarini sinovdan o‘tkazmoqda, deb xabar qildi OK matbuot-xizmati.
Ko‘rgazmaga guruh ma’murlari alohida mahsulotlar, hamda tovar va xizmatlar turkumini qo‘shish imkoniyatiga ega bo‘ladilar. Har bir e’lon uchun narx, ta’rif va sur’atlar qo‘shish mumkin bo‘ladi. Shuningdek guruh ma’muri yangi mahsulotlarni to‘g‘ridan to‘g‘ri guruh yangliliklar tasmasida namoyish etilishini sozlashi mumkin.
Foydalanuvchilar guruhlarida chop etilgan e’lonlardan farqli o‘laroq do‘konlar mahsulotlari qo‘yilgan e’lonlar muddatsiz bo‘ladi. Guruhlarda mahsulotlarni joylashtirish bepul.
Mahsulot yoki xizmatlarga guruh chati orqali, e’londagi "Bog‘lanish" tugmasi yoradmida, buyurtma bersa bo‘ladi. Sotuvchilar buyurtmalarni qabul qilish uchun botlarni sozlashlari va ularni Odnoklassnikining ochiq "API"si orqali xabarlar bilan ishlovchi tizimlarini integratsiya qilishlari mumkin bo‘ladi. "Bog‘lanish" tugmasiga ega e’lonni promo-post sifatida Odnoklassniki tasmasida "myTarget" platformasi orqali targ‘ib qilish imkoniga ega bo‘ladi. Hozirgi vaqtda mahsulotlar ko‘rgazmasi faqat ijtimoiy tarmoqning veb ko‘rinishida ishlamoqda. Yaqin vaqtda u mobil qurilmalarda ham mavjud bo‘ladi.
